அடுத்த ஆண்டு விற்பனைக்கு வருகிறது இந்தியாவின் முதல் சூப்பர் கார்!

சவாலான விலையில் வரும் அவந்தி

வெளிநாட்டு நிறுவனங்களால் தயாரிக்கப்படும் சூப்பர் கார்கள் பல கோடி விலையில் விற்பனை செய்யப்பட்டு வரும் நிலையில், இந்த சூப்பர் கார் ரூ.30 லட்சம் என்ற விலையில் விற்பனைக்கு வருகிறது.

அவந்தி உற்பத்திக்கு புதிய ஆலை

மஹாராஷ்டிர மாநிலம் தலேகானில் அவந்தி காரை உற்பத்தி செய்வதற்காக புதிய ஆலையை டிசி அமைத்து வருகிறது. அடுத்த ஆண்டு ஆகஸ்ட் மாதம் முதல் இந்த ஆலையில் அவந்தி காரின் உற்பத்தி துவங்கப்பட உள்ளது.

டெலிவிரி எப்போது?

அடுத்த ஆண்டு டிசம்பர் மாதம் முதல் அவந்தி கார் டெலிவிரி கொடுக்கப்படும் என்று தெரிவிக்கப்பட்டுள்ளது. அவந்தி காரை வாங்குவதற்கு ஏராளமான வாடிக்கையாளர்கள் இப்போதே ஆர்வமுடன் விபரங்களை கேட்டு பெற்று வருவதாக டிசி தெரிவித்துள்ளது.

அவந்தி மீது ஆர்வம் காட்டும் விமான பைலட்டுகள்

அவந்தியை வாங்குவதற்கு விருப்பம் தெரிவித்துள்ளவர்களில் பெரும்பாலானவர்கள் விமான பைலட்டுகள் என்று திலீப் சாப்ரியா தெரிவித்துள்ளார். இளம் வாடிக்கையாளர்களை மனதில் வைத்து அவந்தி காரை விற்பனை செய்ய இருப்பதாகவும் அவர் தெரிவித்தார்.

எஞ்சின்

2 பேர் பயணம் செய்யும் வசதிகொண்ட அவந்தி சூப்பர் காரில் ஃபோர்டு நிறுவனத்தின் 2.0 லிட்டர் ஈக்கோபூஸ்ட் எஞ்சின் பொருத்தப்பட்டிருக்கும்.