மாருதி டெசர்ட் ஸ்டோர்ம் ராலி: மூன்றாவது ஸ்டேஜ் முடிவுகள்!

இந்திய மோட்டார்ஸ்போர்ட் உலகின் சவால்கள் நிறைந்த மிக நீண்ட தூர ராலி பந்தய வழித்தடத்தை போட்டியாளர்கள் பல தடங்கல்களை எதிர்கொண்டு கடந்தனர். இந்த வழித்தடமானது பாலைவனம், மலைப்பாங்கான பகுதியை உள்ளடக்கியதாக இருந்தது.

மூன்றாவது ஸ்டேஜில் எக்ஸ்ட்ரீம் பிரிவில் கிராண்ட் விட்டாரா காரில் வந்த சுரேஷ் ராணா, அஷ்வின் நாயக் இணை முன்னிலை பெற்றது. மாருதி ஜிப்ஸியில் வந்த சந்தீப் ஷர்மா, கரண் ஆர்யா இணை இரண்டாம் இடத்தையும், பஜேரோ எஸ்யூவியில் வந்த நிஜு பாடியா மற்றும் நிரவ் மேத்தா இணை மூன்றாவது இடத்தையும் பெற்றனர்.

மோட்டோ பிரிவில் சிஎஸ்.சந்தோஷ் முதல் இடத்தையும், நட்ராஜ், தன்வீர் ஆகியோர் முறையே இரண்டாவது,மூன்றாவது இடங்களை பிடித்தனர். என்ட்யூர் பிரிவில் அர்பித் குப்தா மற்றும் டி.நாகராஜன் வெற்றி பெற்றனர்.

எக்ஸ்ப்ளோர் பிரிவில் அலி அஜ்கர் மற்றும் முகம்மது முஸ்தபா வெற்றி பெற்றனர். கார்த்திக் மாருதி மற்றும் சங்கர் ஆனந்த் இரண்டாவது இடத்தையும், அனுபம் சந்திரா மற்றும் அதீஷ் அகர்வால் மூன்றாவது இடத்தையும் பெற்றனர்.

மாருதி டெசர்ட் ஸ்டோரம் ராலி பந்தயத்தை மாருதி மோட்டார்ஸ்போர்ட் அமைப்பு நடத்துகிறது. இந்த போட்டிக்கு மொபில் ஆயில் நிறுவனம் ஸ்பான்சராக செயல்படுகிறது. போட்டியில் பங்கேற்றிருக்கும் வாகனங்களுக்கான எரிபொருள் மற்றும் ஆயிலை மொபில் நிறுவனம் வழங்கி வருகிறது.