புதிய ஹோண்டா டபிள்யூஆர்வி கார் விற்பனைக்கு அறிமுகம்... முழு விபரம்

காம்பேக்ட் எஸ்யூவி மார்க்கெட்டில் ஹோண்டா டபிள்யூஆர்வி எஸ்யூவி சிறந்த தேர்வாக இருந்து வருகிறது. ஹோண்டா ஜாஸ் அடிப்படையில் உருவாக்கப்பட்ட இந்த மாடல் எதிர்பாராத அளவில் பெரிய அளவில் வரவேற்பை பெற்றிருக்கிறது. கடந்த 2017ம் ஆண்டு முதல்முறையாக அறிமுகம் செய்யப்பட்ட நிலையில், தற்போது பிஎஸ்6 எஞ்சின் மற்றும் கூடுதல் சிறப்பம்சங்களுடன் ஃபேஸ்லிஃப்ட் மாடலாக இன்று இந்தியாவில் விற்பனைக்கு கொண்டு வரப்பட்டு இருக்கிறது.

புதிய ஹோண்டா டபிள்யூஆர்வி எஸ்யூவியானது க்ராஸ்ஓவர் மாடலாக இருப்பதுடன் தனித்துவமான வாடிக்கையாளர் வட்டத்தை ஈர்த்துள்ளது. புதிய மாடலில் புரொஜெக்டர் ஹெட்லைட்டுகள், எல்இடி பகல்நேர விளக்குகள், எலெக்ட்ரிக் சன்ரூஃப், 16 அங்குல அலாய் வீல்கள் ஆகியவை முக்கிய அம்சங்களாக உள்ளன.

உட்புறத்திலும் சில மாற்றங்களுடன் வந்துள்ளது. இந்த மாடலில் 7 அங்குல தொடுதிரையுடன் கூடிய இன்ஃபோடெயின்மென்ட் சிஸ்டம் ஆகியவை இடம்பெற்றுள்ளன. ஆன்ட்ராய்டு ஆட்டோ மற்றும் ஆப்பிள் கார் ப்ளே செயலிகளை சப்போர்ட் செய்யும். கீ லெஸ் என்ட்ரி, க்ரூஸ் கன்ட்ரோல் வசதிகளும் உள்ளன.

புதிய ஹோண்டா டபிள்யூஆர்வி எஸ்யூவியில் பிஎஸ்6 தரத்திற்கு இணையான 1.2 லிட்டர் பெட்ரோல் எஞ்சின் பொருத்தப்பட்டு இருக்கிறது. இந்த எஞ்சின் அதிகபட்சமாக 88 பிஎச்பி பவரையும், 110 என்எம் டார்க் திறனையும் வழங்கும். 5 ஸ்பீடு மேனுவல் கியர்பாக்ஸ் இணைக்கப்பட்டுள்ளது.

பிஎஸ்6 தரமுடைய இதன் 1.5 லிட்டர் டீசல் எஞ்சின் 98 பிஎச்பி பவரையும், 200 என்எம் டார்க் திறனையும் வெளிப்படுத்தும். 6 ஸ்பீடு மேனுவல் கியர்பாக்ஸ் தேர்வில் கிடைக்கும். தற்போது ஆட்டோமேட்டிக் கியர்பாக்ஸ் தேர்வு இல்லை.

புதிய ஹோண்டா டபிள்யூஆர்வி எஸ்யூவியின் பெட்ரோல் மாடல் லிட்டருக்கு 16.5 கிமீ மைலேஜையும், டீசல் மாடல் லிட்டருக்கு 23.7 கிமீ மைலேஜையும் வழங்கும் என்று தெரிவிக்கப்பட்டுள்ளது.

இந்த காரில் இரண்டு ஏர்பேக்குகள், இபிடியுடன் கூடிய ஏர்பேக்குகள், ரியர் பார்க்கிங் சென்சார்கள் ஆகியவை முக்கிய பாதுகாப்பு அம்சங்களாக இடம்பெற்றுள்ளன. பழைய வண்ணத் தேர்வுகளிலேயே தொடர்ந்து கிடைக்கும்.

புதிய ஹோண்டா டபிள்யூஆர்வி ஃபேஸ்லிஃப்ட் மாடலானது எஸ்வி மற்றும் விஎக்ஸ் ஆகிய இரண்டு வேரியண்ட்டுகளில் கிடைக்கும். ரூ.8.50 லட்சம் முதல் ரூ.11 லட்சம் என்ற எக்ஸ்ஷோரூம் விலை நிர்ணயிக்கப்பட்டுள்ளது. மாருதி விட்டாரா பிரெஸ்ஸா, ஹூண்டாய் வெனியூ உள்ளிட்ட மாடல்களுக்கு போட்டியாக இருக்கிறது.