ஜனவரி முதல் பிஎம்டபிள்யூ கார்களின் விலை கணிசமாக உயருகிறது!

வரும் ஜனவரி 1 முதல் பிஎம்டபிள்யூ கார்களின் விலை கணிசமாக உயர்த்தப்படுகிறது.

விலை உயர்வுக்கான காரணத்தை பிஎம்டபிள்யூ தெரிவிக்கவில்லை. ஆனால், மூலப்பொருட்களின் விலை உயர்வே இந்த விலை உயர்வுக்கு காரணமாக இருக்கலாம் என தெரிகிறது.

ஜனவரி 1 முதல் பிஎம்டபிள்யூ மாடல்கள் மற்றும் மினி பிராண்டு கார்களின் விலை 5 சதவீதம் வரை உயர்த்தப்பட உள்ளதாக பிஎம்டபிள்யூ வெளியிட்டிருக்கும் செய்திக்குறிப்பில் தெரிவிக்கப்பட்டிருக்கிறது.

சொகுசு கார் நிறுவனத்தில் முதலாவதாக விலை உயர்வு அறிவிப்பை வெளியிட்டிருக்கிறது பிஎம்டபிள்யூ. இதனைத்தொடர்ந்து, பிற சொகுசு கார் தயாரிப்பு நிறுவனங்களும் விலை உயர்வு அறிவிப்பை வெளியிடும் என தெரிகிறது.