குடும்பத்தோட போற பெரிய கார் இவ்வளவு கம்மி விலையா?ஒரு மணி நேரத்தில் 10,000 பேர் இந்த காரை புக் பண்ணிட்டாங்க!

சீனாவின் எலெக்ட்ரிக் வாகன (EV) சந்தையில் பரபரப்பு ஏற்பட்டுள்ளது, டொயோட்டா bZ3X வாகனம் அங்கு அறிமுகமாகியுள்ளது. குறிப்பாக தரத்தில் சமரசம் செய்யாமல் குறைந்த விலையில் வாகனத்தை தேடுபவர்களுக்கு. டாடா ஹாரியர் மாதிரியான ஒரு எலெக்ட்ரிக் எஸ்யூவி கார் இது , சுமார் ரூ. 13 லட்சம் என்ற விலையில் அறிமுகமாகியுள்ளது.

டொயோட்டா bZ3X ஐச் சுற்றியுள்ள பரபரப்பு பெரிய அளவில் உள்ளது அதன் வெளியீடு ஒரு முக்கியமான தருணமாக உள்ளது, ஏனெனில் சீனாவின் EV நிலப்பரப்பின் போட்டி போட்டு விலையை குறைத்து வாகனங்களை அறிமுகப்படுத்தி வரும் நிலையில் இந்த கார் மிகக்குறைவாகன விலையில் அறிமுகம் செய்து அந்த டிரெண்டை மேலும் வலுவாக்கியுள்ளது.

டொயோட்டா மற்றும் GAC ஆகியவற்றின் இணைப்பின் விளைவான டொயோட்டா bZ3X, பல்வேறு அம்சங்கள் மற்றும் விவரக்குறிப்புகளைக் கொண்டுள்ளது. இது 4,600 மிமீ நீளம், 1,875 மிமீ அகலம், 1,645 மிமீ உயரம் மற்றும் 2,765 மிமீ வீல் பேஸ் அளவை கொண்டுள்ளது. அதன் வடிவமைப்பில் நேர்த்தியான எல்இடி லைட்டுகள் பொருத்தப்பட்டுள்ளன. பெரிய வீல்கள்கள், வலுவான பாடி பேனல், ஃப்ளஷ் டோர் கைப்பிடிகள் மற்றும் குரோம் பினிஷ் ஆகிய அம்சங்கள் உள்ளது. எஸ்யூவியின் சார்ஜிங் போர்ட் முன் வலது வீல் பகுதியில் வைக்கப்பட்டுள்ளது, மேலும் கூடுதல் ஸ்டைலை வழங்க அளிக்க அது ஒரு தனித்துவமான கருப்பு நிற ரூஃப் மற்றும் பில்லர்கள் ஸ்போர்ட்டியான லுக்கை வழங்குகிறது.

அதன் தொழிற்நுட்ப அம்சங்களை விரிவுபடுத்தி, டொயோட்டா bZ3X 11 கேமராக்கள், 12 அல்ட்ராசோனிக் ரேடார்கள், 3 மிமீ-அலை ரேடார்கள் மற்றும் ஒரு LiDAR ஆகிய அம்சங்கள் பொருத்தப்பட்டுள்ளது. அனைத்தும் Nvidia Drive AGX Orin X சிஸ்டம் மூலம் ஒருங்கிணைக்கப்பட்டுள்ளன. உட்புறம் அதே அளவுக்குப் பிரமாதமாக உள்ளது. 14.6 இன்ச் இன்ஃபோடெயின்மென்ட் திரை, 8.8 இன்ச் இன்ஸ்ட்ரூமென்ட் கிளஸ்டர், 11 ஸ்பீக்கர் யமஹா சவுண்ட் சிஸ்டம் அமைப்பு, அம்பியன்ஸ் லைட் மற்றும் உயர் தரமான பொருட்கள் எங்கும் உள்ளன. நெகிழ்வான சீட் அமைப்பு ஏராளமான இடத்தை உறுதி செய்கிறது. ஒவ்வொரு பயணத்தையும் வசதியான அனுபவமாக மாற்றுகிறது.

அதன் அறிமுகத்தில், டொயோட்டா bZ3X விரைவாக சந்தையின் கவனத்தைப் பெற்றது, அதன் வெளியீட்டின் முதல் மணி நேரத்தில் 10,000 க்கும் மேற்பட்ட முன்பதிவுகளைப் பெற்றது. இந்த எதிர்பாராத முன்பதிவு எண்ணிக்கை டொயோட்டாவின் முன்பதிவு அமைப்பை சில நேரங்களில் ஸ்தம்பிக்க வைத்தது, எஸ்யூவியின் மிகுந்த பிரபலத்திற்கு சான்றாகும்.

பல வேரியன்ட்களில் வழங்கப்படும், bZ3X பல்வேறு விருப்பங்களைப் பூர்த்தி செய்யும் வகையில் வழங்குகிறது. 430 Air மற்றும் 430 Air+ வேரியன்ட், 50.03 kWh பேட்டரியிலிருந்து 430 கிமீ ரேஞ்சை வழங்குகின்றன. அதிக பவரை தேடுபவர்களுக்கு, 520 Pro மற்றும் 520 Pro+ வேரியன்ட்கள் 58.37 kWh பேட்டரியிலிருந்து 520 கிமீ ரேஞ்சை வழங்குகின்றன. அதே நேரத்தில் டாப்-வேரியன்ட் 610 Max டிரிம் அதிகபட்சமாக 610 கிமீ ரேஞ்ச் தரும் 67.92 kWh பேட்டரியைப் கொண்டுள்ளது.

டொயோட்டா bZ3X இன் விலையானது அதன் அம்சங்களைப் போல் போட்டித்தன்மை கொண்டது. அடிப்படை 430 Air வேரியன்ட் விலை CNY 109,800 (சுமார் ரூ. 13 லட்சம்) இல் தொடங்கி, டாப் வேரியன்டிற்கு CNY 159,800 (சுமார் ரூ. 19 லட்சம்) வரை செல்கிறது. Air மற்றும் Pro மாடல்கள் இரண்டும் 204 bhp சிங்கிள் எலெக்ட்ரிக் மோட்டாரால் இயக்கப்படுகின்றன. அதே சமயம் Max மாடல் அதன் நேர்த்தியான வடிவமைப்பு மற்றும் மேம்பட்ட தொழிற்நுட்பத்துடன் பொருந்தும் வலுவான செயல்திறனை வழங்கும் 224 bhp சிங்கிள் எலெக்ட்ரிக் மோட்டாரைக் கொண்டுள்ளது.

டிரைவ்ஸ்பார்க் கருத்து: டொயோட்டா bZ3X எலெக்ட்ரிக் வாகன மார்கெட்டில், குறிப்பாக சீனாவில் ஒரு முக்கியமான தருணத்தை குறிக்கிறது. அங்கு விலை போட்டியில் ஈடுபடும் முதல் சீன பிராண்டாக அது தனித்து நிற்கிறது. குறைந்த விலை, மேம்பட்ட அம்சங்கள் மற்றும் அதிக ரேஞ்ச் ஆப்ஷன்களின் கலவையுடன், bZ3X எலெக்ட்ரிக் வாகன துறையில் புதுமை மற்றும் நிலைத்தன்மைக்கான டொயோட்டாவின் அர்ப்பணிப்பை உதாரணமாகக் காட்டுகிறது.