ஹோண்டா பிஆர்-வி காம்பேக்ட் எஸ்யூவி இந்தோனேஷியாவில் அறிமுகம்... விரைவில் இந்தியாவில்...!!

இந்தோனேஷியாவில் அறிமுகம்;

முன்னதாக, ஹோண்டா பிஆர்-வி காம்பேக்ட் எஸ்யூவி, 2015 இந்தோனேஷிய மோட்டார் ஷோவில் கான்செப்ட் காராக காட்சிபடுத்தபட்டது.

ப்ரி-புக்கிங்;

ப்ரி-புக்கிங் எனப்படும் அறிமுகத்திற்கு முந்தைய புக்கிங்குகள், ஏற்று கொள்ளபட்டு வந்தது. இந்த ஹோண்டா பிஆர்-வி காம்பேக்ட் எஸ்யூவி காருக்கு 4,000-ற்கும் கூடுதலான புக்கிங்கள் ஏற்று கொள்ளபட்டது.

இஞ்ஜின்;

இந்தோனேஷியாவில் அறிமுகம் செய்யபட்டுள்ள ஹோண்டா பிஆர்-வி கார், சிங்கில் 1.5-லிட்டர் ஐவிடெக், பெட்ரோல் இஞ்ஜின் கொண்டுள்ளது. இதன் இஞ்ஜின் 6-ஸ்பீட் மேனுவல் அல்லது தேர்வு முறையிலான சிவிடி கியர்பாக்ஸுடன் இணைக்கபட்டுள்ளது. இந்த இஞ்ஜின் 118.31 பிஹெச்பி-யையும், 145 என்எம் டார்க்கையும் வெளிபடுத்தும் திறன் கொண்டுள்ளது.

இந்தியாவிற்கான இஞ்ஜின் தேர்வு;

ஹோண்டா நிறுவனம், இந்தியாவை பொருத்த வரை, 1.5-லிட்டர், ஐடிடெக் டீசல் இஞ்ஜினுடன் கூடிய ஹோண்டா பிஆர்-வி கார்களை அறிமுகம் செய்ய உள்ளனர்.

போட்டி கார்கள்;

இந்த புதிய ஹோண்டா பிஆர்-வி, இந்திய சந்தையில் ஃபோர்டு ஈக்கோஸ்போர்ட், ஹூண்டாய் க்ரெட்டா, மாருதி சுஸுகி எஸ் க்ராஸ் மற்றும் ரெனோ டஸ்ட்டர் உள்ளிட்ட கார்களுடன் போட்டி போட வேண்டியதாக இருக்கும்.

7 சீட்டர்;

போட்டி காம்பேக்ட் எஸ்யூவி மாடல்கள் அனைத்தும் 5 சீட்டராக இருக்கும் நிலையில், இந்த கார் 7 சீட்டர் காம்பேக்ட் எஸ்யூவியாக வர இருப்பது குறிப்பிடத்தக்கது.

இந்தோனேஷிய விலை விவரங்கள்;

ஹோண்டா பிஆர்-வி எஸ் மேனுவல் டிரான்ஸ்மிஷன் - 22,65,00,000 இந்தோனேஷிய ருபையா (இந்திய மதிப்பில் சுமார் 10.93 லட்சம் ரூபாய்)

ஹோண்டா பிஆர்-வி ஈ மேனுவல் டிரான்ஸ்மிஷன் - 23,65,00,000 இந்தோனேஷிய ருபையா (இந்திய மதிப்பில் சுமார் 11.42 லட்சம் ரூபாய்)

ஹோண்டா பிஆர்-வி ஈ சிவிடி - 24,65,00,000 இந்தோனேஷிய ருபையா (இந்திய மதிப்பில் சுமார் 11.90 லட்சம் ரூபாய்)

ஹோண்டா பிஆர்-வி ஈ பிரெஸ்டீஜ் சிவிடி - 26,15,00,000 இந்தோனேஷிய ருபையா (இந்திய மதிப்பில் சுமார் 12.63 லட்சம் ரூபாய்)

இந்திய விலை விவரம்;

ஹோண்டா பிஆர்-வி காம்பேக்ட் எஸ்யூவி காரின் பேஸ் வேரியண்ட் இந்தியாவில் 8 லட்சம் ரூபாயில் விற்கபடலாம்.

டாப்-எண்ட் வேரியண்ட் எனப்படும் உயர் ரக கார்கள், இந்தியாவில் சுமார் 12 லட்சம் ரூபாயில் விற்கபடலாம் என எதிர்பார்க்கபடுகிறது.