இன்னும் 2 நாள் காத்திருந்தால் போதும்... விலையுயர்ந்த டாடா கார்களை எல்லாரும் வாங்கும் காலம் வந்தாச்சு!

டாடா மோட்டார்ஸ் (Tata Motors) நிறுவனத்தின் பிரபலமான எஸ்யூவி காரான சஃபாரி (Safari) மற்றும் ஹாரியர் (Harrier), விரைவில் புதிய 1.5 லிட்டர் நான்கு-சிலிண்டர் டர்போசார்ஜ்டு பெட்ரோல் என்ஜின் உடன் சந்தையில் விற்பனைக்கு வர உள்ளது. தற்போது டீசல் என்ஜின் உடன் மட்டுமே கிடைக்கும் இந்த டாடா கார்கள், புதிய பெட்ரோல் என்ஜின் ஆப்ஷன் இணைக்கப்பட்டால், அதிக வாடிக்கையாளர்களை ஈர்க்கும் என பரவலாக எதிர்பார்க்கப்படுகிறது.

ஹாரியர் மற்றும் சஃபாரி கார்களில் புதியதாக வழங்கப்பட உள்ள புதிய 1.5 லிட்டர் டர்போ-பெட்ரோல் என்ஜின், டாடாவின் ஹைப்ரியன் சீரிஸைச் சேர்ந்ததாகும். இது 2023 ஆட்டோ எக்ஸ்போவில் முதன்முதலாகக் காட்சிப்படுத்தப்பட்டது. சமீபத்தில் அறிமுகம் செய்யப்பட்ட டாடா சியரா எஸ்யூவி காரில் அறிமுகமான இந்த என்ஜின் விரைவில் சஃபாரி மற்றும் ஹாரியர் கார் மாடல்களிலும் பொருத்தப்படவுள்ளது.

இந்த பெட்ரோல் என்ஜினை டூயல்-கிளட்ச் ஆட்டோமேட்டிக் கியர்பாக்ஸ் அல்லது டார்க் கன்வெர்ட்டர் ஆட்டோமேட்டிக் கியர்பாக்ஸ் உடன் வாங்கும் வகையில் டாடா மோட்டார்ஸ் வழங்கும் என்று எதிர்பார்க்கப்படுகிறது. வரவிருக்கும் இந்த 1.5 லிட்டர் டர்போசார்ஜ்டு ஹைப்ரியன் பெட்ரோல் என்ஜினின் விரிவான விவரக்குறிப்புகளைப் பற்றி இனி காணலாம்.

ஏற்கனவே கூறியதுபோல், ஹைப்ரியன் சீரிஸில் இருந்து வந்த 1.5 லிட்டர் டர்போசார்ஜ்டு பெட்ரோல் என்ஜினைப் பெற்ற முதல் டாடா கார் சியரா ஆகும். டாடா சியரா, கடந்த நவம்பர் 25 அன்று அறிமுகம் செய்யப்பட்டது. இந்த நான்கு-சிலிண்டர் TGDi பெட்ரோல் என்ஜின் சியராவில் 6-ஸ்பீடு ஆட்டோமேட்டிக் கியர்பாக்ஸ் உடன் வருகிறது.

இந்த என்ஜின் அதிகபட்சமாக 5,000 ஆர்பிஎம்-இல் 157 பிஎச்பி உச்ச ஆற்றலையும், 1,755- 4,000 ஆர்பிஎம்-க்கு இடையில் 255 என்.எம் டார்க் திறனையும் உற்பத்தி செய்யக்கூடியதாக உள்ளது. வரவிருக்கும் புதிய சஃபாரி மற்றும் ஹாரியர் பெட்ரோல் என்ஜின் கார்களிலும் இதே ஆற்றல் வெளியீட்டை நாம் எதிர்பார்க்கலாம்.

டாடா மோட்டார்ஸ் அதன் எதிர்கால கார்களுக்கு வழங்க, இந்த 1.5 லிட்டர் டர்போசார்ஜ்டு ஹைப்ரியன் பெட்ரோல் என்ஜின் மீது பெரும் நம்பிக்கை வைத்துள்ளது. சியரா அறிமுகத்தின்போது, இந்த என்ஜின் "ஹைப்பர் பெர்ஃபார்மன்ஸ், ஹைப்பர் டெக் மற்றும் ஹைப்பர் குவைட்" ஆகிய மூன்று முக்கிய தத்துவங்களை மையமாகக் கொண்டு உருவாக்கப்பட்டுள்ளதாக டாடா நிறுவனம் தெரிவித்தது.

மேலும், என்ஜினின் ஆற்றல் மற்றும் டார்க் விநியோகம் ஒரு உற்சாகமான டிரைவிங் அனுபவத்தை வழங்குவதை உறுதி செய்வதாகவும் தெரிவிக்கும் டாடா மோட்டார்ஸ் நிறுவனம், வெவ்வேறான ஜியோமெட்ரி டர்போசார்ஜர், 350 பார் நேரடியாக எரிபொருள் உட்செலுத்துதல், இரட்டை வேரியபிள் கேம் டைமிங் மற்றும் இன்டெலிஜென்ட் லூப்ரிகேஷன் சிஸ்டம் போன்ற மேம்பட்ட தொழில்நுட்பங்களைப் பயன்படுத்தி இந்த என்ஜினை உருவாக்கி உள்ளது.

இவை அனைத்தும் இணைந்து சிறப்பான ஸ்போர்ட்டி பெர்ஃபார்மன்ஸ், உடனடி துல்லியம் மற்றும் உயர் என்ஜின் செயல்திறனை உறுதி செய்கின்றன. மேலும், இந்த என்ஜின் மிகக் குறைந்த இரைச்சல், அதிர்வு மற்றும் கடினத்தன்மை (NVH) அளவுகளுடன் வருவதாகக் கூறப்படுகிறது. இது ஓட்டுநர் மற்றும் பயணிகளின் அனுபவத்தை மேம்படுத்துகிறது.

தற்போதைக்கு, டாடா சஃபாரி மற்றும் டாடா ஹாரியர் எஸ்யூவி கார்கள் இரண்டும் பிரத்யேகமாக டீசல் என்ஜின் உடன் மட்டுமே கிடைக்கின்றன. இந்த எஸ்யூவிகள் 2.0 லிட்டர் க்ரயோடெக் டர்போசார்ஜ்டு இன்லைன் 4-சிலிண்டர் டீசல் என்ஜினைப் பயன்படுத்துகின்றன. இந்த டீசல் என்ஜின் அதிகபட்சமாக 3,750 ஆர்பிஎம்-இல் 168 பிஎச்பி உச்சப்பட்ச ஆற்றலையும், 1,750- 2,500 ஆர்பிஎம்-க்கு இடையில் 350 என்.எம் டார்க் திறனையும் உற்பத்தி செய்கிறது.

டிரைவ்ஸ்பார்க் கருத்து: சஃபாரி மற்றும் ஹாரியர் கார்களில் புதியதாக பெட்ரோல் என்ஜினை அறிமுகப்படுத்துவது, இந்த கார்களின் சந்தைப் போட்டித்தன்மையை வெகுவாக அதிகரிக்கும். ஏனெனில் இந்த வகையிலுள்ள பெரும்பாலான போட்டி கார் மாடல்கள் டீசல் என்ஜின் ஆப்ஷன்களுடன் சேர்த்து பெட்ரோல் என்ஜின் ஆப்ஷனையும் வழங்குகின்றன. கூடுதலாக, ஒரு பெட்ரோல் என்ஜினைச் சேர்ப்பது டாடா சஃபாரி மற்றும் ஹாரியர் இரண்டையும் வாடிக்கையாளர்களுக்கு மிகவும் மலிவான விலையில் கிடைக்கச் செய்யும்.