மஹிந்திரா ஸ்கார்ப்பியோவின் ஆட்டோமேட்டிக் மாடல் விற்பனைக்கு வந்தது!

இரு மாடல்கள்

ஸ்கார்ப்பியோவின் ஆட்டோமேட்டிக் மாடல் 2 வீல் டிரைவ் சிஸ்டம் மற்றும் 4 டிரைவ் சிஸ்டம் கொண்ட மாடல்களில் கிடைக்கும்.

இருக்கை வசதி

ஸ்கார்ப்பியோ ஆட்டோமேட்டிக் மாடல் 7 பேர் மற்றும் 8 பேர் அமர்ந்து செல்வதற்கான இருக்கை அமைப்புடன் கிடைக்கும்.

எஞ்சின்

புதிய மஹிந்திரா ஸ்கார்ப்பியோ ஆட்டோமேட்டிக் கியர்பாக்ஸ் மாடலில் 2.2 லிட்டர் எம்ஹாக் டர்போ எஞ்சின் பொருத்தப்பட்டிருக்கிறது. அதிகபட்சமாக 120 எச்பி பவரையும், 280என்எம் டார்க்கையும் வழங்கும். 6 ஸ்பீடு கியர்பாக்ஸ் கொண்டுள்ளது.

சிறப்பம்சங்கள்

புரொஜெக்டர் ஹெட்லைட்டுகள், புருவங்கள் வடிவிலான எல்இடி பகல்நேர விளக்குகள், ஆட்டோமேட்டிக் க்ளைமேட் கன்ட்ரோல், 6 இன்ச் டச்ஸ்கிரீன் இன்ஃபோடெயின்மென்ட் சிஸ்டம், டியூவல் ஏர்பேக்ஸ், புதிய 17 இன்ச் அலாய் வீல்கள் போன்ற சிறப்பம்சங்களை நிரந்தரமாக கொண்டுள்ளது.

விலை விபரம்

• 2 வீல் டிரைவ் மாடல்: ரூ.13,13,701 டெல்லி எக்ஸ்ஷோரூம் விலை
• 4 வீல் டிரைவ் மாடல்: ரூ.14,32,976 டெல்லி எக்ஸ்ஷோரூம் விலை