புதிய ஹோண்டா சிட்டி ஹைபிரிட் மாடலின் மைலேஜ் எவ்வளவு தெரியுமா?

எஞ்சின்

1.5 லிட்டர் ஐ- விடெக் பெட்ரோல் எஞ்சின் மற்றும் 7 ஸ்பீடு டியூவல் கிளட்ச் டிரான்ஸ்மிஷனுடன், அதில், எலக்ட்ரிக் மோட்டாரும் இணைந்து செயல்படும் வகையில் வடிவமைக்கப்பட்டிருக்கிறது. இது 30 சதவீதம் கூடுதல் எரிபொருள் சிக்கனத்தை வழங்கும்.

மைலேஜ்

புதிய ஹோண்டா சிட்டி ஹைபிரிட் மாடல் கணக்கீடுகளின்படி, லிட்டருக்கு 34.4 கிமீ மைலேஜ் தரும் என்று தெரிவிக்கப்பட்டிருக்கிறது. சாதாரண பெட்ரோல் மாடல் லிட்டருக்கு 17.8 கிமீ மைலேஜ் தரும் நிலையில், ஹைபிரிட் மாடல் அதனைவிட இருமடங்கு கூடுதல் எரிபொருள் சிக்கனம் கொண்டதாக தெரிவிக்கப்பட்டிருக்கிறது. இந்த ஹைபிரிட் சிஸ்டம் கொண்ட மாடல் 4 வீல் டிரைவ் சிஸ்டத்துடன் வந்திருக்கிறது.

இன்டிரியர்

இன்டிரியரில் அதிக மாற்றங்கள் இல்லை. கியர் செலக்டார் மற்றும் இன்ஸ்ட்ரூமென்ட் கிளஸ்ட்டரில் பேட்டரி சார்ஜ் லெவலை காண்பிக்கும் வசதி கொடுக்கப்பட்டிருக்கிறது.

கூடுதல் பாதுகாப்பு

வெகிக்கிள் ஸ்டெபிளிட்டி அசிஸ்ட், ஹில் ஸ்டார்ட் அசிஸ்ட், கர்டெயின் ஏர்பேக்குகள் நிரந்தர பாதுகாப்பு வசதிகளாக வழங்கப்படுகின்றன.

விலை

இந்திய மதிப்பில் ரூ.10.14 லட்சம் விலையில் ஜப்பானில் விற்பனைக்கு அறிமுகம் செய்யப்பட்டிருக்கிறது. இந்தியாவில் ஹைபிரிட் மாடல்களுக்கு அதிக வரவேற்பு இல்லை. எனவே, விரைவில் இந்த புதிய மாடல் விற்பனைக்கு வந்துவிடும் என்று கூற இயலாது.