குஜராத் ஃபோர்டு கார் ஆலை பற்றி 9 முக்கியத் தகவல்கள்!

01. இந்தியாவில் 2- வது கார் ஆலை

அமெரிக்காவை சேர்ந்த ஃபோர்டு கார் நிறுவனம் இந்தியாவில் அமைத்திருக்கும் இரண்டாவது கார் தொழிற்சாலை இதுவாகும். ஏற்கனவே, சென்னையில் கார் ஆலை செயல்பட்டு வருகிறது.

02. சனந்த் தொழிற்பேட்டை

குஜராத் மாநிலம், ஆமதாபாத் நகருக்கு அருகில் இருக்கும் சனந்த் தொழிற்பேட்டையில் இந்த புதிய கார் ஆலை அமைக்கப்பட்டிருக்கிறது. இதே தொழிற்பேட்டை பகுதியில்தான் டாடா நானோ கார் ஆலை அமைந்திருக்கிறது.

03. முதலீடு

ரூ.5,500 கோடி முதலீட்டில் இந்த புதிய கார் ஆலையை ஃபோர்டு கார் நிறுவனம் அமைத்திருக்கிறது.

04. ஆலை பரப்பளவு

சனந்த் தொழிற்பேட்டை பகுதியில் 460 ஏக்கர் பரப்பளவில் இந்த ஆலை அமைக்கப்பட்டுள்ளது.

05. சப்ளையர்கள்

சனந்த் ஃபோர்டு கார் ஆலையையொட்டி, 19 உதிரிபாக சப்ளையர்களின் ஆலையும் அமைக்கப்பட்டிருக்கிறது.

06. உற்பத்தி திறன்

துவக்கத்தில் 2.40 லட்சம் கார்களையும், 2.70 லட்சம் எஞ்சின்களையும் உற்பத்தி செய்யும் திறன் கொண்டதாக இருக்கும். பின்னர், ஆண்டுக்கு 4.4 லட்சம் கார்களையும், 6.1 லட்சம் கார் எஞ்சின்களையும் இந்த ஆலையில் உற்பத்தி செய்யும் வகையில் விரிவாக்கம் செய்யப்படும்.

07. தொழிலாளர்கள்

சனந்த் ஃபோர்டு கார் ஆலையில் நேரடியாக 2,500 தொழிலாளர்கள் பணிபுரிய உள்ளனர்.

08. ஏற்றுமதி

சனந்த் தொழிற்சாலை மற்றும் சென்னை தொழிற்சாலையின் மூலம் அடுத்த சில ஆண்டுகளில் இந்தியாவிலிருந்து கார் ஏற்றுமதி அளவை மூன்று மடங்கு அதிகரிக்க ஃபோர்டு திட்டமிட்டுள்ளது.

09. முதல் கார்

இந்த புதிய ஃபோர்டு கார் ஆலையில் ஃபோர்டு ஆஸ்பயர் காம்பேக்ட் செடான் கார் முதலில் உற்பத்தி செய்யப்பட உள்ளது. இந்த காரின் தயாரிப்பு நிலை மாடல் நேற்று ஆலை திறப்பு விழாவில் அறிமுகம் செய்யப்பட்டது. இதுதவிர, ஃபோர்டு ஈக்கோஸ்போர்ட் காம்பேக்ட் எஸ்யூவியும் உற்பத்தி செய்யப்பட உள்ளது.