மாருதி சுஸுகியின் புதிய ஆல்ட்டோ 800 விரைவில் அறிமுகம்

கடும் போட்டி;

மாருதி சுஸுகி ஆல்ட்டோ, ரெனோ க்விட் மற்றும் டட்சன் ரெடி-கோ ஆகிய மாடல்களின் ரூபத்தில் கடுமையான சவால்களை எதிர்நோக்கி வருகிறது. ரெனோ க்விட் மற்றும் டட்சன் ரெடி-கோ, ஆல்ட்டோ 800 மாடலின் விற்பனை அளவுகளில் கடுமையான தாக்கத்தை ஏற்படுத்தி வருகிறது. இந்த போட்டியினை சமாளிக்கவே மாருதி நிறுவனம் புதிய ஆல்ட்டோவை அறிமுகம் செய்யும் முயற்சியில் இறங்கியுள்ளது.

மேம்பாடுகள்;

மாருதி நிறுவனம், போட்டியினை எதிர்கொள்ள தங்களின் ஆல்ட்டோவில் சில மேம்பாடுகள் செய்து வழங்க உள்ளனர்.

அறிமுகம்;

மாருதி நிறுவனம், புதிய ஆல்ட்டோ 800 ஹேட்ச்பேக்கை, 2017-ஆம் ஆண்டு இறுதியில் அல்லது 2018-ஆம் ஆண்டு துவக்கத்தில் அறிமுகம் செய்ய உள்ளனர்.

ஜப்பானின் மாடல்?

தற்போதைய நிலையில், ஜப்பானின் வாகன சந்தைகளில் வழங்கப்படும் ஆல்ட்டோ 800 மாடலே தான் இந்திய வாகன சந்தைகளுக்கும் அளிக்கப்படும். டிசைன் படி, ஜப்பானிற்கான ஆல்ட்டோ 800 மற்றும் இந்தியாவிற்கான புதிய ஆல்ட்டோ 800 ஏறக்குறைய ஒரே மாதிரி தான் இருக்கும். ஆனால், இந்தியாவிற்கான புதிய ஆல்ட்டோ 800 மாடலில், தவிர்க்க முடியாத பல்வேறு ஈர்க்கும் வகையிலான அம்சங்கள் சேர்க்கப்பட்டிருக்கும்.

இஞ்ஜின்;

மாருதியின் புதிய ஆல்ட்டோ 800 ஹேட்ச்பேக்கின் இஞ்ஜினில் பெரிய அளவிலான மாற்றங்கள் எதுவும் செய்யப்படாது என எதிர்பார்க்கப்படுகிறது. ஆல்ட்டோ மாடலானது, 800சிசி இஞ்ஜின் மற்றும் 1.0 லிட்டர் கே-சீரிஸ் பெட்ரோல் இஞ்ஜின்கள் தேர்வுகளுடனேயே வெளியாகும்.

கியர்பாக்ஸ்;

மாருதியின் புதிய ஆல்ட்டோ 800 ஹேட்ச்பேக்கின் இஞ்ஜின்கள், 5-ஸ்பீட் மேனுவல் கியர்பாக்ஸுடன் வெளியாகும். இதன் 1.0 லிட்டர் இஞ்ஜின் மட்டும், ஏஎம்டி கியர்பாக்ஸ் தேர்வுடன் வெளியாகும்.

இதர தொடர்புடைய தகவல்கள்;

க்விட் தந்த தாக்கத்தால் புதிய மாருதி ஆல்ட்டோ தயாராகிறது - முழு விவரம்

3 புதிய மாடல்களுடன் போட்டியாளர்களை புறம்தள்ள மாருதி மெகா திட்டம்

புதிய மாருதி சுஸுகி வேகன் ஆர் இந்தியாவில் 2017-ல் அறிமுகம்