பணி ஓய்வு நாளில் இப்படி ஒரு பரிசை இதுவரை யாருமே கொடுத்திருக்க மாட்டாங்க... அமெரிக்காவில் நிகழ்ந்த நெகிழ்ச்சி!!

அமெரிக்கா நாட்டைச் சேர்ந்த விமான சேவை நிறுவனங்களில் சவுத்வெஸ்ட் ஏர்லைன்ஸ் (Southwest Airlines) நிறுவனமும் ஒன்று. இந்த விமான சேவை நிறுவனத்தில் கேப்டனாக பணியாற்றி, தற்போது ஓய்வு பெற்றிருக்கும் விமானியே டெட் ஓரிஸ். இவரையே இளைஞர் ஒருவர் அவரது பணி ஓய்வு தினத்திற்கு அவரே எதிர்பார்த்திராத ஆச்சரிய பரிசை வழங்கியிருக்கின்றார்.

அதாவது, பணி ஓய்வு பெறுவதற்கு முன்னர் கேப்டன் டெட் ஓரிஸ் கடைசியாக விமானத்தை டேக்-ஆஃப் செய்யும்போது எடுக்கப்பட்ட புகைப்படங்களைப் பரிசாக வழங்கி ஆச்சரியப்படத்தியிருக்கின்றார். ரையன் பேட்டர்சன் எனும் இளைஞரே இதனை பரிசாக வழங்கியவர் ஆவார்.

இவர் மிகுந்த சாதாரணமான புகைப்படங்களை மட்டுமே எடுக்கும் கலைஞனாக கடந்த 2015ம் ஆண்டு வரை இருந்து வந்திருக்கின்றார். அப்படியாக ஒரு நாள் புகைப்படங்களை எடுக்கும்போதே கேப்டன் டெட் ஓரிஸின் கண்களில் ரையன் பேட்டர்சன் சிக்கியிருக்கின்றார்.

அப்போது, ரையனின் புகைப்படத் திறனை மேலும் வளர்க்கும் வகையில் விமானங்களைப் பற்றிய சிறப்பு புகைப்படங்களை (Aviation Photograph) எடுக்குமாறு அவரின் ஆர்வத்தைத் தூண்டியிருக்கின்றார். இதைத் தொடர்ந்தே, ஹெலிகாப்டர்களைப் பயன்படுத்தி பறக்கும் விமானங்கள், ஒட்டுமொத்த விமான நிலையங்களையும் வானில் வட்டமடித்தவாறு படமெடுக்க ஆரம்பித்திருக்கின்றார் ரையன்.

இவ்வாறு, ரையன் தனது துறையில் வளர்ச்சியடைவதற்கு தற்போது ஓய்வு பெற்றிருக்கும் விமானி டெட் ஓரிஸின் ஊக்குவிப்பே காரணம் என அவர் கூறுகின்றார். எனவேதான், இவரின் பணி ஓய்வு தினத்தை மறக்க முடியாத தருணமாக மாற்ற, டெட் ஓரிஸ்க்கே தெரியாமல் அவரின் கடைசி விமானத்தை டேக்-ஆஃப்பினை சிறப்பு புகைப்படங்களாக ரையன் எடுத்து வழங்கியிருக்கின்றார்.

இதுகுறித்த தகவலை சவுத்வெஸ்ட் ஏர்லைன்ஸ் நிறுவனம், அதன் அதிகாரப்பூர்வ வலைதளம் பக்கத்தின் வாயிலாக வெளியிட்டுள்ளது. விமானியன் கடைசி டேக்-ஆஃப் நிகழ்வை படமாக்குவதற்காக ரையன் 7 மணி நேரங்கள் பயணித்து அட்லாண்டாவிற்கு வந்ததாகக் கூறப்படுகின்றது. இதன் பின்னரே ஹெலிகாப்டரில் தன்னை முன்கூட்டியே பறக்குமடி அவர் செய்திருக்கின்றார்.

Image Courtesy: Southwest Airlines

இந்த கடின முயற்சியைத் தொடர்ந்தே சவுத்வெஸ்ட் 737 விமானத்தை டெட் ஓரிஸ் டேக்-ஆஃப் செய்யும் பிரத்யேக காட்சிகளை ரையன் ஹெலிகாப்படரில் இருந்தபடி கேமிராவில் படமாக்கியிருக்கின்றார். அமெரிக்காவில் நிகழ்ந்த இந்த நெகிழ்ச்சியான சம்பவம் அந்த நாட்டு மக்களை மட்டுமின்றி ஒட்டுமொத்த விமானிகளையுமே மெய்சிலிர்க்க வைத்துள்ளது.