ஹோண்டா அமேஸ் காரின் 'ஆனிவர்சரி எடிசன்' மாடல் அறிமுகம்

By Saravana

Published: Wednesday, April 16, 2014, 3:14 [IST]

ஹோண்டா அமேஸ் கார் விற்பனைக்கு கொண்டு வரப்பட்டு ஓர் ஆண்டு நிறைவடைந்ததை கொண்டாடும் விதத்தில் ஸ்பெஷல் எடிசன் மாடல் விற்பனைக்கு கொண்டு வரப்பட்டுள்ளது.

கடந்த ஆண்டு ஏப்ரல் மாதத்தில் 4 மீட்டருக்கும் குறைவான நீளம் கொண்ட செடான் காராக அமேஸ் வந்தது. மாருதி டிசையருக்கு நேரடி போட்டியாக டீசல் மாடலிலும் வந்ததால், வாடிக்கையாளர்களிடம் பெரும் வரவேற்பை பெற்றது.

மேலும், சிட்டி, ஜாஸ், சிவிக் போன்ற கார்களை வைத்து காலந்தள்ள முடியாத நிலைக்கு தள்ளப்பட்ட ஹோண்டாவுக்கு ஒரே ஆளாக நின்று அமேஸ் விற்பனையில் தோள் கொடுத்து தூக்கி நிறுத்தியது. இந்த நிலையில், அமேஸ் வந்து ஓர் ஆண்டு நிறைவடைவதை கொண்டாடும் விதமாக வந்துள்ள புதிய ஸ்பெஷல் எடிசன் மாடலின் சிறப்பம்சங்களை ஸ்லைடரில் காணலாம்.

விற்பனை

கடந்த 12 மாதங்களில் மட்டும் 80,000 அமேஸ் கார்களை ஹோண்டா விற்பனை செய்துள்ளது. இதனை கொண்டாடும் விதத்தில் கூடுதல் ஆக்சஸெரீஸ்கள் கொண்டதாக புதிய ஸ்பெஷல் எடிசன் மாடல் வெளியிடப்பட்டுள்ளது.