இந்தியாவில் பிரம்மாண்ட டிராக்டர் தொழிற்சாலையை அமைக்கும் குபோட்டா!!

இந்தியாவில் விவசாய இயந்திரங்களுக்கான சந்தை வளர்ந்து வரும் நிலையில், உற்பத்தித் திறனை அடுத்த கட்டத்திற்கு எடுத்துச் செல்ல எஸ்கார்ட்ஸ் குபோட்டா நிறுவனம் திட்டமிட்டுள்ளது. இதற்காக உத்தரப் பிரதேசத்தில் புதிய டிராக்டர் தொழிற்சாலையை அமைக்க முடிவு செய்துள்ளது. இந்த ஆலையில் முதல்கட்டத்திலேயே ஆண்டுக்கு 60,000 டிராக்டர்களை உற்பத்தி செய்யும் வகையில் உருவாக்கப்பட உள்ளது.

இந்தப் புதிய தொழிற்சாலை செயல்பாட்டுக்கு வரும்போது, நிறுவனத்தின் தற்போதைய உற்பத்தி திறன் வெகுவாக அதிகரிக்கும். குறிப்பாக, இந்தியச் சந்தையில் டிராக்டர்களுக்கான தேவையைப் பூர்த்தி செய்வதுடன், எதிர்கால ஏற்றுமதி வாய்ப்புகளையும் பயன்படுத்திக்கொள்ள நிறுவனம் திட்டமிட்டுள்ளது. இதுகுறித்த முக்கிய விபரங்களை நிறுவனத்தின் தலைமை நிதி அதிகாரி பாரத் மதன் தெரிவித்துள்ளார்.

Kubota Tractor

உத்தரப் பிரதேச மாநிலத்தில் உருவாகி வரும் ஜெய்வார் சர்வதேச விமான நிலையத்திற்கு அருகே இந்தத் தொழிற்சாலை அமைய உள்ளது. அடுத்த நிதியாண்டின் தொடக்கத்தில் கட்டுமானப் பணிகளைத் தொடங்க நிறுவனம் திட்டமிட்டுள்ளது. கட்டுமானம் மற்றும் உற்பத்தி கட்டமைப்புகளை உருவாக்குவதற்கு இரண்டு முதல் இரண்டரை ஆண்டுகள் வரை ஆகலாம் என எதிர்பார்க்கப்படுகிறது.

யமுனா எக்ஸ்பிரஸ்வே தொழிற்பேட்டை பகுதியில் 154 ஏக்கர் நிலப்பரப்பில் இந்த ஆலை அமைக்கப்பட உள்ளது. இதற்காக ரூ.2,000 கோடிக்கும் மேல் முதலீட்டுத் திட்டத்தை அந்நிறுவனம் ஏற்கெனவே அறிவித்துள்ளது. இங்கு டிராக்டர்கள் மட்டுமின்றி கட்டுமான இயந்திரங்களையும் தயாரிக்கத் திட்டமிடப்பட்டுள்ளது.

Also Read

இந்த புதிய தொழிற்சாலையில் முதல் கட்டமாக ஆண்டுக்கு 60,000 டிராக்டர்களை உற்பத்தி செய்யும் வகையில் கட்டமைப்புகள் உருவாக்கப்படும். சந்தையில் தேவை அதிகரிக்கும்போது, இதன் உற்பத்தித் திறனை ஆண்டுக்கு ஒரு லட்சம் டிராக்டர்கள் வரை உயர்த்துவதற்கான வாய்ப்பும் உள்ளது. இதனால் நீண்டகால உற்பத்தித் திட்டமிடலுக்கு நிறுவனத்திற்கு வசதி கிடைக்கும்.

தற்போது நிறுவனத்தின் டிராக்டர் உற்பத்தி ஆலைகள் சராசரியாக 80 முதல் 85 சதவீத திறனில் இயங்கி வருகின்றன. அதிக தேவை ஏற்படும் காலங்களில் இந்த அளவு 90 சதவீதத்தை நெருங்குகிறது. ஏற்கெனவே உள்ள ஆலைகளில் உற்பத்தி அதிகமாக இருப்பதால், எதிர்கால வளர்ச்சிக்காக புதிய தொழிற்சாலை அவசியமாகியுள்ளது.

Also Read

டிராக்டர் விற்பனையை மட்டுமே நம்பியிருக்காமல், பிற விவசாய மற்றும் கட்டுமான இயந்திரங்கள் பிரிவுகளிலும் எஸ்கார்ட்ஸ் குபோட்டா கவனம் செலுத்தி வருகிறது. குறிப்பாக, நடப்பு நிதியாண்டின் செப்டம்பர் காலாண்டில் கட்டுமான இயந்திரங்கள் விற்பனை 53 சதவீதம் அதிகரித்துள்ளது. இந்த வளர்ச்சி நிறுவனத்தின் வர்த்தக விரிவாக்கத்திற்கு சாதகமாக அமைந்துள்ளது.

அதேபோல், அறுவடை இயந்திரங்கள் மற்றும் நாற்று நடவு இயந்திரங்கள் பிரிவில் 20 முதல் 30 சதவீத வளர்ச்சி பதிவாகியுள்ளது. எஞ்சின் வணிகத்திலும் இரட்டை இலக்க வளர்ச்சி கிடைத்துள்ளது. பல்வேறு பிரிவுகளில் கிடைக்கும் இந்த முன்னேற்றம், நிறுவனத்தின் வருவாயை ஒரே தயாரிப்பு வகையைச் சார்ந்திருக்காமல் விரிவுபடுத்த உதவுவதாக தெரிவிக்கப்பட்டு இருக்கிறது.

இதற்கிடையே, இந்திய டிராக்டர் சந்தை சில சவால்களையும் எதிர்கொண்டு வருகிறது. சீரற்ற பருவமழை, எல் நினோ தாக்கம் மற்றும் விவசாய உற்பத்தியில் ஏற்படும் மாற்றங்கள் ஆகியவை டிராக்டர் வாங்கும் முடிவுகளில் தாக்கத்தை ஏற்படுத்துகின்றன. இதனால் சில பகுதிகளில் விவசாயிகள் புதிய டிராக்டர்களை வாங்குவதை வாடிக்கையாளர்கள் தள்ளிப்போடும் சூழல் உருவாகியுள்ளது.

தெலங்கானா, கர்நாடகா, மகாராஷ்டிரா உள்ளிட்ட மாநிலங்களில் தண்ணீர் பற்றாக்குறை காரணமாக விவசாய நடவடிக்கைகள் பாதிக்கப்பட்டுள்ளதாக நிறுவனம் சுட்டிக்காட்டியுள்ளது. ஜார்க்கண்ட், சத்தீஸ்கர் உள்ளிட்ட மாநிலங்களிலும் இதேபோன்ற சூழல் காணப்படுகிறது. விவசாயிகளின் வாங்கும் திறன் மற்றும் சாகுபடி நடவடிக்கைகளே டிராக்டர் விற்பனையின் அடுத்தகட்ட வளர்ச்சியைத் தீர்மானிக்கும்.

அடுத்த நிதியாண்டில் பருவமழை சாதகமாக அமைந்தால், 2027 ஜூலை முதல் செப்டம்பர் வரையிலான காலகட்டத்தில் டிராக்டர் சந்தை மீண்டும் வளர்ச்சிப் பாதைக்குத் திரும்பும் என எஸ்கார்ட்ஸ் குபோட்டா தெரிவித்துள்ளது. விவசாயிகளின் வருமானம் அதிகரிப்பதும், கிராமப்புற பொருளாதாரம் மேம்படுவதும் புதிய டிராக்டர்களுக்கான தேவையை அதிகரிக்க உதவும்.

மேலும், அடுத்த நிதியாண்டின் நான்காவது காலாண்டிலிருந்து நிறுவனத்தின் நிதிநிலை செயல்பாடுகள் மேம்படத் தொடங்கும் என எதிர்பார்க்கப்படுகிறது. லாப வரம்புகளும் படிப்படியாக இயல்பான நிலைக்குத் திரும்பும் என்ற நம்பிக்கையை நிறுவனம் வெளிப்படுத்தியுள்ளது. இதன் அடிப்படையில் புதிய தொழிற்சாலை நீண்டகால வளர்ச்சிக்கான முக்கிய முதலீடாக பார்க்கப்படுகிறது.

Article Published On: Tuesday, November 17, 2026, 11:08 [IST]
English summary
Escorts kubota new tractor plant uttar pradesh 60000 tractor capacity
மேலும்... #india
 
Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+
Sign Out