ஓலா நிறுவனத்தின் ஓலா லக்ஸ் சேவை மும்பையில் துவங்கபட்டுள்ளது

ஓலா நிறுவனம், இந்தியாவில் முன்னணி கேப் சேவை வழங்கும் நிறுவனமாக விளங்கி வருகிறது. தற்போது, ஓலா நிறுவனம், ஓலா லக்ஸ் என்ற புதிய வகையிலான கேப் சேவையை மும்பையில் துவங்கியுள்ளது.

ஓலா லக்ஸ் கேப் சேவையில், வாடிக்கையாளர்கள் சொகுசு கார்களான ஆடி, பிஎம்டபுள்யூ மற்றும் மெர்சிடிஸ் பென்ஸ் ஆகியவற்றை ஓலா ஆப் மூலம் புக்கிங் செய்து பயணிக்கலாம்.

ஓலா லக்ஸ் கேப் சேவை, தற்போதைய நிலையில் மும்பையின் சில குறிப்பிட்ட பகுதிகளில் மட்டும் கிடைக்கிறது. மும்பையில் இந்த ஓலா லக்ஸ் கேப் சேவை கிடைக்கும் பகுதியில் வசிக்கும் வாடிக்கையாளர்களின் மொபைல்ஃபோன்களில் மட்டுமே ஓலா லக்ஸ் கேப் சேவையின் குறியீடான ஓலா லக்ஸ் ஐகான் (OLA LUX icon) தோன்றுகிறது.

ஓலா லக்ஸ் கேப் சேவையை பயன்படுத்த வாடிக்கையாளர்கள், குறைந்தபட்சம் 200 ரூபாய் செலுத்த வேண்டும். ஒவ்வொரு கிலோமீட்டர் தூரத்திற்கும், 19 ரூபாய் வசூலிக்கப்படுகிறது. மேலும், ரைட் டைம் ஃபேர் (கட்டணம்) என்ற பெயரில், ஒவ்வொரு கிலோமீட்டர் தூரத்திற்கும் 2 ரூபாய் வசூலிக்கப்படுகிறது.

தற்போதைய நிலையில், ஓலா நிறுவனம், இந்த ஓலா லக்ஸ் சேவை மும்பையில் துவக்கியுள்ளது. இந்த ஓலா லக்ஸ் சேவை, விரைவில் இந்தியாவின் பிற நகரங்களில் துவக்கப்படும் என எதிர்பார்க்கலாம்.