கம்மியான விலையில் மஹிந்திரா தார் வாங்கனும்னா இதுதான் பெஸ்ட்! 3 கதவு மட்டும்தான் இருக்குறது குறையா இருக்கும்!

மஹிந்திரா (Mahindra) நிறுவனத்தின் பிரபலமான 3-கதவு 'தார்' (Thar) எஸ்யூவி வாகனத்திற்கு இன்றும் சந்தையில் அதிக தேவை உள்ளது. இன்ஸ்டாகிராமில் 'பிடெக்ரைடர்' (btechrider) என்கிற பயனர், பொது சாலையில் ஓட்டிப் பார்க்கப்பட்டு சோதனை செய்யப்பட்ட புதுப்பொலிவு பெற்ற தார் வாகனத்தின் படங்களை வெளியிட்டுள்ளார். இதன் மூலம், மேம்படுத்தப்பட்ட தார் குறித்த எதிர்பார்ப்பு அதிகரித்துள்ளது.

சற்று மறைப்புகளால் மறைக்கப்பட்ட நிலையில் சாலையில் நிறுத்தப்பட்டிருந்த இந்த எஸ்யூவி, 'தார் ராக்ஸ்' (Thar ROXX) வாகனத்தில் இருந்து பெறப்பட்ட பல அம்சங்களுடன் காணப்படுகிறது. முன்புறத்தில், தார் ராக்ஸ் போன்ற கிரில், எல்இடி ஹெட்லேம்ப்கள், பகல்நேரத்திலும் இயங்கும் விளக்குகள் (DRL) மற்றும் இருபுறமும் ஃபாக் விளக்குகளுடன் கூடிய பம்பர் ஆகியவை இடம்பெற்றுள்ளன.

ஒட்டுமொத்த வடிவமும் தார் ராக்ஸ்-ஐ ஒத்துள்ளது. 3-கதவு தார் வாகனத்தின் புதிய ஃபேஸ்லிஃப்ட் வெர்சன் சோதனை ஓட்டத்தின் அடையாளம் காணப்படுவது இது ஒன்றும் முதல்முறையல்ல. இதற்கு முன்னரும் கடந்த 2025 டிசம்பர் மாதத்தில், இன்ஸ்டாகிராமில் 'greatindianmotor' பகிர்ந்த சமீபத்திய ஸ்பை படங்கள், சிவப்பு நிற தார் ஃபேஸ்லிஃப்ட் வாகனம் ஒன்று தனிமையான இடத்தில் பகுதியளவு மறைக்கப்பட்டு நிறுத்தப்பட்டிருந்ததைக் காட்டுகின்றன.

இதன் கிரில், பகல்நேரத்திலும் இயங்கும் எல்இடி விளக்குகள், எல்இடி ஹெட்லேம்ப்கள் அனைத்தும் தார் ராக்ஸ்-இன் வடிவமைப்பை ஒத்துள்ளன. புதிய பம்பர் மற்றும் மேம்படுத்தப்பட்ட ஃபாக் விளக்குகள் நல்ல பார்வையை வழங்கும். பக்கவாட்டில், இந்த எஸ்யூவி-யின் ஒட்டுமொத்த வடிவமைப்பு மாறாமல் இருந்தாலும், தார் ராக்ஸ் வாகனத்தைப் போன்ற புதிய அலாய் சக்கரங்கள் எதிர்பார்க்கப்படுகிறது.

பின்புறத்தில், புதிய எல்இடி டெய்ல் லேம்ப் யூனிட்டும் சிறிய மாற்றங்கள் உடன் இருக்கும் என தெரிகிறது. உட்புறத்தில், ஒரு பெரிய டச் ஸ்கிரீன் இன்ஃபோடெயின்மென்ட் திரை போன்ற நவீன வசதிகள் தொடரும். வாகனத்திற்கு உட்புறத்தில், கைப்பிடிகள், மஹிந்திரா ஸ்கார்பியோ என் (Scorpio-N) காரை தழுவிய ஸ்டீயரிங் சக்கரம் ஆகியவை இடம்பெறும்.

மேலும், லெவல்-2 ADAS (மேம்பட்ட ஓட்டுநர் உதவி அமைப்புகள்) மற்றும் டிஜிட்டல் இன்ஸ்ட்ரூமென்ட் கிளஸ்டரையும் புதிய 3-டோர் தார் மாடலில் நாம் எதிர்பார்க்கலாம். இந்த மாற்றங்கள் தார் ஃபேஸ்லிஃப்ட்-ஐ மேலும் கவர்ச்சிகரமானதாக்கும். பவர்டிரெய்ன் மற்றும் கியர்பாக்ஸ் ஆப்ஷன்களில் எவ்வித மாற்றங்களும் இருக்கும் என்று தோன்றவில்லை. இந்த ஃபேஸ்லிஃப்ட் அப்கிரேட் நிச்சயம் இந்த ஆஃப்-ரோடிங் வாகனத்தை மேலும் கவர்ச்சிகரமானதாக மாற்றும்.

இந்திய வாகனத் தயாரிப்பு நிறுவனமான மஹிந்திரா, புதிய கஸ்டமர்களை ஈர்க்க தேவையான நடைமுறை மற்றும் நவீன வசதிகளை புதிய தார் ஃபேஸ்லிஃப்ட்டில் வழங்கும். 2010இல் முதல்முறையாக அறிமுகப்படுத்தப்பட்டதில் இருந்து, தார் சந்தேகத்திற்கு இடமின்றி நாட்டின் மிகவும் வெற்றிகரமான ஆஃப்-ரோடு (Off-road) வாகனமாக திகழ்கிறது. பல ஆண்டுகளாக, இது தனது நம்பமுடியாத திறன்களை நிரூபித்துள்ளது. தற்போது, தார் 3-கதவு மற்றும் 5-கதவு தார் ராக்ஸ் பதிப்புகளில் கிடைக்கிறது.

டிரைவ்ஸ்பார்க் கருத்து: பெரிய அளவிலான தார் ராக்ஸ் வாகனத்தை விரும்பாதவர்களுக்கு கவர்ச்சிகரமான மாற்று ஆப்ஷனாக 3-கதவு தார் தொடர்கிறது. அத்தகைய வாகனத்தை, தார் ராக்ஸ் வாகனத்திற்கு இணையான தோற்றத்திற்கு மஹிந்திரா மாற்றுகிறது. இந்த வாகனம் சாலைகள் அல்லாத பகுதிகளிலும் திறமையாக செயல்படுகிறது. மேலும், தார் ராக்ஸ்-ஐ விட குறைந்த விலையில் கிடைக்கிறது. இதன் புதிய ஃபேஸ்லிஃப்ட் அப்கிரேட் மாடல் குறித்துக் கூடுதல் விவரங்கள் வெளிவரும் வரை காத்திருப்போம்.