புதிய டொயோட்டா சிஎச்ஆர் கார் இந்தியாவில் அறிமுகமாகிறது?

2017 இல் பாரிஸில் நடைபெற்ற பாரிஸ் மோட்டார் ஷோவில்(PARIS MOTOR SHOW) ஜப்பானிய நிறுவனமான டொயோட்டா தனது டொயோட்டா CHR என்ற புதிய க்ராஸ்ஓவர் ரக காரை காட்சிப்படுத்தியது. இந்த காலத்திற்கு ஏற்றால் போல் தொழில்நுட்பம், புதிய கட்டுமானம் போன்றவை சிறப்பாய் உள்ளது. பிரபல இணையதளம் இந்த வாகனத்தின் இந்திய வருகை மற்றும் என்ஜின் கோட்பாடுகளை வெளியிட்டுள்ளது.

இதன் ஆய்வுக்கட்டுரை கூறுவதாவது, இந்தியாவில் அறிமுகம் செய்யப்பட இருக்கும் டொயோட்டா சிஎச்ஆர் காரில் 1 .8 லிட்டர் பெட்ரோல் என்ஜின் பயன்படுத்தப்படும். இந்த எஞ்சின் அதிகபட்சமாக 96 .6 BHP செயல் திறை வெளிப்படுத்தும். இது ஒரு ஹைபிரிட் வாகனம் என்பது குறிப்பிடத்தக்கது. மேலும் இதன் டார்க் 142NM வெளிப்படுத்தும். CVT தொழில்நுட்பத்தால் இயக்கப்படும் கியர் பாக்ஸ் என்ஜினுடன் பொருந்தி, அனைத்து சக்கரங்களுக்கும் முறையாய் செயல்திறனை பிரித்தளிக்கிறது.

2020 வெளிவர இருக்கும் இந்த வாகனத்தின் உடல் அமைப்பை சற்று நோக்கலாம். ப்ரொஜெக்டர் முன் விளக்குகள் கொண்ட இந்த வாகனம் கூரான முன்பக்கத்தை கொண்டுள்ளது. இதன் கூரிய முனைகள் தனக்கே உரித்தான அழகியலை வெளிப்படுத்துகிறது. மேலும் பாதுகாப்பு அம்சமான பம்பரின் கீழே கருப்பு நிற பிளாஸ்டிக் CLADDING சட்டம் அமைந்துள்ளது.

இதன் உடலை சுற்றி அமையப்பெற்ற கோட்டிங் வகை CLADDING மற்றும் வடிவமுள்ள முன் பக்க பின் பக்க சக்கரங்கள் பொருந்தும் ஆர்ச்சுகளும் இதன் கட்டுமானத்தின் முக்கியப்புள்ளிகள். வலது மற்றும் இடது புறத்தை காண்கயில் பந்தய வாகனம் போல் காட்சியளிக்கும் ஸ்போர்ட்டி அலாய் வீல்ஸ், சி வடிவிலான பின்பக்க சிகப்பு டேஞ்சர் லெட் விளக்குகள், காற்றை செவ்வனே கையாண்டு வண்டியின் நிலைத்தனையை உறுதி செய்ய ஏதுவாய் உள்ள ரூப் ஸ்பாய்லர்ஸ்(ROOF SPOILERS) ,வலுவான பாதுகாப்பு மிக்க பம்பர் போன்றவை வாகனத்தின் மீதான ஆசையை தூண்டுகிறது.

ஒட்டுமொத்தமாக கூறவேண்டுமென்றால் இந்தவாகனம் நச்சென்று வசீகரமாக தோற்றமளிக்கிறது. இதற்கு ராக்கை அமைப்பிலான ரேகுடு விண்ட்ஷீல்டு(RAKED WINDSHIELD) மற்றும் சரிவான மேற்கூரை(SLOPING ROOF) வடிவமைப்பு தான் காரணம்.

இந்த காரில் 8 அங்குல தொடுதிரை கொண்ட பொழுதுபோக்கு மற்றும் தகவல் பலகை(8 INCH TOUCH SCREEN INFOTAINMENT SYSTEM) இதன் உட்பக்கத்தின் முக்கிய அம்சம். மேலும் என்ஜின் ஆன் / ஆப் ஸ்விட்சுகள், க்ரூயிஸ் கண்ட்ரோல் எனப்படும் வேக கட்டுப்பட்டு மென்பொருள் , முற்றிலும் லெதரினால் இழைக்கப்பட்ட இருக்கைகள் வாகனத்தின் உட்பக்கத்தையும் விரும்ப செய்கிறது.

பாதுகாப்பு அம்சம் போன்றவற்றை காண்கையில், தடம் மாறுதல் குறித்த எச்சரிக்கை வசதிLANE DEPARTURE ALERT), தானாகவே மாறிக்கொள்ளும் ஹை பீம் முன் விளக்குகள்(AUTOMATIC HIGH BEAM), பாதசாரி குறித்து ஓட்டுனருக்கு எச்சரிக்கை(PEDESTRIAN WARNING) , மற்றும் சாலை விதிகளை கணிக்கும் திறமை (ROAD SIGN ASSIST) வாகனத்தின் நம்பகத்தன்மையை வலுப்படுத்துகின்றன.

டொயோட்டா நிறுவனம் இதே வாகனத்தின் மற்றுமோர் பரிணாமாக ஏழு பேர் அமரும் புதிய SUV யின் கட்டுமானத்தை திட்டமிட்டுக்கொண்டிருப்பதாக அறிவித்துள்ளது, இருப்பினும் இது உறுதியல்ல. வேகமாக முன்னேறி கொண்டிருக்கு எஸ்யூவி சந்தையில் இந்த டொயோட்டா CHR வாகனம், நல்லதோர் பெயர் தனக்கும் நிறுவனத்திற்கும் பெற்று தரும்.

CROSSOVER ரக வாகனங்களில் இந்த டொயோட்டா CHR வாகனம் தனி வடிவைமைப்பை பெற்றுள்ளது. மேற்கூறியவாறு இது இந்திய சாலைகளை 2020 இல் தடம் பதிக்க உள்ளது குறிப்பிடத்தக்கது. இந்த வாகன அறிமுகத்திற்கு பின் யுடிலிட்டி வெஹிகிள்(UTILITY VEHICLES) என்ற பிரிவில் ஒரு புதிய காரை களமிறக்க உள்ளதாக தெரிகிறது. இது ஆவலை தூண்டும் விதமாக இருக்கிறது.