இந்தியாவின் பெருமையை காப்பாற்றிய டாடா! உலக நாடுகளே திரும்பி பாக்குற லாரியை ரெடி பண்ணிட்டாங்க!

ஹைட்ரஜன் மூலம் இயங்கும் கனரக லாரிகளின் இந்தியாவின் முதல் சோதனைகளை டாடா மோட்டார்ஸ் தொடங்கியுள்ளது. புதிய மற்றும் புதுப்பிக்கத்தக்க எரிசக்தி அமைச்சகத்தின் தேசிய பசுமை ஹைட்ரஜன் திட்டத்தின் கீழ் சப்போர்ட் செய்யப்படும் இந்த திட்டம், ஹைட்ரஜன் மூலம் இயங்கும் லாரிகளின் வணிக சாத்தியக்கூறுகளை மதிப்பிடுவதை நோக்கமாகக் கொண்டுள்ளது, அதே நேரத்தில் அவற்றின் சப்போர்ட்டிற்கான தேவையான கட்டமைப்பு வசதிகளை நிறுவுவதையும் நோக்கமாகக் கொண்டுள்ளது.

இந்த லாரியின் சோதனை இரண்டு ஆண்டுகள் வரை நீடிக்கும். இந்த கட்டத்தில், 16 ஹைட்ரஜன் மூலம் இயங்கும் லாரிகள் மாறுபட்ட சுமை திறன் மற்றும் கட்டமைப்புகளுடன் இயங்கும். இந்த லாரிகள் மும்பை, புனே, டெல்லி-என்.சி.ஆர், சூரத், வதோதரா, ஜம்ஷெட்பூர் மற்றும் கலிங்காநகர் போன்ற நகரங்களில் முக்கிய சரக்குப் பாதைகளில் இயங்கும். டாடா மோட்டார்ஸ் இந்த சோதனைக்கான டெண்டரைப் பெற்றுள்ளது.

லாரிகள் ஹைட்ரஜன் கம்பஷன் இன்ஜி (H2-ICE) மற்றும் ஃப்யூயல் செல் மின்சார வாகனம் (H2-FCEV) தொழில்நுட்பங்களை இரண்டையும் பயன்படுத்தி அவற்றின் செயல்திறனை ரியல் வேல்டு சூழல்களில் மதிப்பிடும். சோதிக்கப்படும் வாகனங்களில் H.55S பிரைம் மூவர்கள் - ஒன்று H2-ICE மூலம் இயக்கப்படுகிறது மற்றும் மற்றொன்று FCEV மூலம் - மற்றும் டாடா பிரிமா H.28, ஹைட்ரஜன் மூலம் இயங்கும் லாரிகள் ஆகும்.

இந்த லாரிகள் 300 முதல் 500 கி.மீ. வரையிலான இயக்க ரேஞ்ச் உடன் நீண்ட தூர இயக்கங்களுக்காக வடிவமைக்கப்பட்டுள்ளன. அவை டாடா மோட்டார்ஸின் பிரீமியம் பிரிமா கேபின் கொண்டுள்ளன. இது மேம்பட்ட டிரைவிங் அசிஸ்ட் பாதுகாப்பு அம்சங்களுடன் இணைக்கப்பட்டுள்ளது. இந்த மேம்பாடுகள் ஓட்டுநர் வசதியை மேம்படுத்துவதை நோக்கமாகக் கொண்டுள்ளன, சோர்வை குறைத்து, உற்பத்தித்திறனை அதிகரிக்கின்றன. இது ஹைட்ரஜன் மூலம் இயங்கும் லாரிகளை வணிகக் பயன்பாட்டிற்கு ஒரு நம்பகமான ஆப்ஷனஜாக ஆக்குகிறது.

டாடா மோட்டார்ஸ் ஏற்கனவே இந்திய சாலைகளில் 15 ஹைட்ரஜன் FCEV பஸ்களை வெற்றிகரமாக பயன்படுத்தியுள்ளது. இப்போது, அவர்கள் ஹைட்ரஜன் இயங்கும் லாரித்துறைக்குள் முன்னேறி வருகிறார்கள். இந்திய அரசின் சாலைப் போக்குவரத்து மற்றும் நெடுஞ்சாலை அமைச்சர் நிதின் கட்கரி கூறினார்: "ஹைட்ரஜன் என்பது எதிர்கால எரிபொருள், இது இந்தியாவின் போக்குவரத்துத் துறையை மாற்றி, செலவை குறைத்து, ஆற்றல் சுயாதீனத்தை மேம்படுத்தும் மகத்தான சாத்தியத்தை கொண்டுள்ளது." என கூறினார்

இந்த அதிகாரப்பூர்வ தொடக்க நிகழ்ச்சியில் யூனியன் அமைச்சர்கள் நிதின் கட்கரி மற்றும் ப்ரஹ்லாத ஜோஷி, டாடா மோட்டார்ஸின் நிர்வாக இயக்குநர் கிரிஷ் வாச் மற்றும் பல முக்கிய அரசு மற்றும் தொழிற்துறை பிரதிநிதிகள் கலந்து கொண்டனர். டாடா மோட்டார்ஸ் பேட்டரி எலெக்ட்ரிக், சிஎன்ஜி, எல்என்ஜி, ஹைட்ரஜன் கம்பஷன் இன்ஜின் இன்ஜின்கள் மற்றும் ஹைட்ரஜன் ஃப்யூயல் செல்கள் போன்ற தயாரிப்புகளில் தீவிரமாக செயல்பட்டு வருகிறது.

டிரைவ்ஸ்பார்க் கருத்து: இந்நிறுவனம் ஏற்கனவே சிறிய லாரிகள் முதல் பெரிய பேருந்துகள் வரை பரவலான மாற்று-எரிபொருள் வணிக வாகனங்களை வழங்குகிறது. இத்தகைய முயற்சிகள் கனரக லாரித்துறையில் நிலையான இயக்கத்திற்கான மாற்றத்தை விரைவுபடுத்தும் மற்றும் நம்மை ஒரு திறமையான குறைந்த கார்பன் எதிர்காலத்தை நோக்கி நகர்த்தும்.