ஆடி ஏ3 கேப்ரியோ சொகுசு காரின் 8 சீட்டர் மாடல் வெளியீடு!

ஆடி ஏ3 XXL

இரண்டாம் தலைமுறை ஆடி ஏ3 காரின் திறந்த நிலை மாடலின் அடிப்படையிலான 8 சீட்டர் காராக மாற்றியிருக்கின்றனர். ஆடி ஏ3 கேப்ரியோ காரில் கூடுதலாக இரண்டு வரிசை சேர்க்கப்பட்டிருக்கிறது. இதனால், இந்த காரின் சேஸீயின் உறுதித்தன்மை எந்தளவு இருக்கும் என்ற சந்தேகம் எழுப்பப்பட்டிருக்கிறது.

அனுமதி இல்லை

சாலையில் இயக்குவதற்கான அனுமதி இல்லை என்று ஆடி கார் நிறுவனம் தெரிவித்துள்ளது. எனவே, இது காட்சிக்கு மட்டுமே பயன்படுத்த முடியும்.

கதவுகள்

சாதாரண 2 கதவுகள் கொண்ட மாடலில் கூடுதலாக 4 கதவுகள் சேர்க்கப்பட்டு மொத்தம் 6 கதவுகள் கொண்ட ஆடி ஏ3 மாடலாக மாற்றப்பட்டிருக்கிறது.

நோக்கம்

இந்த காரை உற்பத்திக்கு கொண்டு செல்லும் நோக்கம் இல்லை என்றும், ஆடி ஏ3 கேப்ரியோ மாடலை பிரபலப்படுத்தும் நோக்கத்திலேயே, இந்த காரை தயாரித்துள்ளதாக ஆடி கூறியிருக்கிறது.

பயிற்சி மாணவர்கள்

ஆடி கார் நிறுவனத்தில் பயிற்சி பெற்று வரும் மாணவர்கள், இந்த காரை உருவாக்கியிருக்கலாம் என்று கருதப்படுகிறது. அதுகுறித்த தகவல் இல்லை.