ஸ்டீயரிங்கில் பிரச்னை: 4 கார் மாடல்களை திரும்ப அழைக்கும் மாருதி

பிரச்னை

ஸ்டீயரிங்கில் இருக்கும் சிறிய பிரச்னைக்காகத்தான் இந்த திரும்ப பெறும் அறிவிப்பு என்று மாருதி தெரிவித்துள்ளது. மேலும், ஸ்டீயரிங்கில் பிரச்னைக்குரியதாக கருதப்படும் பாகங்கள் இலவசமாக மாற்றித் தரப்படும் என்று தெரிவிக்கப்பட்டுள்ளது.

மொத்த கார்கள்

4 மாடல்களையும் சேர்த்து மொத்தமாக 1,492 கார்களை திரும்ப பெறுவதாக மாருதி அறிவித்துள்ளது. இதில், 13 ஏ ஸ்டார் கார்கள், 592 ஸ்விஃப்ட் கார்கள்,581 டிசையர் கார்கள் மற்றும் 306 எர்டிகா கார்கள் அடங்கும்.

தயாரிப்பு விபரம்

கடந்த அக்டோபர் மாதம் 19 முதல் 26ந் தேதி வரை தயாரிக்கப்பட்ட 4 கார் மாடல்களுக்கு இந்த அறிவிப்பு பொருந்தும்.

தகவல்

இதுதொடர்பாக, சம்பந்தப்பட்ட வாடிக்கையாளர்களுக்கு முறைப்படி தகவல் அனுப்பி வைக்கப்படும் என்றும், பிரச்னைக்குரிய பாகங்களை இலவசமாக மாற்றி தரப்படும் என்றும் மாருதி தெரிவித்துள்ளது.

உங்க கார்...?

உங்களது கார் ரீகால் அறிவிப்பில் இடம் பெற்றுள்ளதா என்பதை தெரிந்து கொள்ள இங்கேயுள்ள இணைப்பை செய்து சேஸி நம்பரை கொடுத்து தெரிந்து கொள்ளலாம்.