கார் ஓனரின் கண் முன்னே எல்லாமே நடக்கும்... ஒரு போன் கால் போதும்! டெல்லியில் வந்தாச்சு, சென்னையில் எப்போ?

இந்தியாவின் முன்னணி எஸ்யூவி (SUV) தயாரிப்பு நிறுவனமான மஹிந்திரா (Mahindra), டெல்லி-தேசிய தலைநகர் பகுதி (NCR) முழுவதும் தனது விற்பனைக்குப் பிந்தைய மற்றும் சேவை நடவடிக்கைகளை விரிவுபடுத்தியுள்ளது. இந்த விரிவாக்கத்தில், மஹிந்திரா எலெக்ட்ரிக் எஸ்யூவி கார்களுக்கான நடமாடும் சேவை உதவி (doorstep service assistance), புதிய சேவை உள்கட்டமைப்பு மற்றும் தொழில்நுட்ப வல்லுநர்களுக்கான பயிற்சி வசதிகள் ஆகியவை அறிமுகப்படுத்தப்பட்டுள்ளன.

மஹிந்திரா நிறுவனம் டெல்லி-என்சிஆர் பகுதியில் 26,000 சதுர அடி பரப்பளவில் 'மஹிந்திரா இன்ஸ்டிடியூட் ஆஃப் லேர்னிங் எக்ஸலன்ஸ்' (MilE) என்ற மையத்தை நிறுவியுள்ளது. இந்த வசதி, மஹிந்திராவின் எஸ்யூவி மற்றும் எலெக்ட்ரிக் எஸ்யூவி கார்களுக்கான விற்பனை, சேவை மற்றும் பாடிஷாப் செயல்பாடுகளுக்கு ஆதரவளிக்கும் ஒரு மையப்படுத்தப்பட்ட பயிற்சி மையமாக செயல்படும்.

மஹிந்திராவின் சர்வீஸ் நெட்வொர்க் ஆனது டெல்லி-என்சிஆர் பகுதி முழுவதும் ஐந்து புதிய சேவைத் தளங்களுடன் விரிவுபடுத்தப்பட்டுள்ளது. இந்த புதிய வசதிகள் ஆனது 70 கூடுதல் சேவை நெட்க்வொர்க்குகளைக் கொண்டு மஹிந்திராவின் பழுதுப்பார்ப்பு திறனை அதிகரிக்கின்றன. இது பயணிகள் வாகனங்கள் மற்றும் எலெக்ட்ரிக் கார் மாடல்களுக்கான வழக்கமான பராமரிப்பு, பழுதுபார்ப்பு மற்றும் ஆய்வுப் பணிகளுக்கான செயல்பாடுகளை மேம்படுத்துகின்றன.

மேலும், இந்த நெட்வொர்க் விரிவாக்கத்தில் வடமேற்கு டெல்லியில் வணிக வாகனங்களுக்கான பிரத்யேக சேவை மையமும் அடங்கும். இது அந்தப் பகுதியில் உள்ள பயணிகள் மற்றும் வணிக வாகன வாடிக்கையாளர்களுக்கு ஆதரவு அளிக்கும் வகையில் வடிவமைக்கப்பட்டுள்ளது. எலெக்ட்ரிக் எஸ்யூவி கார் உரிமையாளர்களுக்காக, மஹிந்திரா பிரத்யேக எலெக்ட்ரிக் வாகன உதவி நெட்வொர்க் (eVan) என்கிற நடமாடும் சர்வீஸ் மையங்களை அறிமுகப்படுத்தியுள்ளது.

இந்த சேவை வேன்கள், வாடிக்கையாளர்களின் இருப்பிடத்திற்கே சென்று பராமரிப்பு சேவையை வழங்குகின்றன. ஒவ்வொரு இ-வேனிலும் பேட்டரி தொகுப்பு, சார்ஜர், ஹைட்ராலிக் கத்தரிக்கோல் லிப்ட், சக்கரங்கள் சமநிலைப்படுத்தி மற்றும் கார் பராமரிப்பு கருவிகள் வழங்கப்பட்டுள்ளன. இந்த உபகரணங்கள், வழக்கமான சேவை நடைமுறைகள் மற்றும் சிறிய பழுதுபார்க்கும் பணிகளை சம்பவ இடத்திலேயே முடிக்க உதவுகின்றன.

மஹிந்திரா இந்த வேன்கள் மூலம் குறிப்பிட்ட கால பராமரிப்பு, சிறிய இயந்திர வேலைகள் மற்றும் வாகனச் சுத்தம் செய்தல் போன்றவற்றை வாடிக்கையாளர்களின் வீட்டு வாசலிலேயே மேற்கொள்ளும் என்று தெரிவித்துள்ளது. இந்த சேவை முதற்கட்டமாக தற்போது டெல்லி-என்சிஆர் பகுதியில் செயல்பட்டிற்கு வந்துள்ளது. 26,000 சதுர அடி பரப்பளவு கொண்ட இந்த மையத்தில், செய்முறை பயிற்சி மற்றும் தயாரிப்பு அறிமுகத்திற்கான ஒரு செயல்விளக்கப் பகுதியும் உள்ளது.

டிரைவ்ஸ்பார்க் கருத்து: இந்த மேம்படுத்தப்பட்ட சேவை வியூகம், மஹிந்திராவின் விரிவடைந்து வரும் எலெக்ட்ரிக் எஸ்யூவி கார்கள் வரிசையை ஆதரிக்கிறது. மஹிந்திரா பிஇ 6 (BE 6), மஹிந்திரா எக்ஸ்இவி 9இ (XEV 9e) மற்றும் மஹிந்திரா எக்ஸ்இவி 9எஸ் (XEV 9S) போன்ற கார் மாடல்கள் நிறுவனத்தின் பிரத்யேக எலெக்ட்ரிக் கார்கள் (Electric Cars) பிரிவின் ஒரு பகுதியாகும்.

சமீபத்திய எலெக்ட்ரிக் மற்றும் வழக்கமான எரிபொருள் எஸ்யூவி கார்கள் என இரண்டையும் நிர்வகிக்க ஊழியர்களுக்கு உதவும் வகையில் மஹிந்திரா அதன் பயிற்சி அமைப்பையும் விரிவுபடுத்துகிறது. மஹிந்திரா இன்ஸ்டிடியூட் ஆஃப் லேர்னிங் எக்ஸலன்ஸ் (MilE), டீலர்ஷிப் (Dealership) ஊழியர்கள் மற்றும் தொழில்நுட்ப வல்லுநர்களுக்கு இயந்திர சேவை செயல்முறைகள், பழுது கண்டறிதல், விற்பனை பழக்க வழக்கங்கள் மற்றும் என்ஜின் & எலெக்ட்ரிக் எஸ்யூவி கார்களுக்கான பாடிஷாப் நடைமுறைகள் குறித்த கட்டமைக்கப்பட்ட பயிற்சிகளை வழங்குகிறது.