பொன்விழா: 911 கரீராவின் ஸ்பெஷல் எடிசனை வெளியிடும் போர்ஷே

395 எச்பி ஆற்றலை வெளிப்படுத்தும் 3.8 லிட்டர் எஞ்சின் பொருத்தப்பட்டுள்ளது. இந்த எஞ்சினின் பவரை 7 ஸ்பீடு மேனுவல் அல்லது ஆட்டோமேட்டிக் டிரான்ஸ்மிஷன் வீல்களுக்கு கடத்தும்.

மேனுவல் டிரான்ஸ்மிஷன் மாடல் 0-100 கிமீ வேகத்தை 4.5 வினாடிகளிலும், ஆட்டோமேட்டிக் மாடல்4.3 வினாடிகளிலும் எட்டும்.

மணிக்கு அதிகபட்சமாக 300 கிமீ வரை செல்லும் அம்சங்களை கொண்டிருக்கிறது.

கரீரா 4 மாடலின் பாடிதான் இந்த சிறப்பு பதிப்பு காரிலும் பயன்படுத்தப்பட்டு இருக்கிறது. இது கரீரா எஸ் மாடலைவிட பின்புறத்தில் 44 மிமீ கூடுதல் அகலம் கொண்டதாக இருக்கிறது.

காரின் பின்புறத்தில் 911 50 என்று பொன்விழா பதிப்பை குறிக்கும் பேட்ஜ் பதிக்கப்பட்டிருக்கும். இரட்டை சைலன்சர், 5 ஸ்போக் 20 இஞ்ச் அலாய் வீல்கள், குரோம் பூச்சு கொண்ட கதவு ஃபிரேம்கள் ஆகியவை கூடுதல் வசீகரத்தை கொடுக்கும்.

கிராஃபைட் கிரே, கேஸர் கிரே மெட்டாலிக் ஆகிய இரண்டு வண்ணங்களில் மட்டும் இந்த சிறப்பு பதிப்பு கார்கள் வெளியிடப்பட்டுள்ளன.

பழைய 911 காரின் இன்டிரியரை நினைவூட்டும் வகையில் இந்த கார் டிசைன் செய்யப்பட்டுள்ளது. இருக்கை, சென்ட்ரல் கன்சோல் ஆகியவற்றிலும் பழமையின் டிசைன் பாதிப்பு இருக்கிறது.

ஹெட்ரெஸ்ட்டுகளில் பொன்விழா பதிப்பு எழுத்துக்கள் பொறிக்கப்பட்டிருக்கும்.

இந்த காரில் 4.6 இஞ்ச் திரை கொண்ட இன்போடெயின்மென்ட் சிஸ்டம் கொண்டிருக்கிறது. 14 வே எலக்ட்ரிக்கல் அட்ஜெஸ்டபிள் டிரைவர் இருக்கை உள்ளது. கிளைமேட் கன்ட்ரோல், பை-ஸினான் ஹெட்லைட்டுகள் கூடுதல் அம்சங்கள்.

இதில், ஆக்டிவ் சஸ்பென்ஷன் மேனெஜ்மென்ட் சிஸ்டம் கொண்டிருப்பதால் அதிர்வுகள் எளிதாக உள்வாங்கப்படும்.

5 ஸ்போக்குகள் கொண்ட 20 இஞ்ச் அலாய் வீல்களை கொண்டுள்ளது.