லிட்டருக்கு 17கிமீ மைலேஜ் போதும் என்பதுதான் பலரது விருப்பம்! கஸ்டமர்ஸை மேக்னெட் மாதிரி ஈர்க்கும் ஹூண்டாய் கார்

Published: Wednesday, February 18, 2026, 10:53 [IST]

இந்திய ஆட்டோமொபைல் சந்தையில் 4.2 மீட்டர் முதல் 4.5 மீட்டர் வரையில் நீளம் கொண்ட எஸ்யூவி ரக கார்களின் விற்பனை, 2026 ஜனவரியில் கணிசமாக உயர்ந்துள்ளது. இந்த பிரிவில் கடந்த மாதத்தில் மொத்தம் 74,673 யூனிட் கார்கள் விற்பனையாகி, வலுவான வளர்ச்சியைப் பதிவு செய்துள்ளன. இது 2025 ஜனவரியில் விற்பனையான 55,107 கார்களுடன் ஒப்பிடுகையில், ஆண்டுக்கு ஆண்டு 35.51% ஆரோக்கியமான அதிகரிப்பைக் குறிக்கிறது.

மாதாந்திர அடிப்படையில் பார்த்தால், 2025 டிசம்பரில் விற்பனையான 48,197 கார்களுடன் ஒப்பிடுகையில், இந்த ரகத்தின் விற்பனை 54.93% உயர்ந்துள்ளது. இது காலண்டர் ஆண்டின் தொடக்கத்திலேயே புதிய உத்வேகத்தைக் காட்டுவதாக உள்ளது. ஹூண்டாய் கிரெட்டா (க்ரெட்டா இவி உட்பட), 2026 ஜனவரியில் 17,921 யூனிட்கள் விற்பனையாகி, தொடர்ந்து முன்னிலை வகிக்கிறது.

2026 january compact suv car sales in india

கடந்த 2025ஆம் ஆண்டின் ஜனவரியில் இந்த வகை கார்கள் 18,522 யூனிட்கள் விற்பனையாகியிருந்த நிலையில், இந்த ஆண்டு 3.24% சரிவை கிரெட்டா கண்டிருந்தாலும், 2025 டிசம்பருடன் ஒப்பிடுகையில் மாதாந்திர விற்பனையில் 36.24% வலுவான வளர்ச்சியைப் பதிவு செய்துள்ளது. கடுமையான போட்டி நிலவினாலும், கிரெட்டா தொடர்ந்து இந்த பிரிவில் நிலையான விற்பனையைப் பதிவு செய்து வருகிறது.

மாருதி சுஸுகி விக்டோரிஸ் (Maruti Suzuki Victoris), இந்த பிரிவில் இரண்டாவது பெரிய விற்பனை மாடலாக உருவெடுத்துள்ளது. கடந்த மாதத்தில் 15,240 யூனிட்கள் விற்பனையாகியுள்ள இது, 2025 ஜனவரியின் போது விற்பனையில் இல்லை. 2025 டிசம்பரில் 6,210 யூனிட்கள் விற்பனையான நிலையில், மாதாந்திர அடிப்படையில் 145.41% மிகப்பெரிய வளர்ச்சியை விக்டோரிஸ் அடைந்துள்ளது.

இது வாடிக்கையாளர்களிடையே இதன் ஈர்ப்பு அதிகரித்து வருவதை உணர்த்துகிறது. புதிய தலைமுறை கியா செல்டோஸ் (Kia Seltos), விற்பனையில் இந்த ஆண்டில் சிறப்பான தொடக்கத்தை எட்டியுள்ளது. 10,639 யூனிட்கள் விற்பனையாகி, ஆண்டுக்கு ஆண்டு 64.44% மற்றும் மாதாந்திர அடிப்படையில் 143.51% என்கிற வலுவான விற்பனை வளர்ச்சியைப் பதிவு செய்துள்ளது.

டொயோட்டா ஹைரைடர் (Toyota Hyryder), ஆண்டுக்கு ஆண்டு விற்பனையில் 85.31% உயர்ந்து 9,156 யூனிட்கள் விற்பனையை எட்டியுள்ளது. மாருதி கிராண்ட் விட்டாரா (Grand Vitara) விற்பனை கணிசமாகக் குறைந்து, 7,030 யூனிட்களாக சரிந்துள்ளது. இது ஆண்டுக்கு ஆண்டு 55.46% சரிவைக் குறிக்கிறது. மாதாந்திர விற்பனையும் 18.23% குறைந்திருப்பது, மாருதியின் சொந்த கார்களுக்கு உள்ளேயே சில போட்டியைக் காட்டுவதாக அமைந்துள்ளது.

SUV Sales (4.2m - 4.5m)	Jan-26	Jan-25	Diff	Growth % YoY
Hyundai Creta / EV	17,921	18,522	-601	-3.24
Maruti Victoris	15,240	0	15,240	-
Kia Seltos	10,639	6,470	4,169	64.44
Toyota HyRyder	9,156	4,941	4,215	85.31
Maruti Grand Vitara	7,030	15,784	-8,754	-55.46
Tata Sierra	7,003	0	7,003	-
Honda Elevate	2,243	1,773	470	26.51
Tata Curvv / EV	1,666	3,087	-1,421	-46.03
MG ZS EV	1,093	265	828	312.45
Mahindra BE 6	1,028	700	328	46.86
Volkswagen Taigun	790	1,548	-758	-48.97
Skoda Kushaq	434	1,371	-937	-68.34
Mahindra XUV400	146	288	-142	-49.31
Citroen C3 Aircross	131	107	24	22.43
MG Astor	83	190	-107	-56.32
Citroen Basalt	70	61	9	14.75
Total	74,673	55,107	19,566	35.51

இந்த இரண்டு எஸ்யூவி கார் மாடல்களும் புதிய தொழிற்நுட்ப அம்சங்கள் மற்றும் ஹைப்ரிட் (Hybrid) ஆப்ஷன்கள் மூலம் தொடர்ந்து வாடிக்கையாளர்களை ஈர்க்கின்றன. புதியதாக அறிமுகப்படுத்தப்பட்ட டாடா சியரா (Tata Sierra), 2026 ஜனவரியில் 7,003 யூனிட்கள் விற்பனையைப் பதிவு செய்துள்ளது. 2025 டிசம்பரின் 291 யூனிட்களுடன் ஒப்பிடுகையில், இது 2,306% என்கிற நம்பமுடியாத மாதாந்திர வளர்ச்சியை அடைந்துள்ளது.

டாடா கர்வ் (இவி உட்பட) 1,666 யூனிட்கள் விற்பனையைப் பதிவு செய்து ஆண்டுக்கு ஆண்டு 46.03% சரிந்தாலும், மாதாந்திர விற்பனையில் 50.91% வளர்ச்சியைப் பெற்றுள்ளது. டாடா கர்வ் இவி எலெக்ட்ரிக் காருக்கு கணிசமான வரவேற்பு கிடைத்து வருகிறது. எம்.ஜி இசட்.எஸ் இவி (MG ZS EV), 1,093 யூனிட்கள் விற்பனையாகி 312.45% ஆண்டுக்கு ஆண்டு மற்றும் 117.73% மாதாந்திர வளர்ச்சி என வலுவான முன்னேற்றத்தைக் கண்டுள்ளது.

SUV Sales (4.2m - 4.5m)	Jan-26	Dec-25	Diff	Growth % MoM
Hyundai Creta / EV	17,921	13,154	4,767	36.24
Maruti Victoris	15,240	6,210	9,030	145.41
Kia Seltos	10,639	4,369	6,270	143.51
Toyota HyRyder	9,156	7,022	2,134	30.39
Maruti Grand Vitara	7,030	8,597	-1,567	-18.23
Tata Sierra	7,003	291	6,712	2306.53
Honda Elevate	2,243	2,289	-46	-2.01
Tata Curvv / EV	1,666	1,104	562	50.91
MG ZS EV	1,093	502	591	117.73
Mahindra BE 6	1,028	1,481	-453	-30.59
Volkswagen Taigun	790	1,778	-988	-55.57
Skoda Kushaq	434	958	-524	-54.70
Mahindra XUV400	146	59	87	147.46
Citroen C3 Aircross	131	167	-36	-21.56
MG Astor	83	112	-29	-25.89
Citroen Basalt	70	104	-34	-32.69
Total	74,673	48,197	26,476	54.93

Tables Source: Auto Punditz

டிரைவ்ஸ்பார்க் கருத்து: இவற்றிற்கு அடுத்து இந்த லிஸ்ட்டில் மஹிந்திரா பிஇ 6 (1,028), ஃபோக்ஸ்வேகன் டைகுன் (790), ஸ்கோடா குஷாக் (434) உள்ளிட்டவை அடுத்தடுத்த இடங்களில் உள்ளன. புதிய மாடல்களின் அறிமுகங்களால் இந்த எஸ்யூவி கார் பிரிவு தொடர்ந்து மாறுதல்களை சந்தித்து வருகிறது. மொத்தத்தில், நடுத்தர அளவிலான எஸ்யூவி கார்கள் பிரிவு இந்தியாவில் வேகமாக வளர்ந்து வரும் பிரிவுகளில் ஒன்றாகும். செல்டோஸ் மற்றும் சியரா போன்ற புதிய அறிமுகங்கள் கார் வாங்குபவர்களின் விருப்பங்களை மாற்றியமைக்கின்றன.