Just In
- 1 hr ago பைக் கவரின் விலை ரூ.16 ஆயிரமா... எதில் தயாரித்து கொடுப்பார்கள் என்று தெரியலயே!! பைக்குடன் இதெல்லாம் கிடைக்கும்
- 2 hrs ago 140 பேர் தான் இந்த ஸ்கூட்டரை வாங்க முடியும்! அதுக்கு மேல எவ்வளவு கோடி குடுத்தாலும் கிடைக்காது!
- 3 hrs ago இன்டிகாவையே விற்பனையில் மிஞ்சிய டாடா பஞ்ச்! பலாபழத்தில் மொய்க்கும் ஈக்களைவிட மோசமாக மக்கள் மொய்க்குறாங்க!
- 4 hrs ago சாதாரணமாவே இந்த மாருதி காரை வீட்டுக்கு மளிகை சாமான் வாங்குற மாதிரி வாங்கிட்டு இருக்காங்க.. இதுல இது வேறையா!
Don't Miss!
- Movies கமலுக்கான ஆதரவா?.. திடீரென உத்தம வில்லன் பட மேக்கிங் வீடியோவை வெளியிட்ட பூஜா குமார்!
- News ஓட்டு போட சொந்த ஊர் போனவங்களுக்கு வந்த குட்நியூஸ்.. சென்னைக்கு இன்று முன்பதிவில்லா ஸ்பெஷல் ரயில்
- Finance சென்னை லயோலா-வில் படித்த அஜித்.. பெங்களூரிலேயே காஸ்ட்லியான இடத்தை வாங்கியிருக்கிறார்.. யார் இவர்..?
- Technology ஆர்டர் பிச்சிக்கும் பாருங்க.. ரூ.10,000 போதும்.. 108MP கேமரா.. 256GB மெமரி.. வருகிறது itel போன்.. எந்த மாடல்?
- Lifestyle தக்காளி சட்னி செய்யும் போது இந்த ஒரு பொருளை மட்டும் அதிகமா சேர்த்துக்கோங்க.. டேஸ்ட் சூப்பரா இருக்கும்..
- Sports மொத்த பேட்டிங் ஆர்டரும் மாறிப்போச்சு.. ருதுராஜ் செய்த சொதப்பல்.. சிஎஸ்கே தோல்விக்கு காரணம் என்ன?
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
ரெனோ க்விட் காரின் 1.0லி எஞ்சின் மாடலின் விமர்சனம்!
கூடுதல் சக்திகொண்ட புதிய 1.0 லிட்டர் பெட்ரோல் எஞ்சினுடன் ரெனோ க்விட் கார் சமீபத்தில் அறிமுகம் செய்யப்பட்டது. இந்த புதிய மாடல் எப்படி இருக்கிறது என்பதை இந்த விமர்சன செய்தித் தொகுப்பில் பார்க்கலாம்.
கவர்ச்சிகரமான டிசைன், நவீன வசதிகள், அதிக இடவசதி, குறைவான விலை என அனைத்திலும் வாடிக்கையாளர்களை பெரிதும் கவர்ந்துள்ளது ரெனோ க்விட். இதன் காரணமாக 1.50 லட்சத்திற்கும் அதிகமான முன்பதிவுகளை பெற்றதுடன், ஒரு லட்சத்திற்கும் அதிகமான ரெனோ க்விட் கார்கள் விற்பனை செய்யப்பட்டுள்ளன. அதேநேரத்தில், அந்த காரின் எஸ்யூவி போன்ற கம்பீரமான தோற்றத்திற்கும், அதில் இருந்த 800சிசி எஞ்சினின் செயல்திறனுக்கும் சற்றே ஏமாற்றம் இருந்தது உண்மை.
இந்த குறையை போக்கும் விதத்தில் கூடுதல் சக்திகொண்ட புதிய 1.0 லிட்டர் பெட்ரோல் எஞ்சினுடன் க்விட் காரை சமீபத்தில் அறிமுகம் செய்தது ரெனோ கார் நிறுவனம். இதன்மூலமாக, பட்ஜெட் மார்க்கெட்டில் ரெனோ க்விட் காரின் மதிப்பு இன்னும் கூடியிருக்கிறது. இந்த நிலையில், புதிய ரெனோ க்விட் காரின் 1.0 லிட்டர் எஞ்சின் பொருத்தப்பட்ட மாடலில் இருக்கும் மாற்றங்கள் மற்றும் எஞ்சினின் செயல்திறன் உள்ளிட்ட முக்கிய விஷயங்களை இந்த செய்தித் தொகுப்பில் காணலாம்.
டிசைன்
மாருதி ஆல்ட்டோ 800 காருக்கும், அதன் 1.0 லிட்டர் எஞ்சின் பொருத்தப்பட்ட ஆல்ட்டோ கே10 மாடலுக்கும் டிசைனில் பல வித்தியாசங்களை கொடுத்து வேறுபடுத்தியிருக்கின்றனர். ஆனால், அதுபோன்று அதிக மாற்றங்களை ரெனோ க்விட் காரின் 800சிசி மாடலுக்கும், 1.0 லிட்டர் மாடலுக்கும் இல்லை. ஆம், வெகு சில வித்தியாசங்களே, அதுவும் கூர்ந்து கவனித்தால் மட்டுமே தெரியும்.
முகப்பில் குறிப்பிட்டு சொல்லும்படி அதிக வித்தியாசங்கள் இல்லை. பக்கவாட்டில் சைடு மிரர்கள் சற்றே பெரிதாக்கப்பட்டு, பின்புறத்தில் வெளிர் வண்ணப் பூச்சு கொடுக்கப்பட்டுள்ளது. அதுபோன்று, கதவுகளில் கொடுக்கப்பட்டிருக்கும் டீகெல் ஆகியவைதான் வேறுபடுத்தும் விஷயங்கள். மேலும், 800சிசி காரில் இருக்கும் அதே கலர் ஆப்ஷன்கள்தான் இந்த மாடலிலும் இருக்கிறது.
உட்புறத்திலும் எந்த மாற்றங்களும் இல்லை. டிஜிட்டல் இன்ஸ்ட்ரூமென்ட் க்ளஸ்ட்டர், டச்ஸ்கிரீன் திரையுடன் கூடிய இன்ஃபோடெயின்மென்ட் சிஸ்டம், நேவிகேஷன் வசதி போன்றவை மிக முக்கிய அம்சங்கள் என்பது தெரிந்ததுதான். இந்த செக்மென்ட்டில் சிறப்பான இடவசதி கொண்ட கார் மாடலாகவும் சொல்லலாம்.
எஞ்சின்
அடுத்து நாம் குறிப்பிட்டு தெரிந்து கொள்ள வேண்டியது எஞ்சினை பற்றித்தான். ஆம், ரெனோ க்விட் காரின் 3 சிலிண்டர்கள் கொண்ட 800சிசி எஞ்சினை போர் செய்து 1000சிசி எஞ்சினாக மாற்றியிருக்கின்றனர்.
ரெனோ க்விட் காரின் 800சிசி எஞ்சின் 53.2 பிஎச்பி பவரையும், 72 என்எம் டார்க்கையும் வெளிப்படுத்தும் திறன் கொண்டது. ஆனால், புதிய 1.0 லிட்டர் எஞ்சின் அதிகபட்சமாக 67 பிஎச்பி பவரையும், 91 என்எம் டார்க்கையும் அளிக்கும் விதத்தில் மேம்படுத்தப்பட்டு இருக்கிறது.
செயல்திறன்
இதன்மூலமாக, சிறப்பான செயல்திறன் கொண்ட மாடலாக மாறியிருக்கிறது ரெனோ க்விட். ஆரம்ப நிலையிலேயே சிறப்பான பவரையும், டார்க்கையும் உணர வைக்கிறது இதன் புதிய 1.0 லிட்டர் எஞ்சின். இதனால், நகர்ப்புற பயன்பாட்டுக்கு சிறப்பாக இருப்பதோடு, நெடுஞ்சாலை பயணங்களுக்கும் உகந்த நண்பனாக மாறியிருக்கிறது ரெனோ க்விட் கார்.
800சிசி மாடலை நெடுஞ்சாலையில் ஓட்டும்போது, ஓவர்டேக் செய்வதற்கு கியரை குறைத்து கவனமாக இருக்க வேண்டியிருந்தது. அந்த பிரச்னையை ஓரளவு குறைத்திருக்கிறது புதிய 1.0 லிட்டர் மாடல். ஆம். அடிக்கடி கியரை குறைத்து காரை வேகமெடுக்கும் அவசியம் குறைந்திருக்கிறது.
இதன் 5 ஸ்பீடு மேனுவல் கியர்பாக்ஸ் விரைவாக கியர் மாற்றுவதற்கு ஏதுவாக இருக்கிறது. 800சிசி மாடலைவிட இதன் கியர் லிவரில் அதிர்வுகளும் குறைந்திருக்கிறது. அதேபோன்று, ஸ்டீயரிங் வீலிலும் அதிர்வுகள் குறைவாக இருக்கிறது.
சப்தம் குறைவு
800சிசி மாடலில் அதிர்வுகள் அதிகம் இருப்பதாக வாடிக்கையாளர்களிடம் ஒரு பேச்சு இருந்தது. அதனை சரிசெய்யும் விதத்தில் இதன் 3 சிலிண்டர் 1.0 லிட்டர் எஞ்சினில் மாறுதல்களை செய்திருப்பதோடு, சப்த தடுப்பு வசதிகளும் மேம்படுத்தப்பட்டு இருக்கின்றன. இதனால், முன்பைவிட சப்தம் குறைவான பயணத்தை வழங்குகிறது.
இதேபோன்று, புதிதாக தயாரிக்கப்படும் 800சிசி ரெனோ க்விட் கார்களிலும் சப்தமும், அதிர்வுகளும் குறைவாக இருக்கும் விதத்தில் மேம்படுத்தப்பட்டு வருகிறது. எனவே, புதிய வாடிக்கையாளர்களுக்கு இது மகிழ்ச்சி தரும் விஷயமாக இருக்கும்.
மைலேஜ்
ரெனோ க்விட் காரின் 800சிசி மாடல் லிட்டருக்கு 25.17 கிமீ மைலேஜ் தரும் என தெரிவிக்கப்பட்டது. இந்தியாவின் அதிக மைலேஜ் தரும் கார் என்ற விஷயமும் அதன் வெற்றிக்கான காரணங்களில் ஒன்று.
இந்த நிலையில், ரெனோ க்விட் காரின் 1.0 லிட்டர் மாடல் லிட்டருக்கு 23.01 கிமீ மைலேஜ் தருவதாக தெரிவிக்கப்பட்டுள்ளது. நடைமுறையில் லிட்டருக்கு 16 கிமீ முதல் 17 கிமீ வரை மைலேஜை எதிர்பார்க்கலாம்.
கையாளுமை
இதன் 180மிமீ கிரவுண்ட் கிளியரன்ஸ் மற்றும் இதன் சஸ்பென்ஷன் அமைப்பு எந்தவொரு சாலையிலும் எளிதாகவும், அச்சமின்றியும் செல்ல உதவுகிறது. இதன் சஸ்பென்ஷன் அமைப்பு அதிக சொகுசாக சவாரியை தருவதுடன, அதிக கிரவுண்ட் கிளிரயன்ஸ் இருந்தாலும் நல்ல கையாளுமையை கொடுக்கிறது.
ஆனால், இதன் சக்திவாய்ந்த புதிய 1.0 லிட்டர் எஞ்சினுக்கு தக்கவாறு சஸ்பென்ஷனில் எந்த மாற்றங்களும் செய்யப்படவில்லை. பிரேக்குகளும், டயர்களும் கூட மாற்றங்கள் இல்லை என்பது ஏமாற்றமே. அடுத்து இந்த காரின் மிகப்பெரிய ப்ளஸ் பாயிண்ட் இதன் 300 லிட்டர் கொள்ளளவு கொண்ட பூட்ரூம் இடவசதி. பெரிய சைஸ் ஹேட்ச்பேக் கார்களுக்கே இதன் பூட்ரூம் சவால் தரும் விஷயம்.
ஒரேயொரு வேரியண்ட்
புதிய ரெனோ க்விட் காரின் 1.0 லிட்டர் மாடல் RXT மற்றும் RXT ஆப்ஷனல் ஆகிய இரு வேரியண்ட்டுகளில் மட்டுமே கிடைக்கிறது. 800சிசி மாடலில் வழங்கப்படும் STD, RXE மற்றும் RXL போன்ற விலை குறைவான வேரியண்ட்டுகள் தவிர்க்கப்பட்டுள்ளன.
RXT டாப் வேரியண்ட்டில் நவீன வசதிகள் இருந்தாலும், ஓட்டுனருக்கான ஏர்பேக் மட்டும் ஆப்ஷனலாக வழங்கப்படுகிறது. டாப் வேரியண்ட்டில் கூட ஏபிஎஸ் பிரேக்கிங் சிஸ்டம் மற்றும் டியூவல் ஏர்பேக்குகள் போன்ற பாதுகாப்பு வசதிகள் ஆப்ஷனலாக கூட இல்லை என்பதும் பெரும் குறையாக இருக்கிறது.
விலை வித்தியாசம்
அதிக மாற்றங்களையும், கூடுதல் வசதிகளையும் சேர்த்து விலையை கூட்டுவதற்கு ரெனோ விரும்பவில்லை என்பது தெரிகிறது. புதிய வாடிக்கையாளர்களை கவர்வதற்காக விலையை மிக கவனமாக நிர்ணயித்துள்ளது ரெனோ கார் நிறுவனம். ஆம், 800சிசி மாடலுக்கும் 1.0 லிட்டர் மாடலுக்கும் மிக குறைவான விலை வித்தியாசமே.
சென்னையில் ரெனோ க்விட் காரின் 800சிசி RXT வேரியண்ட் ரூ.4.46 லட்சம் விலையிலும், 1.0 லிட்டர் மாடலின் RXT வேரியண்ட் ரூ.4.72 லட்சம் ஆன்ரோடு விலையிலும் கிடைக்கிறது. எனவே, விலையில் பெரிய வித்தியாசம் இல்லை.
எமது அபிப்ராயம்
ரெனோ க்விட் காரின் 800சிசி மாடலைப் போன்றே, 1.0 லிட்டர் மாடலும் கொடுக்கும் பணத்திற்கு நிறைவான அம்சங்களை கொண்டுள்ளது. அதேநேரத்தில், தற்போது மேனுவல் கியர்பாக்ஸ் மாடலில் மட்டும் வந்துள்ளது. ஆனால், இதன் ஏஎம்டி கியர்பாக்ஸ் மாடல் விற்பனைக்கு வரும்போது, இந்த மாடலுக்கான மதிப்பும், வரவேற்பும் கூடும் என்று எதிர்பார்க்கலாம்.
- அந்த டெயில் லைட் டிசைனுக்கே காசு போச்சுயா... புதிய ஹூண்டாய் எலான்ட்ரா விமர்சனம்!
- இருமுகன்... அப்ரிலியா எஸ்ஆர் 150 ஸ்கூட்டர் ஃபர்ஸ்ட் டிரைவ் ரிப்போர்ட்!
- ப்ரியமானவன்... புதிய ஹீரோ அச்சீவர் 150 டெஸ்ட் டிரைவ் ரிப்போர்ட்!
-
இந்த 3 கார்களை தான் மக்கள் மாத்தி, மாத்தி வாங்குறாங்க!! டாடா லிஸ்ட்டிலேயே இல்ல...
-
என்னதான் பைக் காதலரா இருந்தாலும் இதெல்லாம் ஓவருங்க.. நடிகர் ஜான் ஆபிரகாம் வாங்கிய இந்த பைக்கின் விலை இவ்வளவா!!
-
ரிமோட் சாவியுடன் யமஹா ஸ்கூட்டர் அறிமுகம்.. வெறும் 3 ஆயிரம் ரூபாதான் அதிகமா!.. ஆக்டிவா பொழப்புல மண்ணை போடதான்!