2014ம் ஆண்டின் இந்தியாவின் சிறந்த கார் விருதை வென்ற கிராண்ட் ஐ10!!

விருது வழங்கும் நிகழ்ச்சி

டெல்லியில் நேற்று இரவு நடந்த நிகழ்ச்சியில் கிராண்ட் ஐ10 காருக்கான விருதை ஹூண்டாய் உயர் அதிகாரிகள் ஷின் மற்றும் ராகேஷ் வத்சவா ஆகியோர் ஜேகே டயர்ஸ் நிறுவனத்தின் தலைவர் அருண் குமார் பஜோரியாவிடமிருந்து பெற்றுக்கொள்கின்றனர்.

விற்பனையில் அசத்தல்

செப்டம்பர் 3ந் தேதி விற்பனைக்கு கொண்டு வரப்பட்ட கிராண்ட் ஐ10 இரண்டாவது மாதத்திலேயே விற்பனையில் 5ம் இடத்தை பிடித்தது. மேலும், முதல் 90 நாட்களில் 35,000 கார்கள் டெலிவிரி கொடுக்கப்பட்டுள்ளதாக தெரிவிக்கப்பட்டுள்ளது.

டீசல் மாடல்

செவர்லே பீட் டீசல் விற்பனையில் சோபிக்காத நிலையில், ஓர் சிறந்த டீசல் ஹேட்ச்பேக் காரை எதிர்பார்த்திருந்தவர்களுக்கு இந்த கார் சிறந்த சாய்ஸ். இதுவே இந்த காரின் வெற்றிக்கு முக்கிய காரணமாக அமைந்துள்ளது. இந்த காரில் டர்போ லேக் குறைவான 71 பிஎஸ் பவரை அளிக்கும் 1.1 லிட்டர் டீசல் எஞ்சினும், 83 பிஎஸ் பவரை அளிக்கும் பெட்ரோல் எஞ்சினும் பொருத்தப்பட்டுள்ளது.

மைலேஜ்

பெட்ரோல் - 18.9 கிமீ/லி

டீசல் - 24 கிமீ/லி

வசதிகள்

பவர் விண்டோஸ், எலக்ட்ரிக் ரியர் வியூ கண்ணாடிகள், 2 டின் ஆடியோ சிஸ்டம், ரிவர்ஸ் பார்க்கிங் சென்சார், புஷ் பட்டன் ஸ்டார்ட், குரோமியம் பூச்சு கொண்ட டோர் ஹேண்டில்கள், டில்ட் ஸ்டீயரிங் ஆகிய வசதிகள் கொடுக்கப்பட்டுள்ளன. இதுதவிர, அஸ்ட்டா வேரியண்ட்டில் ஸ்பாய்லர், ரியர் டிஃபாகர், புளூடூத், அலாய் வீல்கள் உள்ளிட்ட கூடுதல் வசதிகளும், ஆக்சஸெரீஸ்களும் இடம்பெற்றிருக்கின்றன.

விலை

பெட்ரோல் ஆரம்ப விலை ரூ.4.29 லட்சம்

டீசல் ஆரம்ப விலை ரூ.5.23 லட்சம்

கூடுதல் விபரம்

2014ம் ஆண்டின் இந்தியாவின் சிறந்த கார் விருதை பெற்றிருக்கும் ஹூண்டாய் ஐ10 கார் பற்றிய முழுமையான விபரங்களை தெரிந்து கொள்ள இங்கே கிளிக் செய்து பார்க்கலாம்.