ரொம்ப கம்மியான விலையில் டர்போ என்ஜின் கார் அறிமுகம்! ரெனால்ட் கம்பெனி கடைசியில் எடுத்த ஆயுதம்!

டர்போ என்ஜின் கொண்ட எஸ்யூவி (SUV) காரை மிகக் குறைந்த விலையில் வாங்க வேண்டும் என்பது உங்களது நீண்ட நாள் கனவா? இந்திய ஆட்டோமொபைல் சந்தையில் பெரும் பரபரப்பை ஏற்படுத்த ரெனால்ட் இந்தியா நிறுவனம் தனது பிரபல SUV கார் மாடலான 'கைகர்'-இல் புதிய அப்டேட்டுகளை வாரி வழங்கியுள்ளது.

டர்போசார்ஜ்டு என்ஜின் செயல்திறன் மற்றும் பிரீமியம் அம்சங்களை வாடிக்கையாளர்களுக்கு இன்னும் எளிதாகக் கொண்டு சேர்க்கும் நோக்கில், முற்றிலும் புதிய நான்கு வேரியண்ட்கள் தற்போது கைகரில் அறிமுகம் செய்யப்பட்டுள்ளன. புதிய கைகர் காரின் வருகையால், பி-எஸ்யூவி (B-SUV) கார் செக்மெண்ட்டிலேயே மிகக் குறைந்த விலையில் கிடைக்கும் டர்போசார்ஜ்டு என்ஜினை கொண்ட எஸ்யூவி காராக கைகர் விளங்குகிறது.

எந்த அளவிற்கு குறைவான விலை என்றால், கைகர் டர்போ காரின் ஆரம்ப எக்ஸ்-ஷோரூம் விலை வெறும் ரூ.7.89 லட்சத்தில் இருந்து துவங்குகிறது. புதிய கைகர் காரின் அறிமுகத்தின் மிகப்பெரிய ஹைலைட்டே, 'எவால்யூஷன்+' (Evolution+) என்கிற புத்தம் புதிய வேரியண்ட்டின் அறிமுகம் தான். கைகரின் விலை குறைவான எவால்யூஷன் வேரியண்ட்டிற்கும், கூடுதல் வசதிகள் கொண்ட டெக்னோ வேரியண்ட்டிற்கும் இடையே மிகச் சரியாக புதிய எவால்யூஷன்+ வேரியண்ட் நிலைநிறுத்தப்பட்டுள்ளது.

இந்த புதிய சாய்ஸ் பலரையும் யோசிக்க வைக்கும் என்பதில் எந்தச் சந்தேகமும் இல்லை. வாடிக்கையாளர்களின் தேவையை முழுமையாகப் பூர்த்தி செய்ய, இந்த 'எவால்யூஷன்+' வேரியண்ட் மேனுவல் மற்றும் AMT கியர்பாக்ஸ் ஆப்ஷன்கள் உடன் கூடிய நேச்சுரலி அஸ்பிரேட்டட் பெட்ரோல் என்ஜின் உடன் கிடைக்கிறது. அதேநேரம், டர்போ-பெட்ரோல் என்ஜின் உடனும் இதனை வாங்கலாம்.

ஆனால், டர்போ-பெட்ரோல் என்ஜின் உடன் மேனுவல் கியர்பாக்ஸ் ஆப்ஷனில் மட்டுமே இதனைத் தேர்வு செய்ய முடியும். புஷ் ஸ்டார்ட்/ஸ்டாப் வசதியுடன் கூடிய ஸ்மார்ட் ஆக்சஸ் கார்டு, ஓட்டுநரின் இருக்கை உயரத்தை மாற்றியமைக்கும் வசதி, வயர்லெஸ் ஸ்மார்ட்ஃபோன் கனெக்டிவிட்டி, ஆட்டோமேட்டிக் கிளைமேட் கண்ட்ரோல் மற்றும் பிரீமியம் டிசைன் கொண்ட சீட்கள் எனப் பல சொகுசு அம்சங்கள் இதில் அள்ளித் தரப்பட்டுள்ளன.

வேகத்தை விரும்பும் டர்போ ரசிகர்களுக்கு மற்றுமொரு இன்ப அதிர்ச்சி காத்திருக்கிறது! இதுவரை மூன்று வேரியண்ட்டுகளாக மட்டுமே இருந்த கைகர் டர்போ சீரிஸ், தற்போது ஐந்து வேரியண்ட்களாக விரிவுபடுத்தப்பட்டுள்ளது. புதிய 'எவால்யூஷன்+ டர்போ மேனுவல்' மட்டுமின்றி, உயர் ரக 'டெக்னோ டர்போ மேனுவல்' வேரியண்ட்டும் இதில் அறிமுகம் செய்யப்பட்டுள்ளது.

இதனால் வாடிக்கையாளர்கள் கூடுதல் விலை கொண்ட சிவிடி (CVT) ஆட்டோமேட்டிக்கிற்கு மாறாமலேயே, மேனுவல் மூலமாகவே அதிநவீன அம்சங்களை குறைந்த பட்ஜெட்டில் அனுபவிக்க முடியும். ரெனால்ட் கைகர் டர்போ காரின் வேரியண்ட்களையும், அவற்றின் எக்ஸ்-ஷோரூம் விலைகளையும் கீழேயுள்ள அட்டவணையில் காணலாம்.

மற்றொருபுறம், 1.0 லிட்டர் நேச்சுரலி அஸ்பிரேட்டட் (NA) பெட்ரோல் என்ஜின் உடனும் கைகர் எட்டு வேரியண்ட்டுகளாக விரிவடைந்துள்ளது. இதன் ஆரம்ப வேரியண்ட்டான 'அதென்டிக் மேனுவல்' காரின் விலை வெறும் ரூ.5.81 லட்சத்தில் இருந்து தொடங்குகிறது. இதுதொடர்பான முழுமையான விலைப் பட்டியலை கீழே காணலாம்.

டிரைவ்ஸ்பார்க் கருத்து: ரெனால்ட் நிறுவனத்தின் இந்த அப்டேட் மூலம், இதற்கு முன்பு டாப்-எண்ட் வேரியண்ட்களில் மட்டுமே வழங்கப்பட்ட பல சிறப்பம்சங்கள், இப்போது அடிமட்ட விலையிலான வேரியண்ட்களிலும் கிடைக்கத் தொடங்கியுள்ளன. அத்துடன், டெக்னோ டர்போ வேரியண்ட்டில் மேனுவல் கியர்பாக்ஸ் ஆப்ஷன் வழங்கப்பட்டிருப்பது, பவர் மற்றும் பட்ஜெட் ஆகிய இரண்டையும் மிகச் சரியாக பேலன்ஸ் செய்கிறது. புதிய வேரியண்ட் அறிமுகங்களைத் தவிர, காரின் என்ஜின் மற்றும் மெக்கானிக்கல் அமைப்பில் எந்த மாற்றங்களும் செய்யப்படவில்லை என்பது குறிப்பிடத்தக்கது.