ரூ.20 லட்சம் வரை விலை குறைந்த ஜாகுவார் எஃப்-ஃபேஸ் எஸ்யூவி கார்... காரணம் இதுதான்..!!

By Azhagar

Updated: Wednesday, November 15, 2017, 16:16 [IST]

டாடா மோட்டார்ஸ் நிர்வகித்து வரும் ஜாகுவார் நிறுவனம் தனது எஃப்-ஃபேஸ் காரின் உற்பத்தியை இந்தியாவில் தொடங்கியுள்ளது.

இதனால் எஃப்-ஃபேஸ் கார் இந்தியாவில் ரூ.20 லட்சம் குறைந்து, ரூ. 60.02 லட்சம் விலையில் விற்பனைக்கு அறிமுகமாகிறது.

இந்தியாவில் ஜாகுவார் எஃப்-ஃபேஸ் கார்களின் விலை குறைந்தது..!!

ஜாகுவார் லேண்டுரோவர் நிறுவனத்தின் தயாரிப்பு ஆலை மஹாராஷ்டிரா மாநிலம் பூனேயில் செயல்பட்டு வருகிறது.

அங்குதான் ஜாகுவாரின் வரவேற்பு பெற்ற எஃப்-ஃபேஸ் எஸ்யூவி கார் முழுக்க முழுக்க உருவாக்கப்பட்டுள்ளது.

இந்தியாவில் கிடைக்கப்பெற்ற பாகங்களை ஒன்றிணைத்து தயாரிக்கப்பட்டுள்ள எஃப்-ஃபேஸ் காரில், 20டி பிரஸ்டீஜ் வேரியன்ட்

மட்டுமே விற்பனைக்கு வருகிறது.

எஃப்-ஃபேஸ் மாடலில் அதிக செயல்திறன் கூடிய 30டி காரின் தயாரிப்பு பணிகள் தற்போதைக்கு கைவிடப்பட்டுள்ளது.

எனினும் இதற்கான தயாரிப்பு பணிகள் எதிர்காலத்தில் தொடங்கி 30டி கார் விற்பனைக்கு வரலாம் என்று தெரிகிறது.

Recommended Video

[Tamil] 2017 Skoda Octavia RS Launched In India - DriveSpark

ஜாகுவார் எஃப்-ஃபேஸ் 20டி காரில் 2.0 லிட்டர் டர்போசார்ஜிடு 4 சிலிண்டர் இஞ்சீனியம் டீசல் எஞ்சின் உள்ளது. இதன்மூலம் அதிகப்பட்சமாக 179 பிஎச்பி பவர் மற்றும் 430 என்.எம் டார்க் திறன் கிடைக்கும்.

காரின் நான்கு சக்கரங்களுக்கும் ஆற்றலை கடத்தும் வகையில் எஃப்-ஃபேஸ் 20டி காரில் 8-ஸ்பீடு ஆட்டோமேட்டிக் கியர்பாக்ஸை ஜாகுவார் பொருத்தியுள்ளது.

எஃப்-ஃபேஸ் 20டி காரில் ஜாகுவார் டிரைவ் கண்ட்ரோல், எல்.இ.டி கண்ட்ரோல், டெயில் விளக்குகள், 380வி மெரிடியன் சவுண்டு சிஸ்டம், 12.3 இன்ஸ்ட்ரூமென்ட் டிஸ்பிளே, வை-ஃபை ஹாட்ஸ்பாட், ஆக்ட்டிவிட்டி கீ மற்றும் 10.2 இஞ்ச் தொடுதிரை இன்ஃபோடெயின்மென்ட் சிஸ்டம் ஆகியவை உள்ளது.

Trending on Drivespark:

இந்தியாவில் தயாராகியுள்ள புதிய எஃப்-ஃபேஸ் காரில் 6வது மாடலாக 20டி வெளிவந்துள்ளது. 2.0 டீசல் 20டி பிரஸ்டீஜ் காரை www.findmeacar.in என்ற இணையதளத்தின் மூலம் ஆன்லைனில் புக்கிங் செய்யலாம்.

ஜாகுவார் லேண்டுரோவர் இந்தியா நிறுவனத்தின் நிர்வாக இயக்குநர் & தலைவரான ரோஹித் சூரி பேசும்போது,

"எஃப்-ஃபேஸ் கார் வெளியான நாளிலேயே பல ஜாகுவார் ரசிகர்களின் நெஞ்சத்தை கொள்ளைக்கொண்டுள்ளது".

"இந்த காரை இந்தியாவில் முழுமையாக தயாராகியிருப்பது மேக் இன் இந்தியா திட்டத்திற்கு புதிய மகுடமாக மாறியுள்ளது" என்று கூறினார்.

ஜாகுவார் காரின் எஃப்-ஃபேஸ் 20டி எஸ்யூவி மாடல் இந்தியாவில் தயாராகி இருப்பது மகிழ்ச்சி தான். இதன் மூலம் விலை குறைந்திருப்பது பெருமகிழ்ச்சி.