மிக நீளமான மெர்சிடிஸ் பென்ஸ் சொகுசு பஸ் அறிமுகம்... கேபிஎன் டிராவல்ஸுக்கு முதல் பஸ்!

பெயர்

மெர்சிடிஸ் பென்ஸ் மல்டி ஆக்ஸில் சூப்பர் ஹை-டெக் எஸ்எச்டி 2436 என்ற பெயரில் இந்த புதிய சொகுசு பஸ் மாடல் அறிமுகம் செய்யப்பட்டிருக்கிறது.

மிக நீளமான பஸ்

இந்தியாவில் தயாரிக்கப்படும் மிக நீளமான பஸ் மாடலாக குறிப்பிடப்படும் இந்த பஸ் 15 மீட்டர் நீளம் கொண்டது. மேலும், இதன் ரகத்தில் மிக இலகு எடை கொண்டதாக தெரிவிக்கப்படுகிறது.

இருக்கை வசதி

இந்த மல்டி ஆக்ஸில் பஸ்சில் 61 பேர் பயணிக்க முடியும். இந்த ஹை-டெக் பஸ்சில் 14 கியூபிக் மீட்டர் கொள்ளளவுக்கு பொருட்களை வைப்பதற்கான இடவசதி உள்ளது.

ரியர் ஆக்ஸில்

மிக நீளமான இந்த பஸ்சை எளிதாக திருப்பும் வகையில், பின்புறத்தில் ஸ்டீயரிங் சிஸ்டத்துடன் தொடர்புடைய ஆக்ஸில் சிஸ்டம் கொடுக்கப்பட்டிருக்கிறது. முன்சக்கரத்திற்கு எதிர்புறத்தில் இந்த சக்கரங்கள் திரும்பும் என்பதால், பஸ்சை மிக எளிதாக திருப்ப முடியும்.

பாதுகாப்பு

இலகு எடையும் மிக உறுதியான சேஸியில் கட்டமைக்கப்பட்டிருக்கிறது. இதன் டீசல் டேங்க் மிகவும் பாதுகாப்பான இடத்தில் பொருத்தப்பட்டிருப்பதாக தெரிவிக்கப்பட்டிருக்கிறது. நவீன பிரேக்கிங் சிஸ்டமும் ஒவ்வொரு பயணத்தையும் பாதுகாப்பாக மாற்றும் என்று டெய்ம்லர் தெரிவித்துள்ளது.

சென்னையில் உற்பத்தி

சென்னை, ஒரகடத்திலுள்ள டெய்ம்லர் இந்தியா வர்த்தக வாகன தயாரிப்பு ஆலையில்தான் பின்புற எஞ்சின் அமைப்புடைய இந்த புதிய சொகுசு பஸ் மாடல் உற்பத்தி செய்யப்படுகிறது.

டீலர்கள்

நாடு முழுவதும் உள்ள 80 பாரத்பென்ஸ் டீலர்ஷிப்புகள் வழியாக இந்த புதிய சொகுசு பஸ் மாடல் விற்பனைக்கு கிடைக்கும். அத்துடன், 24 மணிநேர அவசர உதவி சேவையும் சொகுசு பஸ் அதிபர்களை கவரும்.

கேபிஎன் டிராவல்ஸ்

தென் இந்தியாவின் மிகப்பெரிய பஸ் நிறுவனங்களில் ஒன்றாக விளங்கும் சேலத்தை தலைமையிடமாக கொண்டு இயங்கும் கேபிஎன் நிறுவனம் 330 பஸ்களை இயக்கி வருவது குறிப்பிடத்தக்கது.