எத்தனை பேரது தொழிலை மாற்ற போகுதோ!! ஏசி வசதி எல்லாம் இப்போ ரொம்ப சாதாரணமாகிடுச்சு!

மஹிந்திரா & மஹிந்திரா (Mahindra & Mahindra) நிறுவனம் தனது மிகவும் பிரபலமான வர்த்தக (Commercial) வாகனங்களான பொலேரோ கேம்பர் (Bolero Camper) மற்றும் பொலேரோ பிக்-அப் (Bolero Pik-Up) வரிசையின் மேம்படுத்தப்பட்ட மாடல்களை அறிமுகப்படுத்தியுள்ளது. இந்த புதிய வாகனங்கள் நவீன தொழில்நுட்பம், மேம்பட்ட சௌகரியம் மற்றும் புதுப்பிக்கப்பட்ட ஸ்டைல் ஆகிய பல்வேறு அம்சங்களுடன் வந்துள்ளன.

புதிய பொலேரோ கேம்பர் வாகனத்தில் மேம்பட்ட ஐமேக்ஸ் டெலிமாடிக்ஸ் (iMAXX Telematics) அமைப்பு சேர்க்கப்பட்டுள்ளது. இது நிகழ்நேரத்தில் வாகனத்தை பற்றிய விபரங்கள் மற்றும் வர்த்தக நடவடிக்கைகளுக்கு தேவையான தகவல்களை அளிப்பதன் மூலம் வாகனத்தின் செயல்பாட்டுத் திறனை மேம்படுத்துகிறது. அத்துடன், பொலேரோ கேம்பர் வாகனத்தின் தோற்றமும் மேம்படுத்தப்பட்டுள்ளது.

புதிய டீகால்கள் (Decals), பாடி கலர் ORVM-கள் மற்றும் கதவு கைப்பிடிகள் உள்ளிட்ட புதுப்பிக்கப்பட்ட வடிவமைப்பு, கேம்பருக்கு நவீன தோற்றத்தை வழங்குகிறது. உட்புற வசதிகளைப் பொறுத்தவரை, பொலேரோ கேம்பரில் பின் இருக்கை பயணிகளுக்கான தலையணைகள், ஏர் கண்டிஷனிங் மற்றும் ஹீட்டர் அமைப்பு, ப்ளூடூத் அழைப்பு வசதியுடன் கூடிய மியூசிக் சிஸ்டம் ஆகியவை சேர்க்கப்பட்டுள்ளன.

மேலும், டிரைவருக்கான இருக்கை ஆனது தலையணை உடன் சாய்கக்கூடிய வசதி கொண்டதாக உள்ளது. மேலும், டிரைவருக்கு அருகில் அமரும் முன் இருக்கை பயணிக்கு அகலமான இருக்கை, சென்ட்ரல் லாக்கிங், பின் இருக்கைகளிலும் சீட்பெல்ட்கள் மற்றும் கிளைமேட் கண்ட்ரோல் சிஸ்டம் போன்ற பல அம்சங்கள் இந்த வாகனத்தின் அனைத்து வேரியண்ட்களிலும் வழங்கப்பட்டுள்ளன.

மஹிந்திரா பொலேரோ கேம்பர் 2.5 லிட்டர் டர்போசார்ஜ் செய்யப்பட்ட டீசல் என்ஜின் மூலம் இயக்கப்படுகிறது. இது 2-வீல்-டிரைவ் (2WD) மற்றும் 4-வீல்-டிரைவ் (4WD) ஆப்ஷன்களுடன் கிடைக்கிறது. இந்த டீசல் என்ஜின் அதிகப்பட்சமாக 3200 ஆர்பிஎம்-ல் 80 எச்பி ஆற்றலையும், 1400-2000 ஆர்பிஎம்-ல் 200 என்.எம் டார்க் திறனையும் வழங்கக்கூடியதாக உள்ளது.

மஹிந்திரா பொலேரோ கேம்பரின் வேரியண்ட் வாரியான எக்ஸ்-ஷோரூம் விலைகளை கீழேயுள்ள அட்டவணையில் காணலாம்.

மஹிந்திரா பொலேரோ பிக்-அப் மாடலும் புதிய முகப்பு வடிவமைப்பைப் பெற்றுள்ளது. மேலும், சாய்க்கும் வசதியுடன் கூடிய தலையணை கொண்ட டிரைவர் இருக்கை மற்றும் அகலமான கோ-டிரைவர் இருக்கை ஆகியவை சௌகரியத்தை அதிகரிக்கின்றன. வாகனத்தை ஓட்டும் அனுபவத்தை மேலும் மேம்படுத்தும் வகையில், மஹிந்திரா நிறுவனம் ஏர் கண்டிஷனிங் மற்றும் ஹீட்டிங் சிஸ்டம்களையும் இந்த வாகனத்தில் சேர்த்துள்ளது.

இது எந்த கால நிலையிலும் இந்த பிக்-அப் டிரக் வாகனத்தில் சௌகரியத்தை உறுதி செய்கிறது. மஹிந்திரா பொலேரோ பிக்-அப், பொலேரோ கேம்பரில் உள்ள அதே 2.5 லிட்டர் டீசல் என்ஜின் மூலம் இயக்கப்படுகிறது. மேலும், இந்த வாகனமும் இந்திய சந்தையில் 2WD மற்றும் 4WD ஆப்ஷன்களுடன் கிடைக்கிறது.

மஹிந்திரா பொலேரோ பிக்-அப்பின் வேரியண்ட் வாரியான எக்ஸ்-ஷோரூம் விலைகளை கீழேயுள்ள அட்டவணையில் காணலாம்.

டிரைவ்ஸ்பார்க் கருத்து: தினசரி வர்த்தக நடவடிக்கைகளுக்கு இந்த மஹிந்திரா வாகனங்களை நம்பியிருக்கும் வாடிக்கையாளர்களை இலக்காகக் கொண்டு இந்த மேம்படுத்தல்கள் செய்யப்பட்டுள்ளன. இவை அனைத்து காலநிலைகளிலும் பயணத்தின்போது சௌகரியத்தையும், பொழுதுபோக்கையும் உறுதி செய்கின்றன. இந்த வாகனத்தை பணிக்கு அதிகம் பயன்படுத்தும் ஓட்டுநர்களுக்காக இந்த மாற்றங்களை மஹிந்திரா வடிவமைத்துள்ளது.