அடுத்து ஒரு கட்டுமஸ்தான எஸ்யூவியை களமிறக்கும் இசுஸு!

இறக்குமதி

சோதனை மற்றும் ஆராய்ச்சி பணிகளுக்காக ஏற்கனவே இசுஸு எம்யூ- எக்ஸ் எஸ்யூவி இந்தியாவில் இறக்குமதி செய்யப்பட்டுள்ளது.

எந்த ரகம்?

டொயோட்டா ஃபார்ச்சூனர், ஃபோர்டு எண்டெவர் எஸ்யூவிகளுக்கு போட்டியாக அதே செக்மென்ட்டில் இந்த புதிய எஸ்யூவி மாடல் நிலைநிறுத்தப்படும்.

எஞ்சின்

இசுஸு எம்யூ- எக்ஸ் எஸ்யூவியில் 134 பிஎச்பி பவரையும், 320 என்எம் டார்க்கையும் வழங்கும் 2.5 லிட்டர் டீசல் எஞ்சின் பொருத்தப்பட்டிருக்கிறது. 5 ஸ்பீடு மேனுவல் கியர்பாக்ஸ் கொண்டதாக வருகிறது. இப்போது ஆட்டோமேட்டிக் கியர்பாக்ஸ் ஆப்ஷன் இல்லை.

எப்போது அறிமுகம்?

அடுத்த ஆண்டு நடைபெற இருக்கும் டெல்லி சர்வதேச வாகன கண்காட்சியில் இந்த புதிய இசுஸு எம்யூ எக்ஸ் எஸ்யூவி அறிமுகம் செய்யப்படும் என்று எதிர்பார்க்கப்படுகிறது. அதற்குள், சோதனைகளை முடிக்க இசுஸு திட்டமிட்டுள்ளது.

எதிர்பார்க்கும் விலை?

ரூ.20 லட்சத்திற்கும் குறைவான விலையில் இந்த புதிய எஸ்யூவி மாடல் விற்பனைக்கு அறிமுகம் செய்யப்படும் என்று எதிர்பார்க்கப்படுகிறது.