அடுத்த மாதம் அறிமுகமாக இருக்கும் புதிய டட்சன் ரெடி-கோ 1.0 லிட்டர் வேரியண்ட் கார்..!!

தற்போது டட்சன் நிறுவனம் ரெடி-கோ ஹேட்ச்பேக் மாடலின் 1.0 லிட்டர் வேரியண்ட் காரை அடுத்த மாதம் இந்தியாவில் அறிமுகம் செய்ய உள்ளது.

டட்சன் நிறுவனம் மேனுவல் கியர்பாக்ஸுடன் கூடிய புதிய ரெடி-கோ 1.0 லிட்டர் காரை வரும் ஜூலை மாதம் 19ம் தேதி விற்பனைக்கு அறிமுகப்படுத்தப்பட உள்ளதாக நம்பத்தகுந்த தகவல் வெளியாகியுள்ளது.

இது ரெனால்ட் க்விட் மாடலில் இருக்கும் இஞ்சினுக்கு நிகரான திறன் கொண்டதாக இருக்கும் என கூறப்படுகிறது.

டட்சன் நிறுவனம் மேனுவல் கியர்பாக்ஸுடன் கூடிய புதிய ரெடி-கோ 1.0 லிட்டர் காரை வரும் ஜூலை மாதம் 19ம் தேதி விற்பனைக்கு அறிமுகப்படுத்தப்பட உள்ளதாக நம்பத்தகுந்த தகவல் வெளியாகியுள்ளது.

இது ரெனால்ட் க்விட் மாடலில் இருக்கும் இஞ்சினுக்கு நிகரான திறன் கொண்டதாக இருக்கும் என கூறப்படுகிறது.

தற்போது ரெடி-கோ ஹேட்ச்பேக் காரில் 53 பிஹச்பி ஆற்றலையும், 72 என்எம் டார்க்கையும் வெளிப்படுத்தக்கூடிய 800சிசி இஞ்சின் உள்ளது. இதில் 5 ஸ்பீடு மேனுவல் கியர் பாக்ஸ் உள்ளது.

அடுத்த மாதம் மேனுவல் கியர்பாக்ஸுடன் கூடிய புதிய ரெடி-கோ 1.0 லிட்டர் வேரியண்ட் கார் அறிமுகப்படுத்த உள்ள டட்சன், அடுத்ததாக வரும்அக்டோபர் மாதத்தில் இதே வேரியண்டின் ஆட்டோமேடிக் கியர் பாக்ஸ் மாடலையும் அறிமுகம் செய்ய உள்ளது.

அறிமுகமானதில் இருந்து தற்போது வரைக்கும் 30,000 எண்ணிக்கையிலான டட்சன் ரெடி-கோ கார்கள் இந்தியாவில் விற்பனையாகியுள்ளது குறிப்பிடத்தக்கது.

நடப்பு மாடலைக் காட்டிலும் புதிய ரெடி-கோ 1.0 லிட்டர் வேரியண்ட் கார் ரூ.30,000 முதல் ரூ.55,000 வரை கூடுதல் விலையில் இருக்கும் என எதிர்பார்க்கப்படுகிறது.

நடப்பு டட்சன் ரெடி-கோ கார் ரூ.2.53 லட்சம் என்ற விலையில் தற்போது கிடைக்கிறது. இதன் போட்டியாளரான மாருதி ஆல்டோ காரின் விலை ரூ.2.74 லட்சம் என்பது குறிப்பிடத்தக்கது.

டட்சன் ரெடி-கோ கார் மாருதி ஆல்டோ மற்றும் ரெனால்ட் க்விட் ஆகிய மாடல்களுடன் போட்டியில் உள்ளது குறிப்பிடத்தக்கது.

டிரைவ் ஸ்பார்க் குழுவினரின் கருத்து:

தற்போது நல்ல முறையில் விற்பனையாகி வரும் டட்சன் ரெடி-கோ கார்கள் கூடுதல் திறன் கொண்ட இஞ்சினுடன் வெளிவர இருப்பது டட்சன் ரெடி-கோ கார்களின் விற்பனையை நிச்சயம் அதிகரிக்க உதவும்.