மஹிந்திரா, மாருதி கார்களை ஒரம்கட்டபோகும்! மேட் இன் தமிழ்நாடு கார்கள்! இதை பற்றி உங்களுக்கு தெரியுமா?

வியட்நாமிய கார் உற்பத்தியாளரான வின்ஃபாஸ்ட் நிறுவனம், இந்திய ஆட்டோ மார்கெட்டில் நுழைய உள்ளது, VF 6 மற்றும் VF 7 என இரண்டு டாப் லெவல் எலெக்ட்ரிக் வாகனங்களை அறிமுகப்படுத்துகிறது. இந்த நிறுவனத்தின் வியூகம் ஒரு படிப்படியான அறிமுகத்தைக் கொண்டுள்ளது, டாடா ஹரியர்.இவிக்கு ஒப்பான ஒரு சி-செக்மென்ட் எஸ்யூவியான VF 7 கார் இந்திய மார்கெட்டில் அறிமுகம் ஆகிறது. இது 4,545 மிமீ x 1,890 மிமீ x 1,634 மிமீ (LxWxH) என்ற அளவிலும், 2,840 மிமீ என்ற வீல் பேஸூம் கொண்டதாக உள்ளது. VF 7 இன் அறிமுகம் தீபாவளி திருவிழாவுக்கு முன்பு அறிவிக்கப்பட்டுள்ளது. இது இந்தியாவில் வின்ஃபாஸ்ட் அறிமுகத்தை இது குறிக்கிறது.

விவரக்குறிப்புகளின் அடிப்படையில், VF 7 வியட்நாமில் இரண்டு முன்பக்க வீல் டிரைவ் செட்டப்களில் கிடைக்கிறது, இரண்டும் தனித்தனி மோட்டார்களால் இயக்கப்படுகின்றன மற்றும் வெவ்வேறு பேட்டரி ஆப்ஷன்களுடன் பொருத்தப்பட்டுள்ளன. எண்ட்ரி-லெவல் மாடல் 130 kW (174 hp) பவரையும் 250 Nm டார்க்கையும் உருவாக்கும் ஒரு மோட்டருடன் வருகிறது.

இது 59.6 kWh லித்தியம் ஃபெர்ரோபாஸ்பேட் (LFP) பேட்டரியுடன் இணைக்கப்பட்டுள்ளது. அதேசமயம், டாப் வேரியன்ட் 150 kW (201 hp) பவரையும் 310 Nm டார்க்கையும் வழங்கும் ஒரு மோட்டரை கொண்டுள்ளது, இது 70.8 kWh பேட்டரி தொகுப்புடன் இணைக்கப்பட்டுள்ளது. மேம்படுத்தப்பட்ட செயல்திறனைத் தேடுபவர்களுக்கு, மற்ற மார்கெட்களில் இரட்டை மோட்டார்களுடன் கூடிய ஒரு ஆல் வீல் டிரைவ் எடிசன் உள்ளது. இது 75.3 kWh LFP பேட்டரியால் இயக்கப்படுகிறது. இது 496 கிமீ ரேஞ்சை தருகிறது. இது 260 kW (349 hp) பவர் மற்றும் 500 Nm டார்க்கை இணைந்து உருவாக்குகிறது.

VF 7 இன் வடிவமைப்பில் பிரிக்கப்பட்ட ஹெட்லைட்டுகள், பின்புற லைட்டுகள் மற்றும் பிளஷ்-பிட் டோர் ஹேண்டில் போன்ற நவீன வெளிப்புற கூறுகள் உள்ளன. இவை 20 இன்ச் அலாய் வீல்களால் நிறைவு செய்யப்படுகின்றன. உள்ளே, இது ஒரு பனோரமா சன்ரூஃப், வீகன் லெதர் சீட்டுகள், 8-வழியில் எலெக்ட்ரிக்கலி அட்ஜெஸ்ட் செய்யக்கூடிய டிரைவர் சீட்டுகள் மற்றும் ஒரு பெரிய 12.9 இன்ச் டச் ஸ்கிரீன் இன்ஃபோடெயின்மென்ட் சிஸ்டம் போன்ற ஆடம்பர அம்சங்களை வழங்குகிறது. பாதுகாப்பும் முன்னுரிமை, VF 7 எட்டு ஏர்பேக், 360º கேமரா செட்டப் மற்றும் லேன் கீப்பிங் அசிஸ்ட் மற்றும் பிளைண்ட் ஸ்பாட் டிடெக்ஷன் போன்ற பல அசிஸ்ட் அம்சங்களுடன் பொருத்தப்பட்டுள்ளது.

VF 7 ஐத் தொடர்ந்து, ஹூண்டாய் கிரெட்டா எலெக்ட்ரிக் மற்றும் மாரூதி இ- விட்டாரா போன்ற போட்டியாளர்களை இலக்காகக் கொண்டு, ஒரு பி-செக்மென்ட் எஸ்யூவியான VF 6 அறிமுகப்படுத்தப்படும். 4,241 மிமீ x 1,834 மிமீ x 1,580 மிமீ (LxWxH) என்ற அளவிலும், 2,730 மிமீ என்ற வீல் பேஸிலும் VF 6 வியட்நாமில் இரண்டு முன்பக்க வீல் டிரைவ் ஆப்ஷனையும் வழங்குகிறது. இரண்டும் 59.6 kWh LFP பேட்டரியால் இயக்கப்படுகின்றன. ஆனால் அவை மோட்டார் டார்க் திறனில் வேறுபடுகின்றன.

ஒன்று 130 kW (174 hp) பவர் மற்றும் 250 Nm டார்க்கையும், மற்றொன்று 150 kW (201 hp)பவர் மற்றும் 310 Nm டார்க்கையும் வழங்குகிறது. VF 6 இன் டிரைவிங் ரேஞ்ச் முறையே 480 கிமீ மற்றும் 460 கிமீ ஆகும். இது 17 இன்ச் அலாய் வீல்கள், ஸ்லிளிட் செய்யப்பட்ட லைட்டிங் செட்டப், 12.9 இன்ச் டச் ஸ்கிரீன், எட்டு ஏர்பேக் மற்றும் 20 அடாஸ் அம்சங்கள் ஆகியவற்றை கொண்டுள்ளது. இது பாணி மற்றும் பாதுகாப்பை உறுதி செய்கிறது.

வின்ஃபாஸ்ட் VF 6 மற்றும் VF 7 ஐ வியட்நாமிலிருந்து தனித்தனி உதிரிபாகங்களாக இறக்குமதி செய்ய திட்டமிட்டுள்ளது. இதை தூத்துக்கடி ஆலையில் கட்டமைக்கின்றனர். இந்த ஆலை ஜூன் மாதத்திற்குள் செயல்பாட்டுக்கு வரவுள்ளது. தூத்துக்குடி (தமிழ்நாடு) இல் உள்ள அதன் ஆலையில் அசெம்பிளி நடைபெறும். இந்த நடவடிக்கை இந்திய மார்கெட்டில் உள்ள வின்ஃபாஸ்டின் அர்ப்பணிப்பையும், எலெக்ட்ரிக் வாகன துறையில் ஒரு முக்கியமான வீரராக மாற வேண்டும் என்ற அதன் லட்சியத்தையும் குறிக்கிறது.

டிரைவ்ஸ்பார்க் கருத்து: VF 6 மற்றும் VF 7 எலெக்ட்ரிக் எஸ்யூவிகளுடன் இந்தியாவில் வின்ஃபாஸ்டின் நுழைவு நாட்டின் எலெக்ட்ரிக் வாகன மார்கெட்டில் ஒரு புதிய யுகத்தை அறிமுகப்படுத்துகிறது. மேம்பட்ட அம்சங்கள், நவீன வடிவமைப்புகள் மற்றும் சுற்றுச்சூழல் நட்பு போக்குவரத்தை உறுதியளிக்கும் இந்த வாகனங்கள் ஒரு குறிப்பிடத்தக்க தாக்கத்தை ஏற்படுத்தும். வின்ஃபாஸ்ட் இந்தியாவில் அதன் இருப்பை நிறுவுவதால், அதன் புதுமையான வழங்கல்களை வாடிக்கையாளர்களும் தொழில் நிபுணர்களும் ஆவலுடன் எதிர்பார்க்கிறார்கள்.