மஹிந்திரா இசுப்ரோ எலக்ட்ரிக் வேன் இந்தியாவில் அறிமுகம்

மஹிந்திரா இசுப்ரோ...

மஹிந்திரா இசுப்ரோ எலக்ட்ரிக் வேன், இந்தியாவை சேர்ந்த மஹிந்திரா அன்ட் மஹிந்திரா நிறுவனம் இந்திய வாகன சந்தைகளில் அறிமுகம் செய்துள்ள 3-வது எலக்ட்ரிக் வாகனம் ஆகும். மஹிந்திரா இசுப்ரோ லைன்-அப் தான் இந்தியாவின் முதல் எலக்ட்ரிக் கார்கோ மற்றும் பாசஞ்ஜர் வேன்கள் ஆகும். இவை பூஜ்ஜியம் மாசு உமிழ்வு திறன் கொண்டுள்ளவை ஆகும்.

எலக்ட்ரிக் மோட்டார்;

மஹிந்திரா இசுப்ரோ எலக்ட்ரிக் வேனின் எலக்ட்ரிக் மோட்டார், 200Ah பேட்டரி உடன் இணைக்கப்பட்டுள்ளது. மஹிந்திரா இசுப்ரோ எலக்ட்ரிக் வேனின் பாசஞ்ஜர் வேனின் பேட்டரி 112 கிலோமீட்டர் ரேஞ்ச் கொண்டுள்ளது. இதன் கார்கோ வேரியன்ட் 115 கிலோமீட்டர் ரேஞ்ச் கொண்டுள்ளது.

செயல்திறன்;

மஹிந்திரா இசுப்ரோ எலக்ட்ரிக் வேன், 3 ஃபேஸ் இண்டக்ஷன் ஏசி மோட்டார் கொண்டுள்ளது. இந்த மோட்டார், 3,000 ஆர்பிஎம்களில் 33.53 பிஹெச்பியையும், 1,500 ஆர்பிஎம்களில் 90 என்எம் டார்க்கையும் வெளிப்படுத்தும் திறன் கொண்டுள்ளது.

உச்சபட்ச வேகம்;

மஹிந்திரா இசுப்ரோ எலக்ட்ரிக் வேன், ஒரு மணி நேரத்திற்கு அதிகப்படியாக 60 வரைவிலான வேகத்தில் செல்லும் திறன் கொண்டுள்ளது.

சார்ஜ்;

15amp பிளக் பாயின்ட் உபயோகிக்கும் பட்சத்தில், மஹிந்திரா இசுப்ரோ எலக்ட்ரிக் வேனின் பேட்டரி சார்ஜ் ஆக, 8 மணி நேரமும் 45 நிமிடங்களும் ஆகிறது.

பரிமாணங்கள்;

மஹிந்திரா இசுப்ரோ எலக்ட்ரிக் வேன், 3,798 மில்லிமீட்டர் நீளமும், 1,540 மில்லிமீட்டர் அகலமும், 1,920 மில்லிமீட்டர் உயரமும் கொண்டுள்ளது. மஹிந்திரா இசுப்ரோ எலக்ட்ரிக் வேன், 1,920 மில்லிமீட்டர் வீல்பேஸ் மற்றும் 130 மில்லிமீட்டர் கிரவுண்ட் கிளியரன்ஸ் கொண்டுள்ளது.

எடை;

மஹிந்திரா இசுப்ரோ எலக்ட்ரிக் வேனின் கார்கோ வேரியன்ட் 1,280 கிலோகிராம் எடை கொண்டுள்ளது. இதன் பாசஞ்ஜர் வேரியன்ட் 1320 கிலோகிராம் எடை உடையதாகும். இது, கார்கோ வேரியன்ட்டை காட்டிலும் 40 கிலோ கூடுதல் எடை உடையதாகும்.

திறன்;

மஹிந்திரா இசுப்ரோ எலக்ட்ரிக் வேனின் கார்கோ வேரியன்ட் 600 கிலோகிராம் வரையிலான சுமை இழுவை திறன் கொண்டுள்ளது. இதன் பாசஞ்ஜர் வேரியன்ட், சுமார் 8 பயணிகளை சுமந்து செல்ல முடியும்.

டயர்கள்;

மஹிந்திரா இசுப்ரோ எலக்ட்ரிக் வேன், 13-இஞ்ச் வீல்கள் மீது நிலை கொண்டுள்ளது. இதற்கு, 155/80 R13 டியூப்லெஸ் டயர்கள் பொருத்தப்பட்டுள்ளது.

பிரேக்;

மஹிந்திரா இசுப்ரோ எலக்ட்ரிக் வேனின் முன் பக்கத்தில் டிஸ்க் பிரேக்கும், பின் பக்கத்தில் டிரம் பிரேக்குகளும் பொருத்தப்பட்டுள்ளது.

சிறப்பு சலுகைகள்;

மஹிந்திரா நிறுவனம், இந்த மஹிந்திரா இசுப்ரோ எலக்ட்ரிக் வேனுக்கு 2 வருடங்கள் / 40,000 கிலோமீட்டர் வரைவிலான வாரண்டி அளிக்கிறது. மேலும், இதன் பேட்டரி பேக்கிற்கு, மஹிந்திரா நிறுவனம், 3 வருடங்கள் / 40,000 கிலோமீட்டர் வரைவிலான வாரண்டி அளிக்கிறது.

விலை விவரம்;

மஹிந்திரா இசுப்ரோ எலக்ட்ரிக் வேனின் டெல்லி விலை விவரங்கள்;

மஹிந்திரா இசுப்ரோ (கார்கோ) - 8.45 லட்சம் ரூபாய்

மஹிந்திரா இசுப்ரோ (பாசஞ்ஜர்) - 8.75 லட்சம் ரூபாய்

குறிப்பு; இந்த அனைத்து விலை விவரங்களும், ஃபேம் ஸ்கீம் அடிப்படையில் அரசு வழங்கும் சலுகைக்கு பிந்தைய விலை விவரங்கள் ஆகும்.

பிற சுவாரஸ்யமான செய்திகள்;

உலகின் மிகப்பெரிய 'ஆம்பிபியஸ்' விமானத்தை தயாரித்த சீனா!

மணல் மூட்டைகளுடன் 180 கிமீ வேகத்தில் பறந்த டால்கோ ரயில்... அதிகரிக்கும் ஆவல்!

விபத்தில் சிக்கினாலும் சேதாரமடையாத 'சூப்பர் மேன்'... ஆஸ்திரேலிய நிபுணர்கள் அசத்தல்!