ஜப்பானில், அமேஸான் தளத்தில் பிஎம்டபிள்யூ ஐ8 கார் விற்பனை... ப்ரீ ஷிப்பிங்!

விலை

ஜப்பானில் 2 கோடி யென் விலையில் அமேஸானில் விற்பனைக்கு கிடைக்கிறது. மேலும், பதிவு உள்ளிட்டவைகளுக்கான ஆவணச் செலவாக 1.61 லட்சம் அமெரிக்க டாலர் கூடுதலாக கொடுக்க வேண்டியிருக்கும். மொத்தமாக 1.68 லட்சம் அமெரிக்க டாலர் மதிப்புக்கு கிடைக்கிறது.

விலை அதிகம்

இலவசமாக டெலிவிரி கொடுக்கப்படும் என்று விளம்பரம் செய்யப்பட்டிருந்தாலும், அமெரிக்காவை விட விலையில் 30,000 டாலர் வரை கூடுதலாக இருப்பதாக தெரிவிக்கப்படுகிறது. ஆனால், யென் மதிப்புக்கும், டாலர் மதிப்புக்கும் உள்ள வித்தியாசமே இதற்கு காரணம் என்று தெரிவிக்கப்படுகிறது.

ஹைபிரிட் மாடல்

இந்த காரில் இருக்கும் எலக்ட்ரிக் மோட்டார் அதிகபட்சமாக 131 எச்பி பவரையும், 250 என்எம் டார்க்கையும் வழங்கும். அதேபோன்று, 231 எச்பி பவரையும், 320 என்எம் டார்க்கையும் வழங்கும் 1.5 லிட்டர் டர்போசார்ஜ்டு பெட்ரோல் எஞ்சின் உள்ளது. இரண்டும் சேர்த்து 362 எச்பி பவரையும், 570 என்எம் டார்க்கையும் வழங்கும்.

செயல்திறன்

மணிக்கு 250 கிமீ வேகத்தில் செல்லும் இந்த கார் 0 - 100 கிமீ வேகத்தை வெறும் 4.4 வினாடிகளில் தொட்டுவிடும். 6 ஸ்பீடு ஆட்டோமேட்டிக் கியர்பாக்ஸ் கொண்டது.

நல்ல வாய்ப்பு

பலர் இந்த காரை வாங்குவதற்கு டீலர்களில் முன்பதிவு காத்துக் கிடக்கும் நிலையில், இருந்த இடத்திலிருந்தே எளிதாக முன்பதிவு செய்து வாங்கும் வாய்ப்பை பிஎம்டபிள்யூ ஜப்பானிய பிரிவு வழங்கியிருப்பதை பலரும் வரவேற்றிருக்கின்றனர்.