இப்பயாவது ஒரு நல்ல வழி கிடைச்சுதே... மத்திய அரசு GST குறைக்கலனா இந்த கம்பெனி கார்களின் சேல்ஸ் குறைஞ்சிருக்கும்

Updated: Monday, November 17, 2025, 11:40 [IST]

ஸ்கோடா (Skoda) மற்றும் ஃபோக்ஸ்வேகன் (Volkswagen) ஆகிய இரு முன்னணி கார் நிறுவனங்களும், 2024 அக்டோபரை காட்டிலும் 2025 அக்டோபரில் இந்தியாவில் கணிசமான விற்பனை வளர்ச்சியைப் பதிவு செய்துள்ளன. மேலும், செப்டம்பர் மாதத்துடன் ஒப்பிடுகையிலும் விற்பனையில் இரண்டு நிறுவனங்களும் முன்னேற்றம் கண்டிருப்பது குறிப்பிடத்தக்கது. இந்தியச் சந்தையில் சிறந்த கார்கள் விற்பனையாளர்களின் பட்டியலில் ஸ்கோடா 7வது இடத்திலும், ஃபோக்ஸ்வேகன் 11வது இடத்திலும் உள்ளன.

ஸ்கோடா நிறுவனம் 2025 அக்டோபரில் தனது வரலாற்றிலேயே மிக அதிகமான மாத விற்பனையைப் பதிவு செய்துள்ளது. சந்தைப் பங்கில் 1.8% கொண்டுள்ள ஸ்கோடா, விற்பனையில் சுமார் 102% வளர்ச்சியை கண்டுள்ளது. அதேசமயம், 0.9% சந்தைப் பங்கைக் கொண்டுள்ள ஃபோக்ஸ்வேகன், அதன் பிரபலமான விர்டுஸ் செடான் காரின் விற்பனையில் புதிய உச்சத்தைத் தொட்டுள்ளது.

ஸ்கோடா இந்தியா 2025 அக்டோபரில் மொத்தம் 8,252 கார்களை விற்பனை செய்துள்ளது. இது கடந்த ஆண்டு அக்டோபரில் விற்பனையான 4,079 யூனிட்களைக் காட்டிலும் சுமார் 102% அதிகமாகும். அதேபோல், 2025 செப்டம்பரில் விற்பனையான 6,636 ஸ்கோடா கார்களுடன் ஒப்பிடுகையில், இது 24% மாதாந்திர வளர்ச்சியாகும்.

ஸ்கோடா நிறுவனம் தற்போது கைலாக், குஷாக், கோடியாக் போன்ற எஸ்யூவி கார் மாடல்களையும், ஸ்லாவியா, ஆக்டேவியா போன்ற செடான் கார் மாடல்களையும் பல்வேறு பிரிவுகளில் வழங்குகிறது. கடந்த அக்டோபரில், 100 யூனிட்கள் மட்டுமே விற்பனையான புதிய ஆக்டேவியா ஆர்.எஸ் செடான் கார் அறிமுகப்படுத்தப்பட்டு, ஆர்டர்கள் தொடங்கிய 20 நிமிடங்களிலேயே விற்றுத் தீர்ந்தது.

கடந்த மாதம், கைலாக் சப்-4 மீட்டர் எஸ்யூவி 5,078 யூனிட்களுடன் ஸ்கோடா கார்கள் விற்பனையில் முதலிடத்தைப் பிடித்துள்ளது. கடந்த ஆண்டு இறுதியில் அறிமுகப்படுத்தப்பட்டு, இந்த ஆண்டு தொடக்கத்தில் இருந்து டெலிவரிகள் தொடங்கிய கைலாக், ஸ்கோடாவின் அதிகம் விற்பனையாகும் மாடலாக மாறியுள்ளது. 2025 செப்டம்பரில் விற்பனையான 4,398 கைலாக் கார்களுடன் ஒப்பிடுகையில், இது 15% மாதாந்திர வளர்ச்சியாகும்.

ஸ்கோடா ஸ்லாவியா 1,648 யூனிட்கள் விற்பனை உடன் இரண்டாவது இடத்தைப் பிடித்துள்ளது. இது கடந்த ஆண்டை விட 1 சதவீதமும், முந்தைய செப்டம்பர் மாதத்தை விட 23% சதவீதமும் அதிகம் ஆகும். ஏனெனில், 2024 அக்டோபரில் 1,637 ஸ்லாவியா கார்களும், 2025 செப்டம்பரில் 1,339 ஸ்லாவியா கார்களும் விற்பனையாகி இருந்தன.

இந்த வரிசையில் 3வது இடத்தில் உள்ள ஸ்கோடா குஷாக் விற்பனை கடந்த ஆண்டை விட 45% சரிந்து 1,219 யூனிட்களாக இருந்தது. இருப்பினும், 2025 செப்டம்பரில் விற்பனையான 769 யூனிட்களுடன் ஒப்பிடுகையில், மாதாந்திர விற்பனை 59% அதிகரித்துள்ளது. விலையுயர்ந்த ஸ்கோடா காரான கோடியாக் 305 யூனிட்கள் விற்பனையாகி, கடந்த ஆண்டை விட 46% மற்றும் முந்தைய மாதத்தை விட 135% வளர்ச்சி கண்டுள்ளது. ஆக்டேவியா கார் 2 யூனிட்கள் மட்டுமே விற்பனையானது.

No	Skoda	Oct-25	Oct-24	Diff	Growth % YoY	Share % Oct 25
1	Kylaq	5,078	0	5,078	-	61.54
2	Slavia	1,648	1,637	11	0.67	19.97
3	Kushaq	1,219	2,213	-994	-44.92	14.77
4	Kodiaq	305	209	96	45.93	3.70
5	Octavia	2	20	-18	-90.00	0.02
6	Superb	0	20	-20	-100.00	0.00
-	Total	8,252	4,079	4,173	102.30	100.00

No	Skoda	Oct-25	Sep-25	Diff	Growth % MoM	Share % Sep 25
1	Kylaq	5,078	4,398	680	15.46	66.27
2	Slavia	1,648	1,339	309	23.08	20.18
3	Kushaq	1,219	769	450	58.52	11.59
4	Kodiaq	305	130	175	134.62	1.96
5	Octavia	2	0	2	-	0.00
6	Superb	0	0	0	-	0.00
-	Total	8,252	6,636	1,616	24.35	100.00

மறுப்பக்கம், ஃபோக்ஸ்வேகன் நிறுவனம் 2025 அக்டோபரில் மொத்தம் 4,048 கார்களை விற்பனை செய்துள்ளது. இது கடந்த ஆண்டு அக்டோபரில் விற்பனையான 4,458 ஃபோக்ஸ்வேகன் கார்களை விட 9% குறைவாகும். இருப்பினும், செப்டம்பர் 2025-ல் விற்பனையான 2,780 யூனிட்களுடன் ஒப்பிடுகையில், மாதாந்திர விற்பனை 46% உயர்ந்துள்ளது.

ஃபோக்ஸ்வேகன் விர்டஸ் செடான் கார் 2,453 கார்கள் விற்பனை உடன் தனது அதிகபட்ச மாத விற்பனையைப் பதிவு செய்துள்ளது. இது கடந்த ஆண்டு அக்டோபரில் விற்பனையான 2,351 யூனிட்களை விட 4% அதிகமாகும். அதுவே, 2025 செப்டம்பரில் விற்பனையான 1,648 யூனிட்களுடன் ஒப்பிடுகையில், மாதாந்திர விற்பனை 49% அதிகரித்துள்ளது. டைகுன் கார் விற்பனை கடந்த ஆண்டு அக்டோபரில் 2,028 யூனிட்களில் இருந்து 1,560 யூனிட்களாகக் குறைந்துள்ளது.

எனினும், 2025 செப்டம்பரில் விற்பனையான 1,114 யூனிட்கள் உடன் ஒப்பிடுகையில் இது 40% அதிகமாகும். ஃபோக்ஸ்வேகன் டிகுவான் கார் 33 யூனிட்கள் விற்பனையாகி, கடந்த ஆண்டை விட 58% குறைந்தாலும், மாதாந்திர விற்பனையில் 94% குறிப்பிடத்தக்க வளர்ச்சியைப் பெற்றுள்ளது. ஃபோக்ஸ்வேகன் கோல்ஃப் 2 யூனிட்கள் விற்பனையானது, இது 2025 செப்டம்பரில் விற்பனையான 1 யூனிட்டை விட அதிகமாகும்.

No	VW	Oct-25	Oct-24	Diff	Growth % YoY	Share % Oct 25
1	Virtus	2,453	2,351	102	4.34	60.60
2	Taigun	1,560	2,028	-468	-23.08	38.54
3	Tiguan	33	79	-46	-58.23	0.82
4	Golf	2	0	2	-	0.05
-	Total	4,048	4,458	-410	-9.20	100.00

No	VW	Oct-25	Sep-25	Diff	Growth % MoM	Share % Sep 25
1	Virtus	2,453	1,648	805	48.85	59.28
2	Taigun	1,560	1,114	446	40.04	40.07
3	Tiguan	33	17	16	94.12	0.61
4	Golf	2	1	1	100.00	0.04
-	Total	4,048	2,780	1,268	45.61	100.00

டிரைவ்ஸ்பார்க் கருத்து: ஸ்கோடா மற்றும் ஃபோக்ஸ்வேகன் நிறுவனங்களின் மொத்த கார்கள் விற்பனை 12,300 யூனிட்களாக பதிவாகி உள்ளது. கடந்த ஆண்டு 8,537 யூனிட்கள் மட்டுமே விற்பனையாகியிருந்த நிலையில், இது கணிசமான அதிகரிப்பைக் குறிக்கிறது. 2025 செப்டம்பரில் விற்பனையான 9,416 யூனிட்களை விடவும் இது ஒரு ஆரோக்கியமான மாதாந்திர உயர்வாகும். இந்த நிறுவனங்களுக்கு இந்தியச் சந்தையில் ஒரு மாதத்தில் இதுவே சிறந்த விற்பனையாகும்.