ரெனோ லாட்ஜி எம்பிவி காரின் ஸ்டெப்வே மாடல் விபரம்!

இருக்கை வசதி

இந்த புதிய ஸ்டெப்வே மாடல் 7 இருக்கைகள் மற்றும் 8 இருக்கைகள் கொண்ட மாடலில் கிடைக்கும். ஆர்எக்ஸ்இசட் டாப் வேரியண்ட்டின் வசதிகள்தான் இந்த வேரியண்ட்டிலும் இடம்பெற்றிருக்கும்.

வெளிப்புற மாற்றங்கள்

ஸ்டெப்வே மாடலில் வெளிப்புறத்தில்தான் மாற்றங்கள் செய்யப்பட்டிருக்கின்றன. சாதாரண மாடலைவிட புதிய க்ரில் அமைப்பு, பிளாஸ்டிக் கிளாடிங்குகள், ஸ்கிட் பிளேட் போன்றவை கூடுதலாக சேர்க்கப்பட்டிருக்கின்றன. அலாய் வீல் டிசைன் ஒன்றாக இருந்தாலும், கன் மெட்டல் வண்ணம் கொடுக்கப்பட்டுள்ளது.

எஞ்சின்

110 பிஎஸ் மாடலில் மட்டுமே கிடைக்கும். இந்த மாடலில் இருக்கும் 1.5 கே9கே டீசல் எஞ்சின் 108 பிஎச்பி பவரையும், 245 என்எம் டார்க்கையும் வழங்கும். 6 ஸ்பீடு மேனுவல் கியர்பாக்ஸ் உள்ளது.

மைலேஜ்

ரெனோ லாட்ஜி ஸ்டெப்வே மாடல் லிட்டருக்கு 19.98 கிமீ மைலேஜ் தரும் என்று அராய் சான்றளித்துள்ளது.

விலை

தற்போது விற்பனையில் இருக்கும் ரெனோ லாட்ஜி ஆர்எக்ஸ்இசட் டாப் வேரியண்ட்டை விட ரூ.60,000 கூடுதலான விலையில், இந்த புதிய லாட்ஜி ஸ்டெப்வே மாடல் விற்பனைக்கு கிடைக்கும் என்று தெரிவிக்கப்படுகிறது.