Just In
- just now இந்த காரை எல்லாம் நாம கண்ணால நேர்ல பார்த்தாலே அது நம்ம செஞ்ச புண்ணியம் தான்! காரோட ரேட் அப்படி!
- 39 min ago 5 வருஷத்துக்கு எந்தவொரு பிரச்சனையும் இல்லாமல் ஓட்டலாம்!! வாரண்டியை வாரி வழங்கும் இவி நிறுவனம்!
- 2 hrs ago டீ கடை பிசினஸை விட்டு தள்ளுங்க.. ரயில்வே ஸ்டேஷன்ல தண்ணி கட போட்டாலே கோடி கணக்குல சம்பாதிக்கலாம்..
- 5 hrs ago அரபு நாடுகளுக்கு ஆப்பு வைக்கும் இந்தியா... அவங்க பொழப்புல மொத்தமா மண்ணை அள்ளி போட்டுட்டாங்க...
Don't Miss!
- Sports டி20 உலக கோப்பை- சஞ்சு சாம்சனுக்கு தொடரும் அநீதி.. இந்திய அணியில் ஒரு இடத்திற்கு 3 பவுலர்கள் போட்டி
- News தமிழகத்தில் உச்சம் தொடும் கோடை வெப்பம்.. திடீரென முதல்வர் ஸ்டாலின் வெளியிட்ட அறிக்கை.. என்ன மேட்டர்
- Lifestyle இந்த பட்டனை அழுத்தினால் கார் உடனடியாக கூலிங் ஆகிடும்... இது பலருக்கும் தெரியாத விஷயம்..!
- Movies Actor Dhanush: ஜூலை மாதத்திற்கு தள்ளிப்போகும் தனுஷின் ராயன் பட ரிலீஸ்.. கமல்தான் காரணமா?
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
நீங்கள் ஆவலுடன் எதிர்பார்த்திருக்கும் புதிய சுஸுகி ஸ்விஃப்ட் கார் ஜப்பானில் அறிமுகம்!
புதிய தலைமுறை மாருதி ஸ்விஃப்ட் காரின் படங்கள், தகவல்கள் இன்று ஜப்பானில் வெளியிடப்பட்டன. அடுத்த ஆண்டு இந்தியாவில் அறிமுகமாக இருக்கும் இந்த புதிய காரின் சிறப்பம்சங்களை இந்த செய்தியில் காணலாம்.
பெரிதும் எதிர்பார்க்கப்படும் புதிய தலைமுறை சுஸுகி ஸ்விஃப்ட் காரின் படங்கள் மற்றும் தகவல்கள் ஜப்பானில் இன்று வெளியிடப்பட்டது. புதிய பிளாட்ஃபார்மில் உருவாக்கப்பட்டு இருக்கும் இந்த புதிய சுஸுகி ஸ்விஃப்ட் கார் வடிவமைப்பிலும், வசதிகளிலும் பன்மடங்கு மேம்படுத்தப்பட்டு இருக்கிறது.
அடுத்த ஆண்டு இந்தியாவில் மாருதி பிராண்டில் களமிறங்க இருக்கும் இந்த புதிய ஸ்விஃப்ட் காரில் இடம்பெற்று இருக்கும் முக்கிய அம்சங்கள் மற்றும் படங்களை இந்த செய்தித் தொகுப்பில் காணலாம்.
மாருதி பலேனோ கார் உருவாக்கப்பட்டிருக்கும் அதே இலகு எடை பிளாட்ஃபார்மில்தான் புதிய சுஸுகி ஸ்விஃப்ட் காரும் தயாரிக்கப்பட்டுள்ளது. தோற்றத்தில் மாறுதல்கள் செய்யப்பட்டிருந்தாலும், அடிப்படை டிசைன் தாத்பரியத்திலிருந்து வழுவாமல் வெகு நேர்த்தியாக புதுப்பொலிவு கொடுக்கப்பட்டுள்ளது.
புதிய அறுகோண வடிவ க்ரில் அமைப்பு, நேர்த்தியான புதிய ஹெட்லைட், புதிய பம்பர் அமைப்பு என முகப்பில் முக்கிய மாறுதல்கள் செய்யப்பட்டு இருக்கின்றன. எல்இடி ஹெட்லைட்டுகள், ஹாலஜன் பனி விளக்குகள் போன்ற பல நவீன வசதிகளுடன் வருகிறது. இவை அனைத்தும் நிச்சயம் இந்தியா வரும் புதிய ஸ்விஃப்ட் காரிலும் இடம்பெற்று இருக்கும்.
பக்கவாட்டில் சி பில்லர் வித்தியாசமான வடிவமைப்புடன் புதுப்பொலிவு கொடுக்கப்பட்டு இருக்கிறது. 16 அங்குல விட்டத்துடன் புதிய அலாய் வீல்களுடம் கவர்ச்சியை கூட்டிக் கொண்டுள்ளது. பின்புறம் நோக்கி சரியும் தாழ்வான கூரை அமைப்பு காரின் துள்ளலாான தோற்றத்திற்கு உதவி புரிகிறது.
பின்புறத்தில் டெயில் லைட்டுகள் டிசைன் மாற்றம் செய்யப்பட்டு, தற்போதைய முந்தைய தலைமுறை மாடலை போன்று இருக்கிறது. ஆனால், எல்இடி லைட்டுகளுடன் நவீனத்துவம் பெற்றிருக்கிறது. பம்பர் அமைப்பிலும் மாற்றம் காணப்படுகிறது.
இன்டீரியரிலும் பல புதிய மாற்றங்கள் நிகழ்ந்துள்ளன. புதிய டேஷ்போர்டு அமைப்பு, வட்ட வடிவ ஏசி வென்ட்டுகள், சென்டர் கன்சோலின் பெரும்பான்மையான பகுதியை ஆக்கிரமித்திருக்கும் இன்ஃபோடெயின்மென்ட் சிஸ்டம், அதற்கு கீழே ஏசி கட்டுப்பாட்டு சுவிட்சுகள் கொடுக்கப்பட்டுள்ளன.
தட்டையான அடிப்பாகம் கொண்ட ஸ்டீயரிங் வீல் அமைப்பு, இரட்டை குடுவைகள் மற்றும் டிஜிட்டல் திரையுடன் கூடிய இன்ஸ்ட்ரூமென்ட் க்ளஸ்ட்டருடன் முற்றிலும் புதிதாக மாறியிருக்கிறது. ஸ்டீயரிங் வீலில் கட்டுப்பாட்டு சுவிட்சுகளும் உண்டு. க்ரூஸ் கன்ட்ரோல், எஞ்சின் ஸ்டார்ட்/ஸ்டாப் பட்டன், கீ லெஸ் என்ட்ரி சிஸ்டம் போன்ற அம்சங்களும் இடம்பெற்று இருக்கிறது.
ஜப்பானில் வெளியிடப்பட்டு இருக்கும் புதிய சுஸுகி ஸ்விஃப்ட் காரில் 100 பிஎச்பி பவரை அளிக்க வல்ல 1.0 லிட்டர் பெட்ரோல் எஞ்சின் மற்றும் 89 பிஎச்பி பவரை அளிக்க வல்ல 1.2 லிட்டர் டீசல் எஞ்சின் இடம்பெற்று இறுக்கிறது. டீசல் மாடலில் மைக்ரோ ஹைபிரிட் சிஸ்டம் கொடுக்கப்பட்டு இருக்கிறது.
அதேநேரத்தில், இந்தியாவில் தற்போது பயன்படுத்தப்படும் 1.2 லிட்டர் பெட்ரோல் எஞ்சின் மற்றும் 1.3 லிட்டர் டீசல் எஞ்சின் ஆப்ஷன்களில் விற்பனைக்கு வரும். இந்தியாவில் 5 ஸ்பீடு மேனுவல் கியர்பாக்ஸ் மற்றும் ஏஎம்டி கியர்பாக்ஸ் மாடல்களில் எதிர்பார்க்கப்படுகிறது.
புதிய மாருதி ஸ்விஃப்ட் காரில் பிரேக் ஆற்றலை சரிவிகிதத்தில் சக்கரங்களுக்கு செலுத்தும் இபிடி தொழில்நுட்பம், ஏபிஎஸ் பிரேக்கிங் சிஸ்டம், ரிவர்ஸ் பார்க்கிங் கேமரா மற்றும் சென்சார்கள், ஹில் ஹோல்டு கன்ட்ரோல், 7 ஏர்பேக்குகள் கொண்டதாக வருகிறது.
அடுத்த ஆண்டு மார்ச் மாதம் ஜெனிவா மோட்டார் ஷோவில் புதிய சுஸுகி ஸ்விஃப்ட் கார் உலகளாவிய முறையில் அறிமுகம் செய்யப்பட உள்ளது. அடுத்த ஆண்டு பண்டிகை காலத்தில் இந்தியாவில் விற்பனைக்கு அறிமுகம் செய்யப்படும் என தெரிகிறது. ரூ.5 லட்சம் முதல் ரூ.8 லட்சம் விலையில் இந்தியாவில் விற்பனைக்கு களமிறங்கும்.
-
ஹீரோ நிறுவனம் அமைதியாக பல தரமான சம்பவங்களை செஞ்சிட்டு வருகிறது!! டாப்-10 லிஸ்ட்டில் 4 இடங்களில் ஹீரோ 2-வீலர்ஸ்
-
21 வயசு பொண்ணுக்கு இப்படி ஒரு காரானு எல்லாரையும் புலம்ப வச்சுட்டாரு அவரோட அப்பா! பலரோட கனவு காருங்க இது!
-
பிரம்மாண்டத்துக்கு மறுபெயர் இதுதான்!! ஏர் இந்தியாவில் இனி இப்படியொரு பிளைட்டில் போக முடியாது!