மானியம் வழங்கும் வரை புதிய எலக்ட்ரிக் கார்கள் இல்லை: மஹிந்திரா!

கோயங்கோ கருத்து

எலக்ட்ரிக் வாகனங்களுக்கான மானியம் திட்டம் அமலுக்கு வராவிட்டால், இ2ஓ., காரை மட்டுமே விற்பனை செய்ய உள்ளோம்," என்று மஹிந்திரா ஆட்டோமோட்டிவ் பிரிவு தலைவர் கோயங்கோ தெரிவித்துள்ளார்.

படு பாதாளம்

கடந்த மார்ச் மாதம் விற்பனைக்கு கொண்டு வரப்பட்டு, இதுவரை 400 இ2ஓ., கார்கள் மட்டுமே விற்பனையாகியுள்ளன. இதன் விலை ரூ.8 லட்சத்தை தொடுவதால், வாடிக்கையாளர்கள் இந்த காரின் பக்கம் தலை திருப்ப மறுக்கின்றனர். எனவே, புதிய மாடல்களை தயாரித்து கையை சுட்டுக் கொள்ள மஹந்திரா தயாராக இல்லை.

உற்பத்திக்கு தயார்

பேட்டரியில் இயங்கும் மஹிந்திரா வெரிட்டோ, மேக்ஸிமோ மற்றும் ஜியோ ஆகிய வாகனங்கள் சோதனைகள் முடிந்து வரும் ஆண்டு துவக்கத்தில் உற்பத்தியை செய்யும் நிலையில் தயாராக இருக்கின்றன. ஆனால், மானியம் வந்தால் மட்டுமே இந்த கார்களை விற்பனைக்கு கொண்டு வரப்படும் நிலை உருவாகியுள்ளது.

அரசனை நம்பி..

சுற்றுச்சூழல் மாசுபடுதலையும், எரிபொருள் தேவேயை குறைக்கும் நோக்கில், ஹைபிரிட், எலக்ட்ரிக் வாகனங்களுக்கு மானியம் அளிக்கும் திட்டத்தை அமல்படுத்தப் போவதாக மத்திய அரசு கூறியது. 2020ம் ஆண்டில் நம் நாட்டில் 7 மில்லியன் ஹைபிரிட், எலக்ட்ரிக் வாகனங்களை விற்பனை செய்வதற்கு உதவும் வகையில் இந்த மாபெரும் மானிய திட்டத்தை பற்றி அரசு கூறியது. இதை நம்பி மஹிந்திரா இ2ஓ., காரை கொண்டு வந்தது. ஆனால், இதுவரை இந்த மானியத் திட்டம் அமல்படுத்தவில்லை என்பதே இ2ஓ., காரின் விற்பனை இந்தளவு மோசமாக இருப்பதற்கு காரணமாகியுள்ளது.

ஏற்றுமதி

இ2ஓ., எலக்ட்ரிக் காரால் ஏற்பட்டு வரும் இழப்பை சரிகட்டுவதற்கு ஏற்றுமதி செய்வதே சிறந்த உபாயமாக சந்தை நிபுணர்கள் கூறுகின்றனர். ஏற்கனவே, நேபாள நாட்டிற்கு ஏற்றுமதி செய்யப்படுகிறது. பிற நாடுகளுக்கும் ஏற்றுமதியை விரிவுப்படுத்த மஹிந்திரா