அட்ராசக்கை... லேண்ட்ரோவர் டிஸ்கவரி ஸ்போர்ட்டுக்கு அமோக வரவேற்பு!

ஃப்ரீலேண்டர்-2 எஸ்யூவிக்கு மாற்று

தற்போது இந்தியாவில் விற்பனையில் இருந்து வரும் லேண்ட்ரோவர் ஃப்ரீலேண்ட்ர்-2 எஸ்யூவி மாடலுக்கு மாற்றாக இந்த புதிய லேண்ட்ரோவர் டிஸ்கவரி ஸ்போர்ட் எஸ்யூவி விற்பனைக்கு கொண்டு வரப்பட உள்ளது.

எஞ்சின்

சர்வதேச அளவில் பெட்ரோல், டீசல் மாடல்களில் கிடைக்கிறது. ஃபோர்டு நிறுவனத்திடமிருந்து பெறப்படும் 2.0 லிட்டர் ஈக்கோபூஸ்ட் பெட்ரோல் எஞ்சின் மற்றும் 2.2 லிட்டர் டீசல் எஞ்சின் ஆப்ஷன்களில் வருகிறது. 9 ஸ்பீடு ஆட்டோமேட்டிக் டிரான்ஸ்மிஷன் கொண்டதாக இருக்கும். மேலும், 2 வீல் டிரைவ் மற்றும் 4 வீல் டிரைவ் ஆப்ஷனிலும் கிடைக்கிறது.

தரமான இன்டிரியர்

இன்டிரியர் முழுவதும் தரமிக்க பிளாஸ்டிக் பாகங்கள், டிரைவர் எளிதாக இயக்கும் வகையிலான சென்ட்ரல் கன்சோல் சுவிட்சுகள், பெரிய ஸ்டீயரிங் வீல் போன்றவை குறிப்பிட்டு கூறலாம். பிரிமியம் லெதர் ஃபினிஷிங் கொண்டிருக்கும்.

இருக்கை வசதி

இது 7 சீட்டர் மாடலாக வருகிறது. 5 பெரியவர்கள், 2 சிறியவர்கள் தாராளமாக அமர்ந்து பயணிக்கலாம்.

பாதுகாப்பு வசதிகள்

பாதசாரிகளை காப்பதற்கான ஏர்பேக், ஆட்டோமேட்டிக் எமர்ஜென்ஸி பிரேக் சிஸ்டம், அனைத்து சாலைநிலைகளையும் எதிர்கொள்வதற்கான டெர்ரெய்ன் ரெஸ்பான்ஸ் தொழில்நுட்பம், 600மிமீ ஆழம் வரை தண்ணீரில் செல்லும் வகையிலான பாதுகாப்பு அம்சங்களை கொண்டுள்ளது.

எதிர்பார்க்கும் விலை

ரூ.45 லட்சம் முதல் ரூ.60 லட்சத்திற்கு இடையிலான விலையில் நிலைநிறுத்தப்படும் என எதிர்பார்க்கப்படுகிறது.