லாஸ் ஏஞ்சல்ஸ் ஆட்டோ ஷோவில் விடைபெறும் பென்ஸ் கார்!

சோதனை படங்கள்

எஸ்எல்எஸ் ஏஎம்ஜி காருக்கு பதிலாக வர இருக்கும் எஸ்எல்சி ஏஎம்ஜி கார் தற்போது சோதனைகள் நடத்தப்பட்டு வருகின்றன. சோதனையின்போது எடுக்கப்பட்ட புகைப்படங்களை மெர்சிடிஸ் பென்ஸ் வெளியிட்டுள்ளது. அந்த படங்களை ஸ்லைடரில் வழங்கியுள்ளதோடு, இரு கார்கள் பற்றிய கூடுதல் விபரங்களையும் தொகுத்துள்ளோம்.

பரிமாணம்

எஸ்எல்எஸ் ஏஎம்ஜி காரைவிட மாற்றாக வர இருக்கும் புதிய கார் மாடல் அளவில் சற்று குறைவானதாகவும், விலையிலும் குறைவானதாகவும் இருக்கும்.

புதிய மாடல் அறிமுகம்

எஸ்எல்எஸ் ஏஎம்ஜி காரின் ஃபைனல் எடிசன் கார் அடுத்த ஆண்டு மத்தியில் வரை விற்பனையில் இருக்கும். இதைத்தொடர்ந்து, எஸ்எல்சி ஏஎம்ஜி கார் 2015ல் விற்பனைக்கு கொண்டு வரப்பட்டும்.

தோற்றம்

நீண்ட பானட், பின்புற தோற்றம் மற்றும் டெயில் கிளஸ்ட்டர் ஆகியவை எஸ்எல்எஸ் ஏஎம்ஜி காரின் டிசைன் தாத்பரியங்களை எஸ்எல்சி ஏஎம்ஜி காரும் தாங்கி வருகிறது.

போட்டியாளர்

போர்ஷே 911 டர்போ காருக்கு நேரடி போட்டியாளராக எஸ்எல்சி ஏஎம்ஜி கார் களமிறக்கப்படுகிறது.

ஃபைனல் எடிசன்

இப்போது எஸ்எல்எஸ் ஏஎம்ஜி ஃபைனல் எடிசன் கார் குறித்த சில தகவல்களை காணலாம். லாஸ் ஏஞ்சல்ஸ் ஆட்டோ ஷோவில் புதிய எஸ்எல்எஸ் ஏஎம்ஜி ஃபைனல் எடிசன் கார் அறிமுகம் செய்யப்பட உள்ளது.

முன்புறம், பின்புறம், இன்டிரியர் என பல இடங்களிலும் புதிய ஃபைனல் எடிசன் மாடல் மாற்றங்களை கண்டிருக்கும்.

லிமிடேட் எடிசன்

ஃபைனல் எடிசன் காரை குறிப்பிட்ட எண்ணிக்கையில் மட்டும் விற்பனை செய்ய பென்ஸ் முடிவு செய்துள்ளது. அடுத்த ஆண்டு துவக்கம் முதல் மத்தியில் வரை இந்த கார் விற்பனையில் இருக்கும்.

மாடல்கள்

கூபே, ரோட்ஸ்டெர், ஜிடி மற்றும் பிளாக் சீரிஸ் ஆகிய மாடல்களில் எஸ்எல்எஸ் ஏஎம்ஜி ஃபைனல் எடிசன் கார் கிடைக்கும்.

எஞ்சின்

எஞ்சினில் எவ்வித மாற்றங்களும் இல்லை. தற்போது விற்பனையில் உள்ள 563எச்பி, 583எச்பி மற்றும் 622எச்பி ஆற்றல் எஞ்சின்களுடன் கிடைக்கும்.