ரூ.10 லட்சத்தை தாண்டி விலை போகாது! ரெனால்ட் கம்பெனிக்கு இப்படியொரு களம் இறக்கியதற்காக கோடி கும்புடு!

ரெனால்ட் நிறுவனம் தனது புகழ்பெற்ற மைக்ரோ-SUV காரான க்விட் (Renault Kwid) மாடலின் 2026 அப்டேட்டை அதிகாரப்பூர்வமாக அறிமுகப்படுத்தியுள்ளது. பார்ப்பதற்கு பழைய வடிவமைப்பு போலவே தோன்றினாலும், இந்த முறை ரெனால்ட் செய்திருக்கும் ஆச்சரியமான மேஜிக் என்ன தெரியுமா? வாடிக்கையாளர்களைக் குழப்பாமல் இருக்க, தங்களது வேரியண்ட்களின் எண்ணிக்கையை வெறும் இரண்டே இரண்டாக சுருக்கி அதிரடி காட்டி இருப்பதாகும்.

காரின் என்ஜின் மெக்கானிக்கல் மற்றும் வெளிப்புற வடிவமைப்பில் எந்த விதமான மாற்றங்களும் செய்யப்படவில்லை. ஆனால், குழப்பமான ஆப்ஷன்களை நீக்கிவிட்டு, எவொல்யூஷன் (Evolution) மற்றும் கிளைம்பர் (Climber) என இரண்டே வேரியண்ட்களில் மட்டுமே இனி 2026 க்விட் உங்களுக்குக் கிடைக்கப் போகிறது.

குறைந்த விலையில் அம்சங்கள் நிறைந்த காரை எதிர்பார்க்கும் வாடிக்கையாளர்களுக்கு 2026 ரெனால்ட் க்விட் எவால்யூஷன் ஒரு சிறந்த தேர்வாக அமையும் என்பதில் சந்தேகமே இல்லை. இதன் மேனுவல் (MT) வேரியண்ட்டின் விலை வெறும் ரூ.4.5 லட்சம் ஆகவும், ஆட்டோமேட்டிக் (AT) வேரியண்ட்டின் விலை ரூ.4.89 லட்சம் ஆகவும் நிர்ணயிக்கப்பட்டுள்ளது.

இவ்வளவு குறைவான விலையிலான புதிய க்விட் எவால்யூஷன் வேரியண்ட்டில் என்னென்ன முக்கியமான பிரீமியம் அம்சங்கள் கிடைக்கும் என்பதை கீழேயுள்ள அட்டவணையில் காணலாம்.

2026 க்விட் காரின் விலைமிக்க டாப்-எண்ட் 'கிளைம்பர்' வேரியண்ட்டை பொறுத்தவரையில் வாடிக்கையாளர்களைக் கவரும் வகையில் அடுக்கடுக்கான கூடுதல் பிரீமியம் அம்சங்களுடன் அறிமுகம் செய்யப்பட்டுள்ளது. மேனுவல் கியர்பாக்ஸ் உடன் இதன் விலை ரூ.5.14 லட்சம் என்றும், ஆட்டோமேட்டிக் கியர்பாக்ஸ் உடன் ரூ.5.60 லட்சம் என்றும் நிர்ணயிக்கப்பட்டுள்ளது. ஆனால், இதில் ஒரு சூப்பரான விஷயம் என்னவென்றால், ரெனால்ட் நிறுவனம் இந்த வேரியண்ட்டின் ஆன்லைன் புக்கிங்கிற்கு மிகப்பெரிய சலுகையை அறிவித்துள்ளது.

நீங்கள் ஆன்லைன் மூலம் இந்த காரை புக் செய்தால், கிளைம்பர் மேனுவல் வேரியண்ட்டை ரூ.4.99 லட்சத்திற்கும், ஆட்டோமேட்டிக் வேரியண்ட்டை ரூ.5.45 லட்சத்திற்கும் அசத்தலாகப் பெற்றுக் கொள்ளலாம். இந்த கிளைம்பர் வேரியண்ட்டில் உங்களை வியக்க வைக்கும் கூடுதலான அம்சங்கள் என்ன என்பதை கீழேயுள்ள அட்டவணையில் காணலாம்.

டிரைவ்ஸ்பார்க் கருத்து: தற்போது பட்ஜெட் விலையிலான கார் சந்தையில் தேவை சற்று குறைந்து காணப்பட்டாலும், போட்டிகள் என்னவோ இன்னும் பலமாகவே இருக்கின்றன. சமீபத்தில் அறிமுகம் செய்யப்பட்டுள்ள புதிய ரெனால்ட் க்விட் காரின் விலைக்கு இணையாக மாருதி சுஸுகி நிறுவனத்தின் எஸ்-பிரெஸ்ஸோ, வேகன் ஆர், செலேரியோ மற்றும் பல வருட போட்டியாளரான ஆல்டோ ஆகிய மாடல்கள் சந்தையில் விற்பனை செய்யப்படுகின்றன.

மேலும், டாடாவின் மிகச் சிறந்த காரான டாடா டியாகோவின் எண்ட்ரி-லெவல் வேரியண்ட்களும் இந்த ரெனால்ட் காருக்கு சவாலாக விளங்குகின்றன. மாருதி மற்றும் டாடா நிறுவனங்கள் மிகப்பெரிய அளவில் கார் டீலர்ஷிப் நெட்வொர்க்கைக் கொண்டிருந்தாலும், ஆல்டோவைத் தவிர இதில் மற்ற அனைத்து கார் மாடல்களும் க்விட்டை விட அளவில் பெரியதாக இருந்தாலும், க்விட் கார் வழங்கும் பிரீமியம் அம்சங்கள் தனித்துவமானவை ஆகும்.

இதன் கச்சிதமான 'SUV' போன்ற ஸ்டைலான தோற்றம், கூடுதல் தரை இடைவெளி (Ground Clearance) மற்றும் பட்ஜெட் விலையில் கிடைக்கும் சிறந்த அம்சங்கள் ஆகியவை குறைந்த விலையில் காரைத் தேடுபவர்களிடையே புதிய எதிர்பார்ப்பையும், சலசலப்பையும் ஏற்படுத்தியுள்ளது. இத்தகைய 2026 க்விட் காரை இரண்டில் எந்தவொரு வேரியண்ட்டிலும் குறைவான விலையில் வாங்கலாம் என்பது கூடுதல் அம்சமாகும்.