இந்தியாவின் பிரச்னைகள் குறைவான சிறந்த கார் மாடல்கள்!

சிறந்த கார்கள்

ஒவ்வொரு செக்மென்ட்டிலும் 100 கார்களில் ஏற்படும் சராசரி பிரச்னைகளில் குறைவான பிரச்னைகள் கொண்ட டாப் - 3 கார் மாடல்களை அடுத்தடுத்த ஸ்லைடுகளில் வழங்கியுள்ளோம்.

மாருதி ஆல்ட்டோ 800

ஆரம்ப நிலை ஹேட்ச்பேக் மார்க்கெட்டில் குறைவான பிரச்னைகள் கொண்ட மாடல் என்ற பெருமையுடன் மாருதி ஆல்ட்டோ 800 கார் முதலிடத்தை பெற்றிருக்கிறது. விற்பனையை போன்றே இந்த ஆய்விலும் முதலிடத்தை பெற்றிருப்பது வாடிக்கையாளர்களுக்கும், மாருதிக்கும் மகிழ்ச்சியான விஷயமே. 100 கார்களில் 97 பிரச்னைகள் இருப்பதாக ஜேடி பவர் ஏசியா நிறுவனம் வெளியிட்ட ஆய்வில் தெரிவிக்கப்பட்டுள்ளது. இந்த செக்மென்ட்டின் சராசரி பிரச்னைகள் 105 ஆக பதிவாகி இருக்கும் நிலையில், அதனைவிட குறைவான பிரச்னைகள் கொண்ட மாடல் ஆல்ட்டோ 800 என்று தெரிவிக்கப்பட்டுள்ளது.

டாடா நானோ

டாடா நானோ கார் இரண்டாவது இடத்தை பிடித்திருக்கிறது. 100 கார்களில் 114 பிரச்னைகள் இருப்பதாக தெரிவிக்கப்பட்டுள்ளது. இது இந்த செக்மென்ட்டின் சராசரியை விட கூடுதல் என்பது குறிப்பிடத்தக்கது.டிசைன், எஞ்சின் போன்றவை இந்த காருக்கு பின்னடைவாக இருக்கின்றன. அதிக மைலேஜ், வசதிகள் ப்ளஸ் பாயிண்ட்டுகளாக உள்ளன.

ஹூண்டாய் இயான்

இந்த செக்மென்ட்டில் குறைவான பிரச்னைகள் கொண்ட டாப்- 3 கார்களில் ஹூண்டாய் இயான் இடம்பெற்றிருக்கிறது. 100 கார்களில் 119 பிரச்னைகள் இருப்பதாக தெரிவிக்கப்பட்டுள்ளது.

ஹூண்டாய் ஐ10

காம்பேக்ட் கார் செக்மென்ட்டில் ஹூண்டாய் ஐ10 கார் குறைவான பிரச்னைகளுடன் முதலிடத்தை பெற்றிருக்கிறது. 100 கார்களில் சராசரியாக 84 பிரச்னைகள் இருப்பதாக ஆய்வு முடிவில் தெரிவிக்கப்பட்டுள்ளது.

மாருதி செலிரியோ

மாருதியின் புதிய கார் மாடலான செலிரியோ காம்பேக்ட் கார் செக்மென்ட்டில் இரண்டாவது இடத்தை பிடித்திருக்கிறது. 100 கார்களில் சராசரியாக 86 பிரச்னைகள் இருப்பதாக தெரிவிக்கப்பட்டிருக்கிறது.

ஹூண்டாய் சான்ட்ரோ

ஹூண்டாய் சான்ட்ரோ கார் மூன்றாவது இடத்தை பிடித்திருக்கிறது. 100 கார்களில் சராசரியாக 95 பிரச்னைகள் இருந்ததாக தெரிவிக்கப்பட்டிருக்கிறது.

ஹோண்டா பிரியோ

இந்த செக்மென்ட்டில் முதல் இடத்தை பிடித்தது மட்டுமின்றி, ஒட்டுமொத்த ஆய்வு முடிவில் மிக குறைவான பிரச்னைகள் கொண்ட மாடல் ஹோண்டா பிரியோதான். 100 கார்களில் சராசரியாக 40 பிரச்னைகள் மட்டுமே காண முடிந்ததாக ஜேடி பவர் ஏசியா நிறுவனத்தின் ஆய்வு முடிவு தெரிவிக்கிறது.

டொயோட்டா எட்டியோஸ் லிவா

டொயோட்டா எட்டியோஸ் லிவா கார் இரண்டாவது இடத்தை பிடித்திருக்கிறது. 100 கார்களில் 83 பிரச்னைகள் இருந்ததாக தெரிவிக்கப்பட்டுள்ளது.

செவர்லே பீட்

இந்த செக்மென்ட்டில் மூன்றாவது இடத்தை செவர்லே பீட் கார் பெற்றிருக்கிறது. 100 கார்களில் 90 பிரச்னைகள் இருந்ததாக தெரிவிக்கப்பட்டுள்ளது.

மாருதி ஸ்விஃப்ட்

பிரிமியம் காம்பேக் வகை கார்களில் மாருதி ஸ்விஃப்ட் முதலிடத்தை பெற்றிருக்கிறது. 100 கார்களில் 78 பிரச்னைகள் இருந்ததாக தெரிவிக்கப்பட்டுள்ளது. இந்த செக்மென்ட்டின் சராசரி 84 புள்ளிகளைவிட குறைவான பிரச்னைகள் கொண்ட மாடல் இது என்பதும் குறிப்பிடத்தக்கது.

ஃபோக்ஸ்வேகன் போலோ

பிரிமியம் காம்பேக்ட் வகை மாடல்களில் ஃபோக்ஸ்வேகன் போலோ கார் இரண்டாவது இடத்தை பெற்றிருக்கிறது. 100 கார்களில் 85 பிரச்னைகள் இருந்ததாக தெரிவிக்கப்பட்டுள்ளது.

ஹூண்டாய் ஐ20

பிரிமியம் ஹேட்ச்பேக் கார் செக்மென்ட்டில் ஹூண்டாய் ஐ20 கார் 102 பிரச்னைகளுடன் மூன்றாவது இடத்தை பிடித்திருக்கிறது. போட்டியாளர்களான மாருதி ஸ்விஃப்ட் மற்றும் ஃபோக்ஸ்வேகன் போலோ கார்களைவிட ஹூண்டாய் ஐ20 காரில் அதிக பிரச்னைகள் இருப்பதாக வாடிக்கையாளர்கள் கருத்துக்களின் அடிப்படையில் தெரியவந்துள்ளது.

ஆரம்பநிலை மிட்சைஸ் செக்மென்ட்

இந்த செக்மென்ட்டில் குறைவான பிரச்னைகள் கொண்ட கார் மாடலாக ஹூண்டாய் எக்ஸ்சென்ட் முதலிடத்தை பிடித்திருக்கிறது. இந்த செக்மென்ட்டின் சராசரி 96 புள்ளிகளாக இருக்கும் நிலையில், இந்த காரில் 86 பிரச்னைகள் இருப்பதாக தெரிவிக்கப்பட்டுள்ளது.

மாருதி டிசையர்

இந்தியாவின் அதிகம் விற்பனையாகும் கார் மாடல்களில் இரண்டாவது இடத்தில் இருக்கும் மாருதி டிசையருக்கு இந்த பட்டியலிலும் இரண்டாவது இடமே கிடைத்தது. 100 கார்களில் 88 பிரச்னைகள் இருந்ததாக ஆய்வு முடிவு தெரிவிக்கிறது.

டொயோட்டா எட்டியோஸ்

டொயோட்டா எட்டியோஸ் செடான் கார் மூன்றாவது இடத்தை பிடித்திருக்கிறது. 100 கார்களில் 100 பிரச்னைகள் இருப்பதாக ஆய்வில் தெரிவிக்கப்பட்டிருக்கிறது.

ஸ்கோட ரேபிட்

விற்பனையில் பின்தங்கி இருந்தாலும் ஸ்கோடா ரேபிட் மிக குறைவான பிரச்னைகள் கொண்ட கார் மாடலாக இருக்கிறது. ஒட்டுமொத்தமாக பார்க்கையில் ஹோண்டா பிரியோவுக்கு அடுத்ததாக குறைவான பிரச்னைகள் கொண்ட கார் மாடல் ஸ்கோடா ரேபிட் என்பது குறிப்பிடத்தக்கது.

ஃபோக்ஸ்வேகன் வென்ட்டோ

ஃபோக்ஸ்வேகன் வென்ட்டோ கார் இரண்டாவது இடத்தில் உள்ளது. 100 கார்களில் 68 பிரச்னைகள் இருந்ததாக தெரிவிக்கப்பட்டுள்ளது.

ஹோண்டா சிட்டி

கடந்த மாதம் மாருதி சியாஸ் காரை பின்னுக்குத் தள்ளி மீண்டும் முதலிடத்துக்கு வந்துவிட்ட ஹோண்டா சிட்டி இந்த செக்மென் கார்களில் குறைவான பிரச்னைகள் கொண்ட மூன்றாவது இடம் பிடித்த மாடலாக தெரிவிக்கப்பட்டுள்ளது. 100 கார்களில் 74 பிரச்னைகள் இருந்ததாக தெரிவிக்கப்பட்டுள்ளது. டாப் -3 மாடல்களில் ஹூண்டாய் வெர்னா இடம்பிடிக்க முடியவில்லை.

டெயோட்டோ இன்னோவா

இந்த செக்மென்ட்டில் குறைவான பிரச்னைகள் கொண்ட கார் மாடலாக டெயோட்டா இன்னோவா பெருமை பெற்றிருக்கிறது. 100 கார்களில் 64 பிரச்னைகள் இருந்ததாக தெரிவிக்கப்பட்டுள்ளது.

மாருதி எர்டிகா

இரண்டாவது இடத்தை மாருதி எர்டிகா பெற்றிருக்கிறது. 100 கார்களில் 86 பிரச்னைகள் இருந்ததாக தெரிவிக்கப்படுகிறது.

செவர்லே என்ஜாய்

செவர்லே என்ஜாய் மூன்றாவது இடத்தை பிடித்திருக்கிறது. 100 கார்களில் 102 பிரச்னைகள் இருந்ததாக தெரிவிக்கப்பட்டுள்ளது.

எஸ்யூவி வகை

ஃபோர்டு ஈக்கோஸ்போர்ட் முதலிடத்தை பிடித்திருக்கிறது. 100 கார்களில் சராசரியாக 92 பிரச்னைகள் இருந்ததாக ஜேடி பவர் ஆய்வு முடிவு தெரிவிக்கிறது.

ரெனோ டஸ்ட்டர்

இரண்டாவது இடத்தை ரெனோ டஸ்ட்டர் பிடித்திருக்கிறது. 100 கார்களில் 106 பிரச்னைகள் இருந்ததாக தெரிவிக்கப்பட்டுள்ளது.

நிசான் டெரானோ

இந்த செக்மென்ட்டில் நிசான் டெரானோ மூன்றாவது இடத்தை பிடித்திருக்கிறது. 100 டெரானோ எஸ்யூவிகளில் 107 பிரச்னைகள் இருந்ததாக தெரிவிக்கப்பட்டுள்ளது. இந்த செக்மென்ட்டில் மஹிந்திர மாடல்கள் இடம்பிடிக்கவில்லை என்பது குறிப்பிடத்தக்கது.

கார் நிறுவனங்கள்

இந்த ஆய்வில் ஹோண்டா பிரியோவும், ஸ்கோடா ரேபிட் காரும் மிகக் குறைவான பிரச்னைகள் கொண்ட மாடலாக தெரிவிக்கப்பட்டுள்ளது. இதேபோன்று, மாருதி மற்றும் டொயோட்டா கார் நிறுவனங்களின் குறிப்பிட்ட மாடல்கள் ஆரம்ப நிலை தர விஷயத்தில் சிறப்பாக இருப்பதாகவும் தெரியவந்துள்ளது.