ஜப்பானில் சுஸுகி ஸ்விஃப்ட் ஸ்டைல் அறிமுகம்... இந்தியர்களின் எதிர்பார்ப்பு!

ஸ்பெஷல் எடிசன் மாடல்

மினி பிராண்டு கார்களின் சாயலில் வெளிப்புறத்தில் காட்சியளிக்கும் ஸ்விஃப்ட் ஸ்டைல் காரின் படங்களையும், கூடுதல் சிறப்பம்சங்களையும் ஸ்லைடரில் காணலாம்.

டிசைன் மாற்றங்கள்

முன்பக்க கிரில் டிசைன் மாற்றம் செய்யப்பட்டுள்ளது. படுக்கை வாட்டில் குரோம் பூச்சுடன் கூடிய சட்டங்கள் கொடுக்கப்பட்டுள்ளன. பாடி கலரிலிருந்து கூரை வெள்ளை அல்லது கருப்பு நிறத்தில் வேறுபடுத்தப்பட்டுள்ளது.

இன்டிரியர்

சில்வர் நிற தையலுடன் கூடிய கருப்பு நிற லெதர் இருக்கைகள், கியர் நாப், ஆர்ம் ரெஸ்ட், ஸ்டீயரிங் வீல்களுக்கு லெதர் உறை, பிரத்யேக அப்ஹோல்ஸ்டரி மற்றும் இன்ஸ்ட்ரூமென்ட் கிளஸ்ட்டர் என உட்புறத்திலும் தனது கைவண்ணத்தால் அசத்தியிருக்கிறது சுஸுகி.

சிறப்பம்சங்கள்

எலக்ட்ரிக்கல் அட்ஜெஸ்ட் வசதி கொண்ட ரியர் வியூ கண்ணாடி, புற ஊதா தடுப்பு வசதி கொண்ட கதவு கண்ணாடிகள், க்ரூஸ் கன்ட்ரோல், பின்புறத்தில் சாய்த்துக் கொள்ளும் வசதி கொண்ட இருக்கை, ஆட்டோமேட்டிக் ஹெட்லைட்டுகள், பனி விளக்குகள் போன்ற சிறப்பு ஆக்சஸெரீஸ்களை கொண்டிருக்கிறது.

புதிய அலாய் வீல்கள்

ஸ்விஃப்ட் ஸ்டைல் காரில் கருப்பு வண்ணத்திலான புதிய 16 இஞ்ச் அலாய் வீல்கள் பொருத்தப்பட்டுள்ளன. எல்இடி இண்டிகேட்டர்களுடன் கூடிய ரியர் வியூ கண்ணாடிகளும் அழகு சேர்க்கின்றன. பின்புறத்தில் ஸ்டைல் என்ற பேட்ஜ் கொடுக்கப்பட்டுள்ளது.

எஞ்சின்

ஜப்பானில் விற்பனைக்கு வரும் இந்த புதிய ஸ்விஃப்ட் ஸ்டைல் சிறப்பு பதிப்பு மாடலில் 1.2 லிட்டர் பெட்ரோல் எஞ்சினும், பேடில் ஷிப்ட் வசதியுடன் கூடிய 7 ஸ்பீடு சிவிடி கியர் பாக்ஸும் பொருத்தப்பட்டிருக்கும்.

இது நம்ம ஊரு ஸ்விஃப்ட் ஸ்டைல்

ஸ்விஃப்ட் ஸ்டைல் இல்லைன்னா ஒரு ஸ்விஃப்ட் கே கிளாஸ் அப்படின்னு போக வேண்டியதுதான். பெங்களூர் கல்யாணி மோட்டார்ஸ் வழங்கும் ஸ்விஃப்ட் கே கிளாஸ் காரை பற்றிய செய்திக்கு செல்ல இங்கே கிளிக் செய்யவும்.