டாடா சியராவுக்கு போட்டியா பழம் தின்னு கொட்டை போட்ட பல கார்கள்! அவற்றை விட இதில் என்ன சிறப்பு?

Updated: Wednesday, November 26, 2025, 16:30 [IST]

டாடா மோட்டார்ஸ் (Tata Motors) நிறுவனம் தனது 2025 சியரா (Sierra) காரை ரூ.11.49 லட்சம் ஆரம்ப விலையில் அறிமுகப்படுத்தி உள்ளது. இந்த காருக்கான முன்பதிவுகள் டிசம்பர் 16க்கு பிறகே துவங்கப்பட உள்ளது என்றாலும், காரின் வெளிப்புற, உட்புறத் தோற்றம், முழுமையான என்ஜின் விவரங்கள் மற்றும் முக்கிய அம்சங்களை டாடா நிறுவனம் வெளியிட்டுள்ளது. புதிய சியரா சுமார் 4.3 மீட்டர் நீளம் கொண்டது. டாடா கார்கள் வரிசையில் கர்வ் (Curvv) காருக்கு மேல் இது நிலைநிறுத்தப்பட்டுள்ளது.

இதன் மூலம், மிட்-சைஸ் எஸ்யூவி கார்கள் பிரிவில் ஹூண்டாய் க்ரெட்டா (Hyundai Creta), மாருதி சுஸுகி கிராண்ட் விட்டாரா (Maruti Suzuki Grand Vitara), கியா செல்டோஸ் (Kia Seltos), டொயோட்டா அர்பன் க்ரூஸர் ஹைரைடர் (Toyota Urban Cruiser Hyryder), ஹோண்டா எலிவேட் (Honda Elevate), ஃபோக்ஸ்வாகன் டைகுன் (Volkswagen Taigun), ஸ்கோடா குஷாக் (Skoda Kushaq), எம்ஜி அஸ்டர் (MG Astor) மற்றும் சிட்ரோயன் ஏர்கிராஸ் (Citroen Aircross) போன்ற கார்களுக்கு சியரா நேரடி போட்டியாக அறிமுகம் செய்யப்பட்டுள்ளது. புதிய சியரா தனது போட்டியாளர்களுடன் எந்த அளவிற்கு வேறுப்படுகிறது என்பதை இனி இந்த தொகுப்பில் பார்க்கலாம்.

பரிமாண அளவுகள்: 1,715 மிமீ உயரத்தில், மிட்-சைஸ் எஸ்யூவி கார்கள் பிரிவில் சியரா மிக உயரமான மாடலாக உள்ளது. அதேபோல், இதன் 2,730 மிமீ வீல்பேஸ் (முன் & பின் சக்கரங்களுக்கு இடையேயான தூரம்) மற்ற போட்டி கார்களை விட நீண்டதாக உள்ளது.

Dimensions	Tata Sierra	Hyundai Creta	Kia Seltos	Maruti Victoris	Toyota Hyryder	Maruti Grand Vitara	Honda Elevate	Skoda Kushaq	VW Taigun	Citroen Aircross	MG Astor
Length (mm)	4340	4330	4365	4360	4365	4345	4312	4225	4221	4324	4323
Width (mm)	1841	1790	1800	1795	1795	1795	1790	1760	1760	1796	1809
Height (mm)	1715	1635	1645	1655	1645	1645	1650	1612	1612	1665	1650
Wheelbase (mm)	2730	2610	2610	2600	2600	2600	2650	2651	2651	2671	2585
Ground clearance (mm)	205	190	190	210	210	210	220	188	188	200	205
Boot space (litres)	622	433	433	446	373	373	458	385	385	444	488
Wheel size (inch)	17-19	17	18	-	-	-	-	-	-	-	-

622 லிட்டர் (அறிவிக்கப்பட்டது) கொள்ளளவில் பூட் ஸ்பேஸ், இந்தப் பிரிவில் மிக பெரிய பூட் ஸ்பேஸ் கொண்ட காராக சியராவை முன்னிலைப்படுத்துகிறது. இது, பெரும்பாலான போட்டி கார்களை விட சியராவுக்கு ஒரு பெரிய நன்மையை வழங்குகிறது. அதிக கிரவுண்ட் கிளியரன்ஸ் மற்றும் 19 அங்குல சக்கரங்கள் சியராவுக்கு ஒரு கம்பீரமான தோற்றத்தை அளிக்கின்றன. ஒட்டுமொத்தத்தில், சியரா மிட்-சைஸ் எஸ்யூவி கார்களிலேயே மிகப்பெரிய கார் ஆகும்.

பெட்ரோல் என்ஜின்: சியராவின் 1.5 லிட்டர் நேச்சுரலி-அஸ்பிரேட்டட் பெட்ரோல் என்ஜின், மேனுவல் மற்றும் டூயல்-கிளட்ச் ஆட்டோமேட்டிக் கியர்பாக்ஸ் ஆப்ஷன்களுடன் வந்துள்ளது. இது விட்டாராவுக்கு இணையான செயல்திறனை சியரா காரில் வழங்கக்கூடியதாக உள்ளது. நகரப் பயன்பாடு மற்றும் குறுகிய தூர பயணங்களுக்கு இந்த நேச்சுரலி-அஸ்பிரேட்டட் என்ஜின் ஏற்றது. மற்ற போட்டி கார்களின் ஆரம்ப நிலை பெட்ரோல் என்ஜின்களுடன் ஒப்பிடும்போது, இதன் சீரான பவர் டெலிவரி மற்றும் மென்மையான செயல்பாடு இதன் முக்கிய பலங்களாக இருக்கும் என எதிர்பார்க்கப்படுகிறது.

Specification	Tata Sierra	Honda Elevate	Hyundai Creta	Maruti Victoris	Skoda Kushaq
Type	4 cyls NA	4 cyls NA	4 cyls NA	4 cyls NA	3 cyls Turbo
Displacement	1498cc	1498cc	1497cc	1462cc	999cc
Power	106hp	121hp	115hp	103hp	115hp
Torque	145Nm	145Nm	143.8Nm	139Nm	178Nm
Manual transmission	6-speed MT	6-speed MT	6-speed MT	5-speed MT	6-speed MT
Automatic transmission	7-speed DCT	7-speed CVT	6-speed CVT	6-speed torque converter	6-speed torque converter

டர்போ-பெட்ரோல் என்ஜின்: 1.5 லிட்டர் டர்போ-பெட்ரோல் என்ஜின், 6-ஸ்பீடு டார்க் கன்வெர்ட்டர் ஆட்டோமேட்டிக் கியர்பாக்ஸ் உடன் புதிய சியரா காரில் கிடைக்கும். இது க்ரெட்டா, செல்டோஸ், டைகுன் மற்றும் குஷாக் போன்ற மற்ற டர்போ கார்களுடன் சியராவை ஒரே பிரிவில் நிலைநிறுத்துகிறது. இதன் மென்மையான ஐசின் ஆட்டோமேட்டிக் கியர்பாக்ஸ், பரபரப்பான நகரப் போக்குவரத்து மற்றும் நெடுஞ்சாலைப் பயணங்களின்போது மிகவும் உதவியாக இருக்கும்.

Specification	Tata Sierra	Hyundai Creta	Citroen Aircross	Kia Seltos	Skoda Kushaq
Type	4 cyls turbo	4 cyls turbo	3 cyls turbo	4 cyls turbo	4 cyls turbo
Displacement	1498cc	1482cc	1199cc	1482cc	1498cc
Power	160hp	160hp	110hp	160hp	150hp
Torque	255Nm	253Nm	190Nm	253Nm	250Nm
Manual transmission	NA	6-speed MT	6-speed MT	NA	NA
Automatic transmission	6-speed torque converter	7-speed DCT	6-speed torque converter	7-speed DCT	7-speed DCT

டீசல் என்ஜின்: சியராவின் 1.5 லிட்டர் டீசல் என்ஜின், மேனுவல் மற்றும் 6-ஸ்பீடு ஆட்டோமேட்டிக் கியர்பாக்ஸ் ஆப்ஷன்களுடன் வருகிறது. இந்த பிரிவில் பெரும்பாலான போட்டி கார்கள் டீசல் ஆப்ஷன்களை நீக்கியுள்ளதால், இது சியராவுக்கு ஒரு சிறப்பான அம்சமாகும். அடிக்கடி நீண்ட தூரம் பயணிப்பவர்களுக்கு இதன் எரிபொருள் திறன் மிகவும் பயனுள்ளதாக இருக்கும். சியராவின் டீசல்-ஆட்டோமேட்டிக் காம்போ மற்ற போட்டி கார்களை விட ஒரு முக்கிய விற்பனைப் புள்ளியாகும்.

Specification	Tata Sierra	Hyundai Creta	Kia Seltos
Type	4 cyls	4 cyls	4 cyls
Displacement	1497cc	1493cc	1493cc
Power	118hp	116hp	116hp
Torque	260/280Nm	250Nm	250Nm
Manual transmission	6-speed MT	6-speed MT	6-speed MT
Automatic transmission	6-speed torque converter	6-speed torque converter	6-speed torque converter

டிரைவ்ஸ்பார்க் கருத்து: காகிதத்தில், டாடா சியரா ஒரு உறுதியான பேக்கேஜை வழங்குகிறது. இது நன்கு வடிவமைக்கப்பட்டுள்ளது. பல பவர்டிரெய்ன் ஆப்ஷன்களை வழங்குகிறது. மேலும், மிட்-சைஸ் எஸ்யூவி கார்கள் பிரிவில் மற்ற பிரபலமான கார்களுடன் போட்டியிடும் அளவுக்கு பெரியதாகவும், சரியான கலவையிலும் உள்ளது. இந்த அம்சங்கள் உடன் டாடா சியரா சிறப்பாக செயல்பட்டால், மிட்-சைஸ் எஸ்யூவி கார்கள் பிரிவில் இது ஒரு முக்கியமான போட்டியாளராக இருக்கும்.