புதிய டொயோட்டா இன்னோவா இந்தோனேஷியாவில் அறிமுகம் - விரைவில் இந்தியாவில்...

By Ravichandran

Updated: Monday, November 23, 2015, 18:45 [IST]

புதிய தலைமுறை டொயோட்டா இன்னோவா எம்பிவி கார் இந்தோனேஷியாவில் இன்று விற்பனைக்கு அறிமுகம் செய்யபட்டுள்ளது.

இதைத்தொடர்ந்து, அடுத்தபடியாக இந்தியாவிலும், பிற சர்வதேச சந்தைகளிலும் அறிமுகம் செய்யபடும் என எதிர்பார்க்கபடுகிறது.

இஞ்ஜின்;

டொயோட்டா இன்னோவாவின் டீசல் மாடல் கார், 2.4 லிட்டர் இஞ்ஜின் கொண்டுள்ளது. இது தேர்வு முறையிலான 5-ஸ்பீட் மேனுவல் கியர்பாக்ஸ் அல்லது 6-ஸ்பீட் ஆட்டோமேட்டிக் கியர்பாக்ஸ் கொண்டுள்ளது.

புதிய டொயோட்டா இன்னோவாவின் பெட்ரோல் மாடல் கார், 2.0 லிட்டர் இஞ்ஜின் கொண்டுள்ளது. இதுவும், தேர்வு முறையிலான 5-ஸ்பீட் மேனுவல் கியர்பாக்ஸ் அல்லது 6-ஸ்பீட் ஆட்டோமேட்டிக் கியர்பாக்ஸ் கொண்டுள்ளது.

மேனுவல் டிரான்ஸ்மிஷன் அல்லது ஆட்டோமேட்டிக் டிரான்ஸ்மிஷன் வேண்டுமா என தேர்வு செய்து கொள்ளும் வசதி வாடிக்கையாளர்களுக்கு பேஸ் வேரியண்ட்களில் இருந்தே கிடைக்கின்றது.

பாதுகாப்பு அம்சங்கள்;

பாதுகாப்பு விஷயத்தில் ஏராளமான அம்சங்கள் இந்த 2016 புதிய இன்னோவாவில் உள்ளது.

இதில் 3 ஏர்பேக்கள், ஏபிஎஸ் எனப்படும் ஆண்டி-லாக் பிரேக்கிங் சிஸ்டம், ஈபிடி எனப்படும் எலக்ட்ரானிக் பிரேக்-ஃபோர்ஸ் டிஸ்ட்ரிப்யூஷன் உள்ளிட்டவை ஸ்டாண்டர்ட் அம்சங்களாக அனைத்து வேரியண்ட்களிலும் கிடைக்கின்றது.