ஃபோர்டு ஃபியஸ்ட்டா காரின் விலை அதிரடி உயர்வு!

ஃபோர்டு ஃபியஸ்ட்டா செடான் காரின் விலை அதிரடியாக உயர்த்தப்பட்டுள்ளது.

மிட்சைஸ் செடான் மார்க்கெட்டில் குறைவான விலையில் விற்பனை செய்யப்படும் டீசல் மாடலாக ஃபோர்டு ஃபியஸ்ட்டா இருந்து வந்தது. ஆனாலும், விற்பனையில் சொல்லிக்கொள்ளும்படியான எண்ணிக்கை இல்லை.

இந்த நிலையில், உற்பத்தி வரிச்சலுகை ரத்து, உற்பத்தி செலவீனம் ஆகியவற்றை மனதில் கொண்டு ஃபியஸ்ட்டா காரின் விலை அதிரடியாக உயர்த்தப்பட்டுள்ளது.

ரூ.7.69 லட்சம் முதல் ரூ.9.29 லட்சம் வரையிலான டெல்லி எக்ஸ்ஷோரூம் விலையில் இதுவரை விற்பனை செய்யப்பட்டு வந்தது. இந்த நிலையில், ஃபோர்டு ஃபியஸ்ட்டா காரின் பேஸ் மாடல் ரூ.8.50 லட்சம் டெல்லி எக்ஸ்ஷோரூம் விலையிலிருந்து துவங்குகிறது.

மிட் வேரியண்ட் ரூ.9.39 லட்சம் விலையிலும், டாப் மாடல் ரூ.10.18 லட்சம் டெல்லி எக்ஸ்ஷோரூம் விலையிலும் இனி விற்பனை செய்யப்படும் என்று தெரிவிக்கப்பட்டுள்ளது.