Click it and Unblock the Notifications
2 லட்சத்தை கடந்த உள்நாட்டு விற்பனை... மாத விற்பனையில் மாபெரும் சாதனைப் படைத்த மாருதி!!
நாட்டின் மிகப்பெரிய கார் நிறுவனமான மாருதி சுஸுகி ஜூலை மாத உள்நாட்டு விற்பனையில் புதிய உச்சத்தை தொட்டு சாதனை படைத்துள்ளது. கடந்த மாதம் 2 லட்சத்திற்கும் அதிகமான வாகனங்களை இந்திய சந்தையில் விற்பனை செய்து அசத்தி உள்ளது. இது அந்நிறுவனத்தின் மாத விற்பனையில் உச்சபட்ச எண்ணிக்கையாக அமைந்துள்ளது.
மாருதி சுஸுகி நிறுவனம் பங்கு சந்தைக்கு அளித்துள்ள விற்பனை ஆவணங்களின்படி, கடந்த மாதம் மொத்தமாக 2,41,421 யூனிட்டுகளை விற்பனை செய்துள்ளது. கடந்த 2025ம் ஆண்டு ஜூலை மாதம் 1,80,526 யூனிட்டுகளை விற்பனை செய்திருந்த அந்நிறுவனம், 33.73 சதவீதம் என்ற பிரம்மாண்ட விற்பனை வளர்ச்சியை பதிவு செய்துள்ளது.
கடந்த மாதம் உள்நாட்டு சந்தையில் 2,00,123 வாகனங்களை விற்பனை செய்துள்ளது. இதில், கார்கள் மற்றும் இலகு ரக வர்த்தக வாகன விற்பனையும் அடங்கும். மேலும், கடந்த மாதம் மட்டும் 1,96,203 கார்களை விற்று அசத்தி உள்ளது. கடந்த ஆண்டு ஜூலையில் 1,47,187 யூனிட்டுகளை விற்பனை செய்திருந்த அந்த நிறுவனத்தின் விற்பனை தற்போது 33.3 சதவீதம் வளர்ச்சி கண்டுள்ளது.
| வாகன வகை | ஜூலை 2026 | ஜூலை 2025 | நிதியாண்டு 26-27 (ஏப்ரல்-ஜூலை) | நிதியாண்டு 25-26 (ஏப்ரல்-ஜூலை) |
|---|---|---|---|---|
| A: மினி (ஆல்டோ, எஸ்-பிரெஸ்ஸோ) | 12,634 | 6,822 | 56,391 | 26,344 |
| A: காம்பேக்ட் + மிட்-சைஸ் (பலேனோ, செலெரியோ, சியாஸ், டிசையர், ஸ்விஃப்ட், வேகன்ஆர்) | 90,822 | 65,840 | 316,851 | 244,917 |
| மொத்தம் A: பயணிகள் கார்கள் | 103,456 | 72,662 | 373,242 | 271,261 |
| B: யுட்டிலிட்டி வாகனங்கள் (பிரெஸ்ஸா, எர்டிகா, இ-விட்டாரா, ஃப்ரான்க்ஸ், கிராண்ட் விட்டாரா, இன்விக்டோ, ஜிம்னி, விக்டோரிஸ், எக்ஸ்எல்6) | 78,851 | 52,773 | 297,736 | 214,641 |
| C: வேன்கள் (ஈக்கோ) | 13,896 | 12,341 | 50,453 | 45,446 |
| மொத்த உள்நாட்டு பயணிகள் வாகன விற்பனை (PV) | 196,203 | 137,776 | 721,431 | 531,348 |
| இலகுரக வணிக வாகனங்கள் (சூப்பர் கேரி) | 3,920 | 2,794 | 13,499 | 11,304 |
| LCV உட்பட மொத்த உள்நாட்டு விற்பனை (PV+LCV) | 200,123 | 140,570 | 734,930 | 542,652 |
| டொயோட்டாவுக்கு சப்ளை | 11,242 | 8,211 | 34,423 | 37,018 |
| மொத்த உள்நாட்டு விற்பனை (PV+LCV+OEM) | 211,365 | 148,781 | 769,353 | 579,670 |
| மொத்த ஏற்றுமதி | 30,056 | 31,745 | 154,792 | 128,717 |
| மொத்த விற்பனை (உள்நாடு + ஏற்றுமதி) | 241,421 | 180,526 | 924,145 | 708,387 |
ஆல்ட்டோ, ஸ்விஃப்ட், பலேனோ, டிசையர், வேகன் ஆர் போன்ற சிறிய ரக கார் பிரிவில் 1,03,456 யூனிட்டுகளை விற்பனை செய்துள்ளது. கடந்த ஆண்டு இதே காலத்தில் 72,662 யூனிட்டுகளை மட்டுமே இந்நிறுவனம் விற்பனை செய்திருந்த நிலையில், தற்போது கணிசமாக உயர்ந்துள்ளது.
அதேபோன்று, பிரெஸ்ஸா, எர்டிகா, ஃப்ரான்க்ஸ், கிராண்ட் விட்டாரா, எக்ஸ்எல்6, விக்டோரிஸ் உள்ளிட்ட யுட்டிலிட்டி ரக வாகனங்கள் பிரிவில் 78,851 கார்களை விற்றுள்ளது. கடந்த ஆண்டு இதே காலத்தில் இந்த பிரிவில் 52,773 கார்களை அந்நிறுவனம் விற்பனை செய்துள்ளது.
தவிரவும், டொயோட்டா நிறுவனத்தின் கூட்டணியில் ரீபேட்ஜ் செய்யப்பட்ட கார்களை மாருதி சுஸுகி சப்ளை செய்து வருகிறது. அந்த வகையில், டொயோட்டா நிறுவனத்திற்கு 11,242 கார்களை சப்ளை செய்துள்ளது.
இந்த நிலையில், மாருதி சுஸுகி நிறுவனத்தின் ஏற்றுமதியில் சிறிய சரிவு ஏற்பட்டுல்ளது. கடந்த மாதம் 30,056 கார்களை வெளிநாடுகளுக்கு அந்நிறுவனம் ஏற்றுமதி செய்துள்ளது. கடந்த ஆண்டு ஜூலையுடன் ஒப்பிடுகையில் ஏற்றுமதி 5.32 சதவீதம் சரிந்துள்ளது.
மேலும், ஏப்ரல் முதல் ஜூலை வரையிலான நடப்பு நிதி ஆண்டின் முதல் நான்கு மாதங்களில் மொத்தமாக 9,24,145 வாகனங்களை மாருதி சுஸுகி விற்பனை செய்துள்ளது. இது கடந்த ஆண்டு இதே காலக்கட்டத்துடன் ஒப்பிடும்போது 30.46 சதவீதம் அளவுக்கு விற்பனை அதிகரித்துள்ளதும் குறிப்பிடத்தக்கது.
Continue with Google