ஜனவரியில் இந்தியாவை மையம் கொள்ள வரும் ஹூண்டாய் 'கவர்ச்சிப் புயல்'!

ரொம்ப தாமதம்

ஹூண்டாய் மோட்டார்ஸ் தாயகமான தென்கொரியாவில் எலன்ட்ரா ஃபேஸ்லிஃப்ட் மாடல் விற்பனைக்கு கொண்டு வரப்பட்டு கிட்டத்தட்ட ஓர் ஆண்டை நெருங்கிவிட்டது. அங்கு அவேன்டே என்ற பெயரில் விற்பனையில் இருக்கிறது. தாய்லாந்து மார்க்கெட்டிலும் சமீபத்தில் வந்துவிட்டதால், அடுத்தது இந்தியாதான் என்பது ஆட்டோமொபைல் உலகின் எழுதப்படாத விதியாக உள்ளது. எலன்ட்ரா ஃபேஸ்லிஃப்ட் மாடலில் என்னென்ன மாற்றங்கள் இருக்கிறது என்பதை அடுத்த ஸ்லைடுகளில் காணலாம்.

கூடுதல் நீளம்

புதிய எலன்ட்ரா காரின் நீளம் கூடியிருக்கிறது. முன்பக்க பம்பரின் நீளம் 5 மிமீ, பின்பக்க பம்பரின் நீளம் 15 மிமீ கூடியிருப்பதால் காரின் மொத்த நீளம் 4,550 மிமீ ஆக அதிகரித்துள்ளது.

முகப்பு

முன்பக்க கிரில், பம்பர் மற்றும் சிறிய அளவில் மாற்றம் கண்டிருக்கிறது. புரொஜெக்டர் ஹெட்லைட்டுடன், எல்இடி பகல் நேர ரன்னிங் விளக்குகள் கூடுதலாக சேர்க்கப்பட்டிருப்பது எலன்ட்ராவின் கவர்ச்சியை கூட்டுகிறது. புதிய 17 இஞ்ச் அலாய் வீல்களும் தோற்றத்தின் பொலிவுக்கு புது பலம் சேர்க்கிறது.

கூடுதல் வசதிகள்

பல நவீன வசதிகள் கொண்ட எலன்ட்ரா காரில் கூடுதலாக வென்டிலேட்டட் இருக்கைகள், 3.5 இஞ்ச் ஓஎல்இடி டிஸ்ப்ளே கொண்ட ஸ்மார்ட் பார்க்கிங் அசிஸ்ட் சிஸ்டம் ஆகியவை சேர்க்கப்பட்டுள்ளன.

இன்டிரியர்

உட்புறத்தில் சென்டர் கன்சோலிருந்து ஏசி வென்ட்டுகள் இன்னும் மேலே ஏறியிருக்கின்றன. பின்புற பயணிகளுக்கு ரியர் ஏசி வென்ட்டுகளும் புதிய மாடலில் கொடுக்கப்பட்டிருக்கிறது. 3.5 இஞ்ச் ஓஎல்இடி திரை கொடுக்கப்பட்டிருக்கிறது.

எஞ்சின் ஆப்ஷன்

தென் கொரியாவில் மேம்படுத்தப்பட்ட அவென்ட்டே காரில் புதிய 1.6 லிட்டர் டீசல் எஞ்சின் பொருத்தப்பட்டுள்ளது. இந்த டீசல் எஞ்சின் 126 எச்பி ஆற்றலை வெளிப்படுத்தும் திறன் கொண்டதாக இருக்கும். ஆனால், இந்தியாவில் தற்போது இருக்கும் அதே எஞ்சின் ஆப்ஷன்கள் கொடுக்கப்படும்.

ஜனவரியில் ரிலீஸ்

அடுத்த மாதம் இந்த புதிய மாடல் வர இருப்பதை டீலர் வட்டாரமும் உறுதி செய்துள்ளது. புதுப்பொலிவுடன் வரும் எலன்ட்ரா கார் விலையிலும் சற்று கூடுதலாக நிர்ணயிக்கப்படும் என்று தெரிகிறது.