ஹோண்டா கார்களின் விலை ரூ.60,000 வரை உயர்வு - விபரம்!

ஹோண்டா பிரியோ

பிரியோ காரின் விலை வேரியண்ட்டுக்கு தகுந்தவாறு ரூ.15,000 முதல் ரூ.18,000 வரை அதிகரிக்கப்பட்டிருக்கிறது. இதையடுத்து, ரூ.4.21 லட்சம் முதல் ரூ.6.30 லட்சம் வரையிலான விலையில் பிரியோ கார் இனி விற்பனை செய்யப்படும்.

ஹோண்டா பிரியோ காரின் சிறப்பம்சங்கள் விபரம்

ஹோண்டா அமேஸ்

ஹோண்டா அமேஸ் காரின் பெட்ரோல் மாடலின் விலை ரூ.19,000 முதல் ரூ.23,000 வரையிலும், டீசல் மாடலின் விலை ரூ.23,000 முதல் ரூ.26,000 வரையிலும் அதிகரிக்கப்பட்டிருக்கிறது. இதையடுத்து, இனி அமேஸ் கார் ரூ.5.18 லட்சம் முதல் ரூ.7.78 லட்சம் வரையிலான எக்ஸ்ஷோரூம் விலையில் கிடைக்கும்.

ஹோண்டா அமேஸ் காரின் சிறப்பம்சங்கள் விபரம்

ஹோண்டா சிட்டி

ஹோண்டாவின் வெற்றிகரமான மிட்சைஸ் செடான் காரான சிட்டி காரின் விலை ரூ.48,000 வரை உயர்த்தப்பட்டுள்ளது. பெட்ரோல் மாடலின் விலை ரூ.33,000 முதல் ரூ.46,000 வரையிலும், டீசல் மாடலின் விலை ரூ.37,000 முதல் ரூ.48,000 வரையிலும் அதிகரிக்கப்பட்டுள்ளது. இதன்மூலம், ஹோண்டா சிட்டி கார் இனி ரூ.7.53 லட்சம் முதல் ரூ.11.53 லட்சம் வரையிலான விலையில் விற்பனை செய்யப்படும்.

ஹோண்டா சிட்டி காரின் சிறப்பம்சங்கள் விபரம்

ஹோண்டா சிஆர்வி

இதேபோன்று, சிஆர்வி எஸ்யூவியின் விலை ரூ.60,000 வரை உயர்த்தப்பட்டுள்ளது. இனி சிஆர்வி எஸ்யூவி ரூ.20.85 லட்சம் முதல் ரூ.24.96 லட்சம் வரையிலான எக்ஸ்ஷோரூம் விலையில் கிடைக்கும்.

ஹோண்டா சிஆர்வி எஸ்யூவியின் சிறப்பம்சங்கள் விபரம்

ஹோண்டா மொபிலியோ

மொபிலியோ எம்பிவி காரின் விலை உயர்வு குறித்து தற்போது அறிவிக்கப்படவில்லை. ஆனால், விலையை உயர்த்துவது குறித்து பரிசீலித்து வருவதாக ஹோண்டா கார் நிறுவனம் தெரிவித்துள்ளது. ஹோண்டா கார்களின் விலை உயர்வு வாடிக்கையாளர்களுக்கு கூடுதல் சுமையை ஏற்படுத்தும்.

மொபிலியோ எம்பிவி காரின் சிறப்பம்சங்கள் விபரம்