ஃபோக்ஸ்வேகன் அமியோ டீசல் காம்பேக்ட் செடான் இந்தியாவில் விற்பனைக்கு அறிமுகம்

டிசைன்;

டிசைன் பொருத்த வரை, ஃபோக்ஸ்வேகன் அமியோ காம்பேக்ட் செடானின் டீசல் மாடலின் அதிக்கப்படியான அம்சங்கள், பெட்ரோல் மாடலின் டிசைன் அம்சங்களை போன்றே இருக்கும்.

டீசல் மாடல்;

ஃபோக்ஸ்வேகன் அமியோ காம்பேக்ட் செடானின் பெட்ரோல் மாடல், இந்த ஜூன் மாதம் அறிமுகம் செய்யப்பட்டது. இது முன்னதாக, 2016 டெல்லி ஆட்டோ எக்ஸ்போவில் காட்சிப்படுத்தப்பட்டது. போலோ மாடல் வடிவமைக்கப்பட்டுள்ள அதே பிளாட்ஃபார்மை அடிப்படையாக கொண்டு இதுவும் கட்டமைக்கப்பட்டுள்ளது.

அறிமுக தேதியில் குழப்பம்;

ஃபோக்ஸ்வேகன் அமியோ காம்பேக்ட் செடானின் டீசல் மாடல், கடந்த சில தினங்களுக்கு முன் செப்டம்பர் 27-ல் அறிமுகம் செய்யப்படுவதாக இருந்தது. ஆனால், இதன் அறிமுகம் தள்ளி போகும் என்றும் செய்திகள் வெளியாகின. இந்நிலையில், இந்த மாடல், இன்று விற்பனைக்கு அறிமுகம் செய்யப்பட்டது.

வேரியன்ட்கள்;

ஃபோக்ஸ்வேகன் அமியோ காம்பேக்ட் செடானின் டீசல் மாடல், ட்ரென்ட்லைன், கம்ஃபர்ட்லைன் மற்றும் ஹைலைன் ஆகிய 3 வேரியன்ட்களில் கிடைக்கிறது.

இஞ்ஜின்;

ஃபோக்ஸ்வேகன் அமியோ காம்பேக்ட் செடானின் டீசல் மாடல், 4 சிலிண்டர்கள், டர்போசார்ஜர் உடைய 1.5 லிட்டர் டிடிஐ டீசல் இஞ்ஜின் கொண்டுள்ளது. இந்த இஞ்ஜின், 108.62 பிஹெச்பியையும், அதிகப்படியாக 250 என்எம் டார்க் வெளிப்படுத்தும் திறன் உடையதாகும்.

டிரான்ஸ்மிஷன்;

ஃபோக்ஸ்வேகன் அமியோ காம்பேக்ட் செடானின் டீசல் மாடல், 5-ஸ்பீட் மேனுவல் டிரான்ஸ்மிஷன் அல்லது 7-ஸ்பீட் டிஎஸ்ஜி டிரான்ஸ்மிஷன் கொண்டதாக உள்ளது.

முக்கிய அம்சங்கள்;

ஃபோக்ஸ்வேகன் அமியோ காம்பேக்ட் செடானின் டீசல் மாடல், குரூஸ் கண்ட்ரோல், டச்ஸ்கிரீன் இன்போஃடேயின்மென்ட் சிஸ்டம், பார்க்கிங் சென்சார்கள், ரிவர்ஸ் கேமரா உள்ளிட்ட முக்கிய அம்சங்களை கொண்டுள்ளது.

சிறப்பு அம்சங்கள்;

ஃபோக்ஸ்வேகன் அமியோ காம்பேக்ட் செடானின் டீசல் மாடல், செக்மென்ட்டில் முதல் முறை அம்சங்களை ஸ்டாண்டர்ட் அம்சங்களாக கொண்டுள்ளது. இது, டியூவல் ஏர்பேக்குகள், ஏபிஎஸ் எனப்படும் ஆண்டி-லாக் பிரேக்கிங் சிஸ்டம், கிரம்பிள் ஸோன், ஆண்டி-பெர்ஃபோரேஷன் வாரண்டி, 3 வருட பெயின்ட் வாரண்டி, 6-வருட அண்டி-கர்ரோஷன் பெர்ஃபோரேஷன் வாரண்டி உள்ளிட்ட அம்சங்கள் ஸ்டாண்டர்ட் அம்சங்களாக கொண்டுள்ளது.

போட்டி;

ஃபோக்ஸ்வேகன் அமியோ காம்பேக்ட் செடானின் டீசல் மாடல், ஹோண்டா அமேஸ், மாருதி சுஸுகி ஸ்விப்ட் டிசையர், டாடா போல்ட், ஃபோர்டு ஃபிகோ ஆஸ்பையர், ஹூண்டாய் எக்ஸன்ட் ஆகிய மாடல்களுடன் போட்டி போடுகிறது.

விலை;

ஃபோக்ஸ்வேகன் அமியோ காம்பேக்ட் செடானின் டீசல் மாடலின் விலைகளை தெரிந்து கொள்ளலாம்.

ஃபோக்ஸ்வேகன் அமியோ (டீசல்) டிஎல் மேனுவல் டிரான்ஸ்மிஷன் உடையது - 6.26 லட்சம் ரூபாய்

ஃபோக்ஸ்வேகன் அமியோ (டீசல்) சிஎல் மேனுவல் டிரான்ஸ்மிஷன் உடையது - 7.27 லட்சம் ரூபாய்

ஃபோக்ஸ்வேகன் அமியோ (டீசல்) சிஎல் டிஎஸ்ஜி டிரான்ஸ்மிஷன் உடையது - 8.40 லட்சம் ரூபாய்

ஃபோக்ஸ்வேகன் அமியோ (டீசல்) ஹெச்எல் மேனுவல் டிரான்ஸ்மிஷன் உடையது - 8.08 லட்சம் ரூபாய்

ஃபோக்ஸ்வேகன் அமியோ (டீசல்) ஹெச்எல் டிஎஸ்ஜி டிரான்ஸ்மிஷன் உடையது - 9.21 லட்சம் ரூபாய்

குறிப்பு; இங்கு குறிப்பிடப்பட்டுள்ள அனைத்து விலை விவரங்களும், எக்ஸ்-ஷோரூம் (மும்பை) விலைகள் ஆகும்.

இதர தொடர்புடைய செய்திகள்;

புதிய ஃபோக்ஸ்வேகன் அமியோ கார் எப்படி இருக்கிறது... ஒரு ரவுண்டு பார்த்துடலாம்!

சவாலான விலையில் புதிய ஃபோக்ஸ்வேகன் அமியோ விற்பனைக்கு வந்தது!

ஃபோக்ஸ்வேகனின் போலோ, வென்ட்டோ மாடல்களில் 2 புதிய எடிஷன்கள் அறிமுகம்...